मतदार जनजागृतीनिमित्त आज मोटार सायकल रॅलीचे आयोजन

हिंगोली (जिमाका), दि. 13 : विधानसभा सार्वत्रिक निवडणूक 2024अंतर्गत दि. 20 नोव्हेंबर, 2024 रोजी मतदान होणार आहे. त्याअनुषंगाने मतदानाची टक्केवारी वाढविण्यासाठी स्वीपअंतर्गत विविध उपक्रम घेण्यात आहे. त्याचाच भाग म्हणून उद्या गुरुवार, दि. 14 नोव्हेंबर, 2024 रोजी मतदान जनजागृतीसाठी मोटार सायकल रॅलीचे आयोजन करण्यात आले आहे. या मोटार सायकल रॅलीची सुरुवात सकाळी 8.30 वाजता जिल्हाधिकारी कार्यालय, हिंगोली येथून होणार असून याचा समारोपही तेथेच होणार आहे. मतदार जनजागृतीनिमित्त आयोजित मोटार सायकल रॅलीमध्ये सहभागी होण्यासाठी सर्व विभागातील अधिकारी व आपल्या अधिनस्त आस्थापनेवरील सर्व अधिकारी, कर्मचारी यांनी स्वत:ची मोटारसायकल व हेल्मेटसह सकाळी 8.30 वाजता उपस्थित राहावेत, असे आवाहन जिल्हाधिकारी तथा जिल्हा निवडणूक अधिकारी अभिनव गोयल यांनी केले आहे. ******