हिंगोली लोकसभा मतदारसंघ निवडणुकीसाठी तिसऱ्या दिवशी एक अर्ज दाखल, • आज 17 उमेदवारांना 68 अर्जांचे वितरण

हिंगोली लोकसभा मतदारसंघ निवडणुकीसाठी तिसऱ्या दिवशी एक अर्ज दाखल • आज 17 उमेदवारांना 68 अर्जांचे वितरण हिंगोली (जिमाका), दि. 01 : हिंगोली लोकसभा मतदारसंघ निवडणुकीसाठी तिसऱ्या दिवशी आज एक अर्ज दाखल करण्यात आल्याची माहिती जिल्हा निवडणूक अधिकारी जितेंद्र पापळकर यांनी दिली. हिंगोली लोकसभा निवडणुकीच्या नामनिर्देशन प्रक्रियेला गुरुवार, दि. 28 मार्चपासून सुरुवात झाली आहे. या मतदार संघासाठी 26 एप्रिल रोजी दुसऱ्या टप्प्यात मतदान होणार आहे. आज नामनिर्देशनपत्र वितरण व स्विकृतीच्या तिसऱ्या दिवशी 17 उमेदवारांना 68 अर्जांचे वितरण करण्यात आले असून, आतापर्यंत एकूण 71 इच्छुक उमेदवारांना 243 नामनिर्देशनपत्रांचे वितरण करण्यात आले आहे. तर तिसऱ्या दिवशी आज अभिनव भारत जनसेवा पक्षाचे रवि रामदास जाधव यांनी एक नामनिर्देशन अर्ज दाखल केले आहे. त्यामुळे आतापर्यंत दाखल केलेल्या नामनिर्देशन अर्जांची संख्या दोन झाली आहे. यावेळी निवडणूक निर्णय अधिकारी तथा जिल्हाधिकारी जितेंद्र पापळकर, अपर जिल्हाधिकारी खुशाल सिंह परदेशी, सहायक निवडणूक निर्णय अधिकारी तथा उपविभागीय अधिकारी उमाकांत पारधी यांच्यासह याकामी नियुक्त अधिकारी -कर्मचारी उपस्थित होते. एका उमेदवारास जास्तीत जास्त 4 अर्ज घेता येतात. नामनिर्देशनपत्रे 4 एप्रिलपर्यंत कार्यालयीन कामकाजाच्या दिवशी सकाळी 11 ते 3 वाजेपर्यंत सादर करता येतील. शुक्रवार, दि. 5 एप्रिल रोजी नामनिर्देशनपत्रांची छाननी करण्यात येणार असून, सोमवार, दि. 8 एप्रिल 2024 रोजी उमेदवारी अर्ज मागे घेण्याचा शेवटचा दिवस आहे. ******