हिंगोली (जिमाका), दि. 25 : जिल्हाधिकारी राहुल गुप्ता यांच्या अध्यक्षतेखाली जिल्हाधिकारी कार्यालयात जिल्हा दक्षता व नियंत्रण समितीची बैठक पार पडली.
बैठकीत अनुसूचित जाती-जमाती अत्याचार प्रतिबंधक अधिनियमांतर्गत सन 2026-27 मधील 18 प्रकरणे मंजुरीसाठी सादर करण्यात आली. या सर्व प्रकरणांचा जिल्हाधिकारी राहुल गुप्ता यांनी सविस्तर आढावा घेत याबाबत अधिकाऱ्यांना योग्य त्या सूचना केल्या.
यावेळी जिल्हा परिषदेचे मुख्य कार्यकारी अधिकारी विवेक गायकवाड, वैद्यकीय महाविद्यालय व रुग्णालयाचे अधिष्ठाता डॉ. श्रीचक्रधर मुंगल, समाज कल्याण विभागाच्या सहायक आयुक्त गीता गुट्टे, पोलीस उपअधीक्षक नारायण देशमुख, जिल्हा दक्षता व नियंत्रण समितीचे सदस्य तसेच संबंधित विभागांचे अधिकारी उपस्थित होते.
समाज कल्याण विभागाच्या सहायक आयुक्त श्रीमती गुट्टे यांनी बैठकीत विविध प्रकरणांची तपशीलवार माहिती सादर केली.
No comments:
Post a Comment