ऑक्टोबर 2017 मध्ये मुदत संपणाऱ्या ग्रामपंचायतींचा

सार्वत्रिक निवडणूकांचा कार्यक्रम जाहीर

        हिंगोली, दि. 23 : राज्य निवडणूक आयोगाने राज्यातील माहे ऑक्टोबर 2017 मध्ये मुदत संपणाऱ्या ग्रामपंचायतींच्या सार्वत्रिक निवडणूकांसाठी निवडणूक कार्यक्रम जाहीर केलेला आहे. हिंगोली जिल्ह्यातील ग्रामपंचायतीकरिता मतदान दिनांक 23 सप्टेंबर, 2017 रोजी तर दि. 25 सप्टेंबर, 2017 रोजी मतमोजणी होणार आहे, अशी माहिती जिल्हाधिकारी हिंगोली यांनी दिली आहे.

            ग्रामपंचायतींच्या सार्वत्रिक निवडणूकीचा कार्यक्रम पुढीलप्रमाणे : 1) तहसिलदार यांनी निवडणूकीची नोटीस प्रसिध्द करण्याचा गुरूवार, दिनांक 24 ऑगस्ट, 2017, 2) नामनिर्देशनपत्रे मागविण्याचा व सादर करण्याचा दिनांक व वेळ (नमुना अ अ मध्ये नमूद केलेल्या ठिकाणी) दि. 4 सप्टेंबर, 2017 (सोमवार) ते दि. 8 सप्टेंबर, 2017 (शुक्रवार)  सकाळी 11.00 वा. पासून ते दुपारी 4.30 पर्यंत (दि. 5 सप्टेंबर, 2017 रोजी ज्या जिल्ह्यात सार्वजनिक सुट्टी असेल तो दिवस वगळून), 3) नामनिर्देशनपत्र छाननी करण्याचा दिनांक व वेळ (नमुना अ अ मध्ये नमूद केलेल्या ठिकाणी) सोमवार, दि. 11 सप्टेंबर, 2017 सकाळी 11.00 वाजेपासून छाननी संपेपर्यंत, 4) नामनिर्देशनपत्रे मागे घेण्याचा अंतिम दिनांक व वेळ (नमुना अ अ मध्ये नमूद केलेल्या ठिकाणी) बुधवार, दि. 13 सप्टेंबर, 2017 दुपारी 3.00 वाजेपर्यंत, 5) निवडणूक चिन्ह नेमून देण्याचा तसेच अंतिमरित्या निवडणूक लढविणाऱ्या उमेदवारांची यादी प्रसिध्द करण्याचा दिनांक व वेळ बुधवार, दि. 13 सप्टेंबर, 2017 दुपारी 3.00 वा. नंतर, 6) आवश्यक असल्यास मतदानाचा शनिवार, दिनांक 23 सप्टेंबर, 2017 सकाळी 7.30 वा. पासून ते सायं. 5.30 वाजेपर्यंत, 7) मतमोजणीचा दिनांक (मतमोजणीचे ठिकाण व वेळ जिल्हाधिकाऱ्यांच्या मान्यतेने तहसिलदार निश्चित करतील त्यानुसार राहील.) सोमवार, दि. 25 सप्टेंबर, 2017, 8) निवडणूकांचा निकाल प्रसिध्द करण्याचा अंतिम दिनांक बुधवार, दि. 27 सप्टेंबर, 2017.

                                                                                     

*****