परदेश शिष्यवृत्तीसाठी अर्ज करण्यास 20 मेपर्यंत मुदतवाढ

हिंगोली (जिमाका), दि. 06 : सामाजिक न्याय व विशेष सहाय विभागामार्फत अनुसूचित जाती व नवबौध्द प्रवर्गातील विद्यार्थ्यांना परदेशामध्ये विशेष अध्ययन करण्यासाठी प्रवेश घेतलेल्या विद्यार्थ्यांना सन 2025-26 या शैक्षणिक वर्षाच्या शिष्यवृत्तीकरिता विद्यार्थ्यांकडून जाहिरातीद्वारे अर्ज स्वीकरण्याची अंतिम दि. 30 एप्रिल, 2025 अशी होती. परंतु यासाठी आता अर्ज स्वीकारण्यास दि. 20 मे, 2025 पर्यंत मुदतवाढ दिली आहे. या योजनेचा लाभ घेण्यासाठी हिंगोली जिल्ह्यातील पात्र लाभार्थ्यांनी विहित मुदतीत अर्ज करावेत. अधिक माहितीसाठी शासनाच्या www.maharashtra.gov.in या संकेतस्थळावरील रोजगार या लिंकवर भेट द्यावी, असे आवाहन सहाय्यक आयुक्त, समाज कल्याण, हिंगोली यांनी केले आहे. ******