हिंगोली व वसमत नगर परिषद निवडणूक निरीक्षक म्हणून रत्नदीप गायकवाड यांची नियुक्ती

• राजकीय पक्ष, उमेदवार, नागरिक किंवा मतदाराची तक्रार असल्यास संपर्क साधण्याचे आवाहन हिंगोली (जिमाका), दि. 17 : राज्य निवडणूक आयोगाने हिंगोली जिल्ह्यातील हिंगोली व वसमत नगर परिषदेच्या सार्वत्रिक निवडणुकीसाठी नांदेडचे अपर जिल्हाधिकारी रत्नदीप गायकवाड यांची निवडणूक निरीक्षक म्हणून नियुक्ती केली आहे. त्यांचा संपर्क क्रमांक 9702220024 हा आहे. नगर परिषद सार्वत्रिक निवडणुकीच्या निरीक्षणासाठी आलेले निवडणूक निरीक्षक रत्नदीप गायकवाड यांना कोणत्याही राजकीय पक्षांची, उमेदवारांची, नागरिकांची किंवा मतदाराची तक्रार असल्यास त्यांच्याशी मोबाईल क्रमांकावर संपर्क साधता येईल, असे विभागीय आयुक्त जितेंद्र पापळकर यांच्या स्वाक्षरीने आदेशित करण्यात आले आहे. ***