महा-रेशीम अभियान-2020 चा शुभारंभ
हिंगोली,
दि.7 : वस्त्रोद्योग विभागातंर्गत जिल्हा
रेशीम कार्यालय, हिंगोली
आयोजीत महारेशीम अभियान-2020
चा प्रचार
रथाला अप्पर जिल्हाधिकारी
जगदीश
मिणीयार व निवासी
उपजिल्हाधिकारी चंद्रकांत सुर्यवंशी यांच्या
हस्ते हिरवी झेंडी दाखवून महा-रेशीम अभियान-2020 चा
शुभारंभ करण्यात आला.
संपुर्ण राज्यात
शेतीला उत्तम जोडधंदा असलेल्या रेशीम
शेतीचा प्रचार प्रसार व्हावा यासाठी
रेशीम संचालनालयाकडुन दरवर्षी
महा-रेशीम अभियानाचे आयोजन
करण्यात येते. या अभियान
कालावधीमध्ये गावोगावी
जावून रेशीम शेती
विषयक प्रचार प्रसार व
जनजागृती करुन शेतकऱ्यांचा
सहभाग वाढविण्यात येतो.
या वर्षी
2020-2021 करीता महा-रेशीम
अभियान दि. 07 ते 21 जानेवारी, 2020 या कालावधीत राबविण्यात
येणार आहे. शेतकऱ्यांनी मोठ्या
संख्येने आपली नांव नोंदणी
करुन पारंपारीक शेतीला
उत्तम असा जोडधंद्याची
साथ देवून स्वत:ची आर्थिक
स्थिती बळकट करावी
असे आवाहन अप्पर जिल्हाधिकारी
जगदीश मिणीयार व निवासी उपजिल्हाधिकारी
चंद्रकांत सूर्यवंशी
यांनी शेतकऱ्यांशी चर्चा
करतांना केले.
या वेळी जिल्हा रेशीम विकास
अधिकारी स्वप्नील तायडे, वरिष्ठ
तां.
सहाय्यक अशोकराव वडवळे, क्षेत्र सहाय्यक प्रविण चव्हाण आदी
उपस्थित होते.
****
No comments:
Post a Comment