वसतिगृह प्रवेशासाठी अर्ज सादर करण्याचे आवाहन

हिंगोली (जिमाका), दि. 25 : इतर मागास बहुजन कल्याण विभागांतर्गत सहाय्य संचालक इतर मागास बहुजन कल्याण विभागाच्या अधिनस्त येथील अंतुरे नगर येथील मुलींचे शासकीय वसतिगृह तसेच अकोला बायपास रोड बळसोंड येथील मुलांचे वसतीगृहात सन 2024-25 या शैक्षणिक सत्रात व्यावसायकि व बिगर व्यावसायिक शिक्षणासाठी प्रवेश घेतलेल्या विद्यार्थ्यांसाठी ऑनलाईन प्रवेश प्रक्रियेसंदर्भत अर्ज वाटप व स्वीकार करण्याचे काम सहाय्यक संचालक इतर मागास बहुजन कल्याण विभाग, शासकीय रुग्णालयाच्या पाठीमागे दर्गा रोड हिंगोली येथे सुरु झाले आहे. या वसतिगृहात प्रवेशासाठी इतर मागास वर्ग, विमुक्त जाती, भटक्या जमाती, विशेष मागास प्रवर्गातील व्यावसायिक व बिगर व्यावसायिक प्रवर्गातील शिक्षण घेणाऱ्या जास्तीत जास्त विद्यार्थ्यांनी अर्ज सादर करावेत, असे आवाहन सहाय्यक संचालक यादव गायकवाड यांनी केले आहे. *****