वृत्त क्र.575
जिल्ह्यात मुद्रा बँक योजनेअंतर्गत आतापर्यंत
36 कोटी 64 लाखांचे वाटप
--प्रभाकर शिंदे, अग्रणी बँक
व्यवस्थापक
हिंगोली, 15 :-जिल्ह्यात मुद्रा बँक
योजनेअंतर्गत राष्ट्रीयीकृत , खाजगी ,
ग्रामीण बँक , खाजगी वित्त संस्थांतर्फे
11 हजार 544 खातेदारांना 36 कोटी 64 लाख रुपयांचे वाटप केल्याची माहिती अग्रणी बँकेचे व्यवस्थापक प्रभाकर शिंदे यांनी
दिली आहे .
भारतीय स्टेट बँकेकडून 25 शिशु गट,
120 किशोर गट तर 33 तरुण गटासाठी एकूण 6 कोटी
48 लाख रुपयांचे वितरण करण्यात आले आहे .
तर सार्वजनिक वित्त संस्थांकडून 84 शिशु गट , 114 किशोर गट तर 22 तरुण गटांसाठी एकूण 3 कोटी 94 लाख
रुपयांचे वितरण करण्यात आले आहे . खाजगी
वित्त संस्थांकडून 147 शिशु गट , 01 किशोर गटासाठी एकूण 40 लाख रुपयांचे वितरण
करण्यात आले आहे . महाराष्ट्र ग्रामीण बँक
आणि विदर्भ कोकण ग्रामीण बँकेकडून 109
शिशु गट, 148 किशोर गट तर 9 तरुण गटासाठी एकूण 3 कोटी 68 लाख रुपयांचे वितरण करण्यात आले आहे . स्पंदनस्फुर्ती
मायक्रोफायनान्स प्रा.लि. कडुन 1221 शिशु गटासाठी एकूण 2 कोटी 84 लाख रुपयांचे
वितरण करण्यात आले आहे . ग्रामीण कोटा फायनान्सियल सर्व्हिसेस प्रा. लि. कडून 2080 शिशु गटांसाठी 3 कोटी 42
लाख रुपयांचे वितरण करण्यात आले आहे . शेअर मायक्रोफिन लिमिटेडकडून 438 शिशु
गटांसाठी 98 लाख रुपयांचे वितरण करण्यात आले आहे . अस्मिता
मायक्रोफिन लिमिटेडकडून 152 शिशु गटांसाठी 33 लाख तर एसकेएस मायक्रोफायनान्स लिमिटेडकडून 6 हजार 841 शिशु गटांसाठी एकूण 15
कोटी 55 लाख रुपयांचे वितरण करण्यात आल्याची माहिती अग्रणी बँक व्यवस्थापक प्रभाकर
शिंदे यांनी एका प्रसिध्दी पत्रकाद्वारे दिली आहे .
0000
No comments:
Post a Comment