पदवीधर मतदारसंघाच्या मतदार नोंदीच्या कार्यवाहीचा सुधारित कार्यक्रम जाहीर

हिंगोली (जिमाका), दि.15 : पदवीधर मतदारसंघाच्या मतदार नोंदणीच्या अर्जावर कार्यवाही करण्यासाठीचा सुधारित कार्यक्रम औरंगाबाद विभाग पदवीधर मतदारसंघाचे मतदार नोंदणी अधिकारी जितेंद्र पापळकर यांनी जाहीर केला आहे. सुधारित कार्यक्रम हस्तलिखीते तयार करणे व प्रारुप मतदार याद्यांची छपाई 28 नोव्हेंबर, प्रारुप मतदार याद्यांची प्रसिद्धी 03 डिसेंबर, दावे व हरकती स्वीकारण्याचा कालावधी 03 ते 18 डिसेंबर, 2025, दावे व हरकती निकाली काढण्याचा दिनांक व पुरवणी यादी तयार करणे व छपाई करणे 05 जानेवारी, 2026, मतदार यादीची अंतिम प्रसिद्धी 12 जानेवारी, 2026 असा आहे. ***