जिल्हाधिकारी कार्यालयात माहिती अधिकार दिन साजरा
हिंगोली, दि. २८ (जिमाका) : जिल्हाधिकारी कार्यालयात आज माहिती अधिकार दिन उत्साहात साजरा करण्यात आला. यावेळी तहसीलदार श्री. तोटावर, नायब तहसीलदार श्री. गोळेगावकर, नायब तहसीलदार श्री. जोशी यांच्यासह कार्यालयातील अधिकारी व कर्मचारी उपस्थित होते.
माहितीचा अधिकार अधिनियम हा प्रशासनातील पारदर्शकता, उत्तरदायित्व आणि नागरिकांचा शासनाच्या कामकाजातील सहभाग वाढविण्यासाठी महत्त्वपूर्ण कायदा आहे. नागरिकांना शासकीय कामकाजाची माहिती मिळण्याचा अधिकार असून, या कायद्याच्या प्रभावी अंमलबजावणीसाठी अधिकारी व कर्मचाऱ्यांनी दक्षता घेणे आवश्यक असल्याचे यावेळी सांगण्यात आले.
माहिती अधिकार दिनानिमित्त उपस्थित अधिकारी व कर्मचाऱ्यांना माहितीचा अधिकार अधिनियमातील तरतुदी, अर्ज प्रक्रिया, माहिती उपलब्ध करून देताना घ्यावयाची दक्षता तसेच नागरिकांच्या माहितीच्या अधिकाराचा सन्मान राखण्याबाबत मार्गदर्शन करण्यात आले. माहिती अधिकार कायद्याच्या माध्यमातून प्रशासन अधिक पारदर्शक व लोकाभिमुख करण्याचा संकल्प यावेळी करण्यात आला.
00000
No comments:
Post a Comment