हिंगोली, दि.24: केंद्र शासनाच्या वतीने आधारभूत किंमत
खरेदी योजनेअंतर्गत 2020-21 या हंगामामध्ये नाफेडच्या वतीने हमीभावाने तूर खरेदी
सुरु करण्याबाबत शासनाने दिनांक 21 डिसेंबर,2020 च्या पत्रान्वये कळविले आहे.
त्याप्रमाणे परभणी व हिंगोली जिल्ह्यात जिंतूर, पूर्णा, पाथरी, सोनपेठ, बोरी,
सेलू, जवळा बाजार, वसमत, हिंगोली, कळमनुरी, सेनगाव या 11 केंद्रांवर तूर खरेदीसाठी
दिनांक 28 डिसेंबर, 2020 पासून नोंदणी सुरु करण्यात येणार आहे.
जिल्ह्यातील सर्व शेतकरी बांधवांनी या योजनेचा लाभ
घेण्यासाठी संबंधित ज्या त्या तालुक्याच्या खरेदी केद्रावर नोंदणी करण्यात यावी,
नोंदणीसाठी आधारकार्ड, चालू वर्षाचा ऑनलाईन सातबारा उतारा, पिकपेरा, बँकेचे पासबूक
ही कागदपत्रे स्कॅन करुन नोंदणी करण्यात यावी, असे आवाहन जिल्हा पणन अधिकारी, परभणी
/ हिंगोली यांनी केले आहे.
*****
No comments:
Post a Comment