मुद्रा बँक योजनेतंर्गत लाभार्थ्यांना कर्ज मंजूर करावे
-जिल्हाधिकारी
रुचेश जयवंशी
हिंगोली,दि.28:
मुद्रा बँक योजनेतंर्गत सर्व बँकांनी जिल्ह्यातील पात्र लाभार्थ्यांना तात्काळ
कर्ज मंजूर करुन या योजनेचा लाभ देण्याचे निर्देश मुद्रा बँक योजना समन्वय समितीचे
अध्यक्ष तथा जिल्हाधिकारी रूचेश जयवंशी यांनी दिले.
येथील
जिल्हाधिकारी कार्यालयाच्या सभागृहात मुद्रा बँक योजना समन्वय समितीच्या बैठकीत जयवंशी
बोलत होते. यावेळी अशासकीय सदस्य गजाननराव घुगे, सुरजीतसिंग ठाकूर, बाबाराव घुगे, भारत
लोखंडे, कौशल्य विकास विभागाच्या रेणुका तम्मलावार, जिल्हा माहिती अधिकारी अरुण सुर्यवंशी
आणि मुद्रा बँक योजना समन्वय समितीचे सदस्य सचिव तथा जिल्हा नियोजन अधिकारी किरण गिरगांवकर
यांची उपस्थिती होती.
यावेळी जिल्हाधिकारी म्हणाले की, जिल्ह्यातील बँकांना
शिशु, किशोर आणि तरुण गटनिहाय मुद्रा बँक योजनेतंर्गत कर्ज वितरणाचे ठरवून दिलेले
उद्दिष्ट पुर्ण करुन पात्र लाभार्थ्यांची कर्ज प्रकरणे तात्काळ मंजूर करावीत. अनेक
बँकांनी मुद्रा बँक योजनेचे काम चांगले केले नाही. तरी बँकांनी ठरवून दिलेले उद्दिष्ट
वेळेत पूर्ण करावे. बँकांनी जिल्ह्यातील जास्तीत-जास्त तरुणांना या योजनेचा लाभ देवून
त्यांना स्वयंरोजगार सुरु करण्यासाठी प्रवृत्त करण्याचा प्रयत्न अशा सूचना जयवंशी यांनी
यावेळी दिल्या.
सर्व बँक व्यवस्थापकांनी मुद्रा बँक योजने
अंतर्गत प्राप्त झालेली प्रकरणे मंजूर करुन लाभार्थ्यांना या योजनेचा लाभ द्यावा. तसेच
बँकाकडे आलेल्या प्रकरणांवर बँकांनी पोहच द्यावी अशा सूचना सर्व अशासकीय सदस्यांनी
यावेळी केल्या.
यावेळी बैठकीस सर्व बँक व्यवस्थापकांची उपस्थिती
होती.
****
No comments:
Post a Comment