जिल्ह्यात नवीन तलाठी सजांची व महसूली मंडळांची निर्मिती

वृत्त क्र.577

जिल्ह्यात नवीन तलाठी सजांची व महसूली मंडळांची निर्मिती

हिंगोली, दि.16: जिल्ह्यात महसूल प्रशासनातील क्षेत्रीय यंत्रणेतील महसूल सजांची पुनर्रचना, नवीन सजा निर्मिती करण्यात येणार असून, जिल्ह्यात 61 नवीन तलाठी सज्जे निर्माण होणार आहेत. महसूल सजांची पुनर्रचना, नवीन सजा निर्मिती व तलाठीची होणारी वाढ यामुळे महसूल विभागात कामकाज वेगाने होण्यास मदत होणार आहे.

तसेच दुसऱ्या टप्यामध्ये महसूल मंडळांची स्थापना करण्याबाबतची अधिसूचना  दिनांक 15 डिसेंबर 2017 रोजी सबंधित  महसूल मंडळ अधिकारी  मुख्यालय , तलाठी  सज्जा मुख्यालय तसेच  हिंगोली, कळमनुरी , सेनगाव , वसमत, औंढा नागनाथ येथील तहसील कार्यालये व हिंगोली, कळमनुरी, वसमत, औंढा ना. येथील उपविभागीय  अधिकारी यांचे कार्यालयात नोटीस बोर्डवर प्रसिध्दीसाठी देण्यात आली आहे .

महसूली मंडळ स्थापन  करण्याबाबतची प्रारुप अधिसूचनेवर  तहसिलदार यांनी दिनांक 15 डिसेंबर ते 29 डिसेंबर 2017 या कालावधीत  जनतेकडून हरकती व सूचना  स्विकाराव्यात  त्यानंतर आलेल्या हरकती व सूचना  विचारात घेऊ नयेत. प्राप्त हरकती व सूचनांवर उपविभागीय  अधिकारी यांचा अभिप्राय , आवश्यक तो पुरावा, नकाशा यासह दिनांक 10 जानेवारी 2018 पर्यंत सादर करण्याच्या सूचना जिल्हाधिकारी श्री. अनिल भंडारी यांनी दिल्या आहेत.

000