हिंगोली, दि. १६ (जिमाका) : समस्याग्रस्त व पीडित महिलांना त्यांच्या प्रश्नांची मांडणी करण्यासाठी व्यासपीठ उपलब्ध करून देण्यासाठी जिल्हास्तरीय महिला लोकशाही दिन सोमवार, दि. २१ सप्टेंबर रोजी जिल्हाधिकारी कार्यालयातील जिल्हाधिकारी यांच्या दालनात सकाळी ११ वाजता आयोजित करण्यात आला आहे.
महिलांच्या तक्रारी व अडचणी शासकीय यंत्रणेकडून सोडविण्यासाठी जिल्हाधिकारी राहुल गुप्ता यांच्या अध्यक्षतेखाली दर महिन्याच्या तिसऱ्या सोमवारी जिल्हास्तरीय महिला लोकशाही दिन आयोजित केला जातो.
महिलांनी त्यांच्या तक्रारी व अडचणी संबंधित कागदपत्रांसह लोकशाही दिनात मांडाव्यात, असे आवाहन जिल्हा महिला व बालविकास अधिकारी तथा जिल्हा महिला लोकशाही दिनाचे सदस्य सचिव संतोष दरपलवार यांनी केले आहे.
No comments:
Post a Comment