कळमनुरी आयटीआय येथे आज छत्रपती शाहू महाराज युवाशक्ती करिअर मार्गदर्शन शिबीर

हिंगोली (जिमाका), दि. 18 : औद्योगिक प्रशिक्षण संस्था कळमनुरी अंतर्गत कळमनुरी येथील तोष्णीवाल मंगल कार्यालयात दि. 19 जून, 2024 रोजी कळमनुरी तालुका व परिसरातील विद्यार्थी व पालकांसाठी मोफत छत्रपती शाहू महाराज युवाशक्ती करिअर मार्गदर्शन शिबिराचे आयोजन करण्यात आले आहे. या करिअर मार्गदर्शन शिबिरामध्ये इयत्ता 10 वी व 12 वी नंतर काय, भविष्यातील शिक्षणाच्या व रोजगाराच्या संधी, कौशल्य शिक्षणाचे महत्त्व, अद्यायवत तंत्रज्ञानावर आधारित शिक्षण, नोकरीसाठी मुलाखतीची तयारी करणे, व्यक्तिमत्त्व विकास व बायोडाटा तयार करणे इत्यादी विविध विषयावर तज्ञ वक्त्यामार्फत मार्गदर्शन होणार आहे. विद्यार्थी व पालकांनी या समुपदेशन मेळाव्यामध्ये हजर राहून लाभ घ्यावा, असे आवाहन कळमनुरी येथील शासकीय औद्योगिक प्रशिक्षण संस्थेचे प्राचार्य एस. एल. कोंडावार यांनी केले आहे. **