स्वच्छता ही सेवा’ अभियानांतर्गत 1 ऑक्टोबरला ‘एक दिन, एक घंटा, एक साथ’ महा-श्रमदान
जिल्ह्यातील नागरिकांनी मोठ्या संख्येने सहभागी होण्याचे आवाहन
या अभियानांतर्गत हिंगोली जिल्ह्यातील सर्व तालुके व ग्रामपंचायतींच्या माध्यमातून सार्वजनिक ठिकाणी स्वच्छता व श्रमदानाचे कार्यक्रम आयोजित करण्यात आले आहेत. याच मोहिमेचा एक भाग म्हणून 1 ऑक्टोबर 2026 रोजी देशभरात एकाच वेळी ‘महा-श्रमदान-एक दिन, एक घंटा, एक साथ’ हे अभियान राबविण्यात येणार आहे.
स्वच्छता ही केवळ शासनाची जबाबदारी नसून प्रत्येक नागरिकाचा सहभाग आवश्यक आहे. त्यामुळे जिल्ह्यातील ज्येष्ठ नागरिक, विद्यार्थी, युवक, ग्रामस्थ, विविध सेवाभावी संस्था, मंडळे, महिला बचत गट तसेच लोकप्रतिनिधींनी 1 ऑक्टोबर रोजी आपल्या गावातील ग्रामपंचायत, मंदिर, शाळा, रस्ते, नदीघाट, बाजारपेठ आदी सार्वजनिक ठिकाणी एक तास श्रमदान करून या देशव्यापी अभियानात सहभागी व्हावे, असे आवाहन जिल्हा परिषदेचे मुख्य कार्यकारी अधिकारी विवेक गायकवाड व उपमुख्य कार्यकारी अधिकारी समृद्धी दिवाणे यांनी केले आहे.
No comments:
Post a Comment