जिल्ह्यात ईद-ए-मिलाद सणाची १६ सप्टेंबरची सुटी कायम

हिंगोली(जिमाका), दि. १४ :- राज्यात ईद-ए-मिलाद सणानिमित्त सोमवार, दि.१६ सप्टेंबर रोजी जाहीर केलेली सुटी कायम ठेवावी अथवा रद्द करावी व त्या बदल्यात दि.१८ रोजी सुटी जाहीर करावी किंवा कसे याबाबत स्थानिक पातळीवर जिल्हाधिकारी यांनी निर्णय घ्यावा, अशी अधिसूचना शासनाने जारी केली आहे. त्याअनुषंगाने जिल्हाधिकारी अभिनव गोयल यांनी पोलीस विभागाकडून प्राप्त माहितीनुसार हिंगोली जिल्ह्यांमध्ये मुख्यालयाच्या ठिकाणी दिनांक २२ सप्टेंबर, २०२४ रोजी व इतरत्र १८ सप्टेंबर रोजी किंवा वेगळ्या तारखेस सदरील सण साजरा केला जात असल्यामुळे जिल्ह्यात सोमवार दि.१६ सप्टेंबर रोजी असलेली सुटी कायम ठेवण्याचे आदेश दिले आहेत. ******