माजी सैनिक/पत्नी/पाल्य विशेष गौरव पुरस्कार योजना करीता अर्ज करण्याचे आवाहन

माजी सैनिक/पत्नी/पाल्य विशेष गौरव पुरस्कार योजना करीता अर्ज करण्याचे आवाहन

      हिंगोली,दि.3 : विविध क्षेत्रात विशेष कार्य करणाऱ्या जिल्ह्यातील माजी सैनिक/पत्नी/पाल्यांचा सैनिक कल्याण विभागामार्फत विशेष गौरव पुरस्कार योजना अंतर्गत पुरस्कार प्रदान केले जातात. याकरीता राष्ट्रीय व आंतरराष्ट्रीय पातळीवर विविध क्षेत्रात उत्कृष्ट कार्य करणाऱ्या खेळात, साहित्य, संगीत, गाय, वादन, नृत्य, नाट्य व इतर कला, नैसर्गिक आपत्तीमध्ये बहुमोल कामगिरी, यशस्वी उद्योजक, सामाजिक कार्य आणि पर्यावरण विषयक पुरस्कार मिळविणारे इत्यादी माजी सैनिक, पत्नी, पाल्य तसेच सन 2017-18 शैक्षणिक वर्षात इयत्ता 10 वी आणि 12 वी  बोर्डात 95 टक्के पेक्षा अधिक गुण मिळविलेल्या तसेच पदवी किंवा पदव्युत्तर परीक्षेत विद्यापीठात सर्वप्रथम क्रमांकाने उत्तीर्ण व आयआयटी, आयआयएम व एम्स अशा नामवंत व ख्यातीप्राप्त संस्थांमध्ये प्रवेश मिळालेल्या जिल्ह्यातील माजी सैनिक पाल्यांना सैनिक कल्याण विभागाकडून विशेष गौरव पुरस्कारप्रदान करण्यात येणार आहेत.

        या विशेष गौरव पुरस्कार योजनेसाठी पात्र जिल्ह्यातील माजी सैनिक, पत्नी पाल्यांनी या कार्यालयात उपलब्ध असलेले कागदपत्रांसाठी 16 सप्टेंबर, 2018 पूर्वी या कार्यालयात संपर्क साधावा. अर्जासोबत ओळखपत्राची छायांकित प्रत, 10 व 12 वी बोर्डाच्या परीक्षेच्या गुणपत्रिकेची छायांकित प्रत, चालू वर्षी शिकत असल्याचे बोनाफाईड सर्टीफिकेट, डिस्चार्ज पुस्तकात कुटुंबाची नांवे असलेल्या पानाची छायांकित प्रत, आर्थिक मदतीच्या हिरव्या कार्डची छायांकित प्रत, राष्ट्रीयकृत बँक पासबुकच्या पहिल्या पानाची छायांकित प्रत व आधार कार्डची छायांकित प्रत तसेच इतर क्षेत्रात उत्कृष्ट कामगिरी केल्याबद्दलचे प्रमाणपत्र सादर करावीत. या संधीचा जास्तीत-जास्‍त लाभ माजी सैनिकांनी घ्यावा असे आवाहन जिल्हा सैनिक कल्याण अधिकारी, हिंगोली यांनी केले आहे.

*****