जिल्हाधिकारी यांच्या अध्यक्षतेखाली जिल्हास्तरीय सुकाणू समितीची बैठक संपन्न
अन्न सुरक्षा व मानके अधिनियमाच्या प्रभावी अंमलबजावणीचा घेतला आढावा
हिंगोली, दि. २९ (जिमाका) : अन्न सुरक्षा व मानके अधिनियम, २००६ ची प्रभावी अंमलबजावणी, नियंत्रण तसेच अन्न सुरक्षेशी संबंधित समस्यांचे निराकरण करण्याच्या अनुषंगाने जिल्हाधिकारी राहुल गुप्ता यांच्या अध्यक्षतेखाली आज जिल्हास्तरीय सुकाणू समितीची बैठक जिल्हाधिकारी कार्यालयाच्या सभागृहात संपन्न झाली.
बैठकीस समितीचे सदस्य जिल्हा अधीक्षक कृषी कार्यालयाचे कृषी उपसंचालक पी. एम. हजार, उद्योग अधिकारी रविंद्र पत्की, अन्न व औषध प्रशासनाचे सहायक आयुक्त पवन खताळ यांच्यासह संबंधित अधिकारी उपस्थित होते.
यावेळी जिल्ह्यातील अन्न आस्थापनांची संख्या, अन्न आस्थापनांची तपासणी, तपासणीअंती करण्यात आलेली कारवाई तसेच १ एप्रिल २०२६ पासून आजपर्यंत अन्न नमुन्यांबाबत करण्यात आलेल्या कारवाईचा जिल्हाधिकारी राहुल गुप्ता यांनी आढावा घेतला.
तसेच जप्ती व धाडीची प्रकरणे, दूध भेसळीच्या अनुषंगाने राबविण्यात आलेल्या विशेष मोहिमेअंतर्गत घेण्यात आलेले दुधाचे नमुने, दुग्धजन्य पदार्थांचे नमुने तसेच खाद्यतेलाच्या नमुन्यांबाबत करण्यात आलेल्या कार्यवाहीची माहितीही यावेळी घेण्यात आली.
अन्न सुरक्षा व मानके अधिनियमाची प्रभावी अंमलबजावणी करून नागरिकांना सुरक्षित व गुणवत्तापूर्ण अन्नपदार्थ उपलब्ध होण्यासाठी आवश्यक ती कार्यवाही करण्याच्या अनुषंगाने बैठकीत चर्चा करण्यात आली.
No comments:
Post a Comment