HAM रेडिओ वायरलेस प्रशिक्षण कार्यशाळा संपन्न

हिंगोली, दि. 15 : नैसर्गिक अथवा मानव निर्मित्त आपत्तीमध्ये तात्काळ मदत कार्य पोचवण्यासाठी व शोध व बचाव कार्य करण्यासाठी HAM रेडिओ, VHF वायरलेस या संपर्क यंत्रणेचा वापर करून एकमेकांमध्ये समन्वय साधून आपत्तीत मदत कार्य पोचवता येते. या यंत्रणेचे महत्व जाणून आपत्ती व्यवस्थापन विभाग, जिल्हाधिकारी कार्यालय यांच्या मार्फत जिल्ह्यात HAM रेडिओ, VHF वायरलेस या प्रशिक्षण कार्यशाळेचे आयोजन दि. 05 ते 12 फेब्रुवारी, 2018 या कालावधीत करण्यात आले होते. सदर प्रशिक्षण नितीन ऐनापुरे व संच यांच्या मार्फत देण्यात आले. प्रशिक्षणास उपविभागीय अधिकारी व तहसील कार्यालयातील अधिकारी/कर्मचारी व इच्छूक प्रशिक्षणार्थी यांची उपस्थिती होती. कार्यशाळेचा समारोप दि. 12 फेब्रुवारी, 2018 रोजी करण्यात आला. प्रसंगी जिल्हा आपत्ती व्यवस्थापन अधिकारी रोहित कंजे यांनी सर्व प्रशिक्षणार्थी व मान्यवरांचे आभार व्यक्त केले.

*****