वृत्त क्र.586 दिनांक : 27 डिसेंबर 2017
रब्बी हंगाम 2017-18 करीता
पिक संरक्षणात्मक पाणी पाळीसाठी
पाणी अर्ज मागविण्याबाबत
जाहीर निवेदन
हिंगोली, दि.27:- उर्ध्व पेनगंगा
प्रकल्पांतर्गत इसापूर उजवा कालवा
कि.मी.119 व इसापूर डावा कालवा कि.मी.84 पर्यंतच्या वितरण व्यवस्थेअंतर्गत लाभक्षेत्रातील सर्व
लाभधारकांना कळविण्यात येते की, सिंचन वर्ष 2017-18 मध्ये इसापूर धरणाच्या पाणलोट
क्षेत्रात समाधानकारक पाऊस न झाल्याने रब्बी हंगामाच्या प्रारंभी धरणात केवळ 14
टक्के पाणीसाठा शिल्लक होता. धरणात पुरेसा पाणीसाठा नसल्यामुळे उर्ध्व पेनगंगा
प्रकल्पाच्या लाभक्षेत्रात रब्बी
हंगामाकरिता सिंचन कार्यक्रम पुर्णपणे राबविणे शक्य होणार नाही . सद्य:स्थितीत
उपलब्ध पाणीसाठ्यातून लाभक्षेत्रातील उभी हंगामी व बारमाही पिकांना संरक्षणात्मक
एक पाणी पाळी डिसेंबर 2017 अखेर देण्याचे प्रस्तावित आहे.त्यानुसार उर्ध्व पेनगंगा
प्रकल्पाच्या लाभक्षेत्रातील बागायतदारांना कळविण्यात येते की, नमुना 7 व 7 अ मध्ये
पाणी अर्ज मागविण्यात येत आहेत . खालील दर्शविलेल्या शर्तीस व शासनाच्या प्रचलित
अनुसरुन पाणी अर्जास मंजुरी देण्यात येईल. हंगामाची मुदत दिनांक 15 ऑक्टोबर 2017
ते 28 फेब्रुवारी 2018, पिकाचे नाव –उभ्या पिकांना संरक्षणात्मक पाणी पाळी , पाणी
अर्जाचा विहित नमुना क्र. 7 व 7 अ संबंधित शाखा कार्यालयात विनामुल्य मिळेल , सदर
पाणी अर्जात पिकाची मागण 20 आर च्या
पटीत नोंदवावी , अर्जातील पूर्ण माहिती भरुन पाणी अर्ज कार्यालयीन वेळेत शाखा कार्यालयात दाखल
करुन त्याची पोच पावती घ्यावी ,
पाणी अर्ज भरतेवेळेस थकबाकीदार लाभधारकांनी
मागील थकबाकी व चालू पिकांची
अग्रीम पाणीपट्टी भरुन सहकार्य करावे
म्हणले दिलेला पाणी अर्ज मंजूर होईल ,
नियमानुसार पाणीपट्टी भरणा न केल्यास पाणी
अर्ज नामंजूर होईल तेव्हा
नामंजूर क्षेत्रास कालव्याद्वारे
पाणी पुरवठा करणे बंधनकारक राहणार नाही ,
मंजूर क्षेत्रासच कालव्याचे पाणी
अग्रक्रमाणे देण्यात येईल, नामंजूर व अनधिकृत क्षेत्रास कालव्याचे
पाणी देण्याची जबाबदारी
पाटबंधारे विभागावर राहणार नाही
तेव्हा कृपया मंजूरी घेऊनच
पिकांचे नियोजन करावे ,
उडाप्याचे व वितरिका, मायनरच्या
टेलच्या भागातील क्षेत्रास परवानगी दिली जाणार नाही , तेव्हा कालव्याच्या पाण्यावर
विसंबून पिके घेऊ नयेत , याची
नोंद घ्यावी व या व्यतिरिक्त टेलच्या भागात
पिके घेतल्यास व पाण्याअभावी पिके वाळल्यास
त्यास पाटबंधारे विभाग जबाबदार
राहणार नाही , प्रत्येक लाभधारकांनी
ठरवून दिलेल्या तारखेप्रमाणेच
पिकास पाणी घ्यावे , तसेच दिवसरात्र पाणी घेणे
बंधनकारक आहे , दिवसा किंवा रात्री
जेव्हा पाणी पाळी येईल तेव्हा पाणी घेतले नाहीतर
नदी / नाल्यास पाणी वाया जाते त्यामुळे
सिंचनाचा कालावधी वाढतो पर्यायाने पाणी पाळी अंतरात वाढ होते . त्यामुळे असे पाणी वाया
गेल्यास ठराविक मुदतीत पाणी देणे शक्य होणार नाही व त्याचे जबाबदारी या
कार्यालयावर राहणार नाही . याची सर्व लाभधारकांनी
गांर्भियाने नोंद घ्यावी , सिंचन करतेवेळी मंजूर क्षेत्राचा पास जवळ ठेवावा
, कमी पाण्यात व कमी वेळात सिंचन करुन
राष्ट्रीय जलसंपत्तीचा काटेकोरपणे वापर करावा , पाणी नाश कटाक्षाने टाळावा ,
नैसर्गिक आपत्ती व काही अपरिहार्य कारणास्तव किंवा तांत्रिक कारणास्तव पाणी पुरवठा
करणे शक्य न झाल्यास व त्यामुळे पिकाचे नुकसान झाल्यास त्याची जबाबदारी पाटबंधारे विभागावर
राहणार नाही तसेच महाराष्ट्र
पाटबंधारे प्रचलित नियमानुसार शर्ती व
अटीचे उल्लंघन झाल्यास लाभधारकास आगाऊ
सूचना न देता दिलेली मंजुरी रद्द करण्यात येईल व पाणी पुरवठा बंद करण्यात येईल ,
सिंचन नियमांचे पालन करणे प्रत्येक लाभधारकास बंधन कारक राहील, नियमांचे उल्लंघन
केल्यास संबंधितावर शासन नियमाप्रमाणे कार्यवाही करण्यात येईल, पाणी वापर
संस्थांनी पाणी पाळीतच संस्थेचे क्षेत्र भिजवून घ्यावे , असे कार्यकारी अभियंता,
उर्ध्व पेनगंगा प्रकल्प विभाग क्र.1 , नांदेड यांनी कळविले आहे.
000000
No comments:
Post a Comment