दुकाने व आस्थापना अधिनियमातील नियमावर हरकती, सूचना पाठवण्याचे आवाहन

दुकाने व आस्थापना अधिनियमातील नियमावर हरकती, सूचना पाठवण्याचे आवाहन

हिंगोली, दि.16:-महाराष्ट्र दुकाने व आस्थापना (नोकरीचे व सेवाशर्तीचे विनियमन) अधिनियम -2017 हा कायदा दिनांक 19 डिसेंबर 2017 पासून संपूर्ण राज्यात लागू करण्यात आला आहे. या अधिनियमाच्या अनुषंगाने महाराष्ट्र दुकाने व आस्थापना (नोकरीचे व सेवाशर्तीचे विनियमन ) अधिनियम  2017 या नियमांचा मसुदा एका अधिसूचनेव्दारे 2 फेब्रुवारी 2018 रोजी प्रसिध्द करण्यात आला आहे. हा मसुदा mahakamgar.maharashatra.gov.in या शासनाच्या संकेतस्थळावर प्रसिध्द करण्यात आला असून , त्यावरील हरकती व सूचना असल्यास ते देण्याचे आवाहन नागरिकांना करण्यात आले आहे.

          या संबंधीच्या सूचना व हरकती प्रधान सचिव (कामगार) उद्योग, ऊर्जा व कामगार विभाग, मादाम कामा मार्ग, हुतात्मा राजगुरु चौक, मंत्रालय, मुंबई - 400032 या पत्यावर अथवा psec.labour@maharashtra.gov.in  या संकेतस्थळावर किंवा  कामगार आयुक्त, कामगार भवन, ई-बलॉक, सी – 20 , वांद्रे (पूर्व), मुंबई 400051 (mahalabourcommr@gmail.com) यांच्याकडे या बातमीच्या प्रसिध्दी दिनांकापासुन 15 दिवसांच्या आत व्यक्तीश: किंवा टपालद्वारे अथवा ई- मेलव्दारे सादर कराव्यात. या कालावधीनंतर प्राप्त होणाऱ्या सूचना किंवा हरकतींचा विचार करण्यात येणार नाही , असे आवाहन सरकारी कामगार अधिकारी   टी. ई. कराड  यांनी केले आहे.

00000