हिंगोली दि. 25, (जिमाका) : दिव्यांग व्यक्तींना आवश्यक सेवा व सुविधा प्रभावीपणे उपलब्ध करून देण्यासाठी संबंधित विभागांनी समन्वयाने कार्यवाही करण्याच्या सूचना जिल्हाधिकारी राहुल गुप्ता यांनी जिल्हा दिव्यांग पुनर्वसन केंद्र समितीच्या बैठकीत जिल्हाधिकारी कार्यालयातील बैठकीत केल्या.
बैठकीत जिल्हा दिव्यांग पुनर्वसन केंद्राचे कार्यान्वयन व मनुष्यबळ बळकटीकरण, जिल्हा दिव्यांग पुनर्वसन केंद्राच्या इमारत बांधकामाचा आढावा, दिव्यांग व्यक्ती सर्वेक्षण, जिल्हा दिव्यांग पुनर्वसन केंद्रासाठी केंद्रीय अनुदानाचा प्रस्ताव शासनास सादर करण्याबाबतच्या कार्यवाहीचा जिल्हाधिकारी राहुल गुप्ता यांनी आढावा घेतला.
यावेळी जिल्हा परिषदेचे मुख्य कार्यकारी अधिकारी विवेक गायकवाड, शासकीय वैद्यकीय महाविद्यालय व रुग्णालयाचे अधिष्ठाता डॉ. श्रीचक्रधर मुंगल, समाज कल्याण विभागाच्या सहायक आयुक्त गीता गुट्टे, पोलीस उपअधीक्षक नारायण देशमुख, पोलीस निरीक्षक दत्ताजी केंद्रे, छत्रपती संभाजीनगर येथील महात्मा गांधी सेवा संघाचे संचालक विजय घाणेकर तसेच संबंधित विभागांचे अधिकारी उपस्थित होते.
No comments:
Post a Comment