जिल्हाधिकारी
कार्यालयात स्वच्छता अभियान
हिंगोली,दि.26: स्वच्छ
भारत अभियान अंतर्गत आज येथील जिल्हाधिकारी कार्यालय तथा मध्यवर्ती प्रशासकीय
इमारती मध्ये स्वच्छता अभियानाचे
आयोजन करण्यात आले होते. यावेळी जिल्हाधिकारी
कार्यालय तथा मध्यवर्ती प्रशासकीय इमारतीची जिल्हाधिकारी अनिल भंडारी यांच्यासह
अधिकारी व कर्मचारी यांनी हातात झाडू, घासणी, फावडे, घेऊन कार्यालय परिसर स्वच्छ
करण्यासाठी उतरले होते. यावेळी जिल्हाधिकारी
अनिल भंडारी यांनी देखील कार्यालय परिसराची स्वच्छतेत सहभागी झाले. कार्यालयीन
कामकाजात नेहमी व्यस्त असणारे अधिकारी-कर्मचारी देखील आज आपल्या कार्यालयाची आणि
परिसराची स्वच्छता करण्यात व्यस्त झाले होते. इमारत परिसरातील भिंतीवर
तंबाखु-गुटखा खाऊन जागो-जागी थूंकलेल्या जागेची देखील यावेळी स्वच्छता करण्यात
आली.
यावेळी जिल्हाधिकारी अनिल भंडारी म्हणाले की जिल्ह्यातील सर्व शासकीय कार्यालये,
तहसील कार्यालये याठिकाणी स्वच्छता मोहिम घेण्यात येत आहे. आपल्या कार्यालयाची
स्वच्छता हि मोहिमेपुरती न ठेवता शासकीय कार्यालये सदैव कशाप्रकारे स्वच्छ ठेवता
येईल यासाठी सर्वांनी प्रयत्न करणे गरजेचे आहे. जिल्हाधिकारी कार्यालय तथा
मध्यवर्ती प्रशासकीय इमारतीतील विविध विभागातील अधिकारी-कर्मचारी आणि नगर
परिषदेतील अधिकारी कर्मचारी यांनी आज उत्कृष्टरित्या स्वच्छता मोहिम राबवून परिसर
स्वच्छ केला आहे. तसेच सर्व नागरिकांनी देखील सार्वजनीक ठिकाणी तंबाखू-गुटखा खाऊन
भिंतीवर थूंकयाचे नाही असे ठरवून आपले शहर स्वच्छ व
सुंदर कसे राहिल यासाठी प्रयत्न करण्याची आवश्यकता असल्याचे जिल्हाधिकारी अनिल
भंडारी यावेळी म्हणाले.
यावेळी
नगर परिषदेचे अधिकारी-कर्मचारी यांनी या स्वच्छता माहिमेत सक्रीय सहभाग नोंदवून
जिल्हाधिकारी कार्यालय परिसराची
स्वच्छता केली.
****
No comments:
Post a Comment