महसूल पंधरवाडानिमित्त 2 ऑगस्टला मुख्यमंत्री युवा कार्य प्रशिक्षण योजनेच्या विशेष नोंदणी शिबिराचे आयोजन

हिंगोली (जिमाका), दि. 31 : महसूल विभागाच्या वतीने दि. 1 ऑगस्ट हा महसूल दिन साजरा करण्यात येणार आहे. तसेच यावर्षी महसूल दिनापासून दि. 1 ते 15 ऑगस्ट या दरम्यान महसूल पंधरवाडा-2024 राज्यभरात साजरा करण्यात येणार आहे. या पंधरवाडानिमित्त दि. 2 ऑगस्ट रोजी मुख्यमंत्री युवा कार्य प्रशिक्षण योजनेचा लाभ अधिकाधिक युवकांना व्हावा. त्याचबरोबर या योजनेचा जास्तीत जास्त प्रचार व प्रसार व्हावा, यासाठी जिल्ह्यातील प्रत्येक तहसील कार्यालयामध्ये विशेष शिबीर राबविण्यात येणार आहे. या योजनेमध्ये सहभागी होण्यासाठी इच्छूक उमेदवारांची नोंदणी करण्याची व्यवस्था करण्यात आली आहे. मुख्यमंत्री युवा कार्य प्रशिक्षण योजना महाराष्ट्र शासनाच्या कौशल्य, रोजगार, उद्योजकता व नाविन्यता विभाग आणि मुख्यमंत्री जनकल्याण कक्ष यांच्या मार्फत संयुक्तपणे राबविली जाणार आहे. या योजनेच्या माध्यमातून रोजगार इच्छूक उमेदवार आणि रोजगार उपलब्ध करुन देणारे उद्योजक जोडले जातील. रोजगार इच्छूक उमेदवारांना प्रत्यक्ष कामाचा अनुभव प्रशिक्षणातून मिळून त्यांची क्षमता वाढ होईल. तसेच उद्योजकांना त्यांच्या कामासाठी लागणारे मनुष्यबळ कार्य या योजनेारे उपलब्ध होणार आहे. या योजनेचा कालावधी 6 महिने असणार आहे. या सहा महिन्यात उमेदवारांना त्यांच्या शैक्षणिक अर्हतेप्रमाणे शासनामार्फत विद्यावेतन प्रदान केले जाणार आहे. यामध्ये बारावी पास उमेदवारांना 6 हजार रुपये, आयटीआय, पदविका उमेदवारांना 8 हजार रुपये तर पदवीधर, पदव्युत्तर उमेदवारांना 10 हजार रुपये इतके विद्यावेतन महाराष्ट्र शासनातर्फे देण्यात येणार आहे. मुख्यमंत्री युवा कार्य प्रशिक्षण योजनेंतर्गत नोंदणी करण्यास इच्छूक उमेदवारांनी आधार कार्ड, शैक्षणिक कागदपत्रे, बँक पासबूक, वय व अधिवास प्रमाणपत्र या सर्वांच्या साक्षांकित प्रतीसह जिल्ह्यातील नजीकच्या तहसील कार्यालयामध्ये शुक्रवार, दि. 2 ऑगस्ट, 2024 रोजी उपस्थित राहावेत व योजनेमध्ये आपली नोंदणी करावी, असे आवाहन डॉ. रा. म. कोल्हे, सहायक आयुक्त, कौशल्य विकास रोजगार व उद्योजकता मार्गदर्शन केंद्र, हिंगोली यांनी केले आहे. *******

महसूल पंधरवाडा कालावधीत नोंदणी व मुद्रांक विभागाकडून राबविण्यात येणाऱ्या विविध योजना व सेवांचा लाभ घेण्याचे आवाहन

हिंगोली (जिमाका), दि. 31 : महसूल विभागाकडून देण्यात येणाऱ्या सेवा आणि विभागाद्वारे राबविण्यात येणाऱ्या विविध योजना याबाबत जिल्ह्यातील नागरिकांना अधिकाधिक माहिती प्राप्त होऊन त्यांना योग्य लाभ घेता यावा. तसेच त्याबाबत नागरिकांमध्ये जागरुकता वाढावी, शासनाबद्दल आणि शासनाच्या कामकाजाबद्दल नागरिकांचा विश्वास वृध्दींगत व्हावा यासाठी विशेष मोहिम व लोकाभिमुख उपक्रम राबविण्याच्या उद्देशाने दि. 1 ऑगस्ट महसूल दिनापासून महसूल पंधरवाड्याला सुरुवात होणार आहे. या महसूल पंधरवाड्यात शासनाने दिलेल्या निर्देशानुसार दि. 1 ऑगस्ट महसूल दिनापासून ते दि. 15 ऑगस्ट, 2024 या महसूल पंधरवाडा कालावधीत नोंदणी व मुद्रांक विभागाकडून राबविण्यात येणाऱ्या अभय योजना, सलोखा योजना, महिला खरेदीदाराला निवासी घटकांच्या खरेदीसाठी मुद्रांक शुल्कात एक टक्के सूट, ई-रजिस्ट्रेशन, विवाह नोंदणी आदी विविध योजना व सेवांचा लाभ देण्यात येणार आहे. याचा नागरिकांनी लाभ घ्यावा, असे आवाहन सह जिल्हा निबंधक वर्ग-1 तथा मुद्रांक जिल्हाधिकारी, हिंगोली यांनी केले आहे. *******

महसूल पंधरवाड्यानिमित्त आयोजित कार्यक्रमाची सर्व संबंधित विभागाने समन्वयाने जबाबदारी पार पाडावी - अपर जिल्हाधिकारी खुशालसिंह परदेशी

• जिल्ह्यात आजपासून महसूल पंधरवाड्याला सुरुवात • महसूल पंधरवाड्यात विविध कार्यक्रम, शिबिरे, उपक्रमांचे आयोजन हिंगोली (जिमाका), दि. 31 : महसूल विभागाकडून देण्यात येणाऱ्या सेवा आणि विभागाद्वारे राबविण्यात येणाऱ्या विविध योजना याबाबत जिल्ह्यातील नागरिकांना अधिकाधिक माहिती प्राप्त होऊन त्यांना योग्य लाभ घेता यावा. तसेच त्याबाबत नागरिकांमध्ये जागरुकता वाढावी, शासनाबद्दल आणि शासनाच्या कामकाजाबद्दल नागरिकांचा विश्वास वृध्दींगत व्हावा यासाठी विशेष मोहिम व लोकाभिमुख उपक्रम राबविण्याच्या उद्देशाने दि. 1 ऑगस्ट महसूल दिनापासून महसूल पंधरवाड्याला सुरुवात होणार आहे. या महसूल पंधरवाड्यात शासनाने दिलेल्या निर्देशानुसार सर्व संबंधित विभागाने एकमेकाशी समन्वय ठेवून महसूल पंधरवाडा कार्यक्रम यशस्वी करावा, असे निर्देश अपर जिल्हाधिकारी खुशालसिंह परदेशी यांनी आयोजित ऑनलाईन बैठकीत दिले. अपर जिल्हाधिकारी खुशालसिंह परदेशी यांच्या अध्यक्षतेखाली महसूल पंधरवाडानिमित्त सर्व संबंधित विभागाची आढावा बैठक गुगलमीटद्वारे आज आयोजित केली होती. यावेळी निवासी उपजिल्हाधिकारी गणेश महाडिक, उपजिल्हाधिकारी समाधान घुटुकडे, जिल्हा समाज कल्याण अधिकारी राजू एडके, समाज कल्याण विभागाचे सहायक आयुक्त यादव गायकवाड, नेहरु युवा केंद्राचे युवा कार्यक्रम अधिकारी आशिष पंत, कौशल्य विकास विभागाचे सहायक आयुक्त डॉ. राजपाल कोल्हे, सर्व तहसीलदार यांच्यासह विविध विभागाचे अधिकारी, कर्मचारी उपस्थित होते. या महसूल सप्ताहामध्ये प्रत्येक दिवशी जिल्हाधिकारी कार्यालयामार्फत तालुकास्तरावर समाजाच्या विविध घटकातील नागरिकांसाठी विविध उपक्रम राबविण्यात येणार आहेत. यामध्ये 1 ऑगस्टला महसूल दिन व महसूल पंधरवाडा शुभारंभ कार्यक्रमांमध्ये मुख्यमंत्री माझी लाडकी बहीण योजना, 2 ऑगस्टला मुख्यमंत्री युवा कार्य प्रशिक्षण योजना, 3 ऑगस्टला मुख्यमंत्री तीर्थ दर्शन योजना, 4 ऑगस्टला स्वच्छ व सुंदर माझे कार्यालय, 5 ऑगस्टला कृषि मार्गदर्शन कार्यक्रम, 6 ऑगस्टला शेती, पाऊस आणि दाखले, 7 ऑगस्टला युवा संवाद, 8 ऑगस्टला महसूल-जन संवाद, 9 ऑगस्टला महसूल ई-प्रणाली, 10 ऑगस्टला सैनिक हो तुमच्यासाठी, 11 ऑगस्टला आपत्ती व्यवस्थापन मार्गदर्शन, 12 ऑगस्टला एक हात मदतीचा दिव्यांगाच्या कल्याणाचा, 13 ऑगस्टला महसूल अधिकारी, कर्मचारी यांचे प्रशिक्षण, 14 ऑगस्टला महसूल पंधरवाडा वार्तालाप तर 15 ऑगस्ट रोजी महसूल संवर्गातील कार्यरत सेवानिवृत्त अधिकारी कर्मचारी संवाद, उत्कृष्ट अधिकारी कर्मचारी पुरस्कार वितरण व महसूल पंधरवाडा सांगता समारंभाचा कार्यक्रम घेण्यात येणार आहे. या व्यतिरिक्त शासन व सामान्य नागरिक यांना जोडणाऱ्या अनेक कार्यक्रमांचे आयोजन या पंधरवाड्यामध्ये करण्यात येणार आहे. यामध्ये महसूल विभागाच्या व सर्व संबंधित विभागाच्या अधिकारी, कर्मचाऱ्यांनी सहभागी होऊन कार्यक्रम यशस्वी करावे, असे आवाहनही अपर जिल्हाधिकारी श्री. परदेशी यांनी यावेळी केले . ******

महसूल पंधरवाडा : विशेष मोहिम व लोकाभिमुख उपक्रम

महसूल विभागाकडून नागरिकांना देण्यात येणाऱ्या सेवा आणि विभागाद्वारे राबविण्यात येणाऱ्या विविध योजनांबाबत अधिकाधिक माहिती व्हावी आणि त्यांना योजनांचा योग्य लाभ घेता यावा. तसेच त्याबाबत नागरिकांमध्ये जागरुकता वाढावी, शासन आणि शासनाच्या कामकाजाबद्दल नागरिकांचा विश्वास वृद्धींगत व्हावा, यासाठी विशेष मोहीम व लोकाभिमुख उपक्रम राबविण्याच्या उद्देशाने गतवर्षी (दि. 1 ऑगस्ट) महसूल दिनापासून महसूल सप्ताह आयोजित करण्यात आला होता. गतवर्षी महसूल सप्ताहादरम्यान आयोजित करण्यात आलेल्या विविध कार्यक्रम आणि शिबिरांना प्राप्त झालेला जन प्रतिसाद आणि कार्यक्रमाचे यशस्वी आयोजन विचारात घेऊन महसूल दिनानिमित्त अधिकाधिक लोकाभिमुख कार्यक्रम राबविणे शक्य व्हावे, यासाठी यावर्षी दि 1 ऑगस्टपासून महसूल दिनाबरोबरच 1 ते 15 ऑगस्ट, 2024 या कालावधीत महसूल पंधरवाडा-2024 साजरा करण्याचा शासनाने निर्णय घेतला आहे. हिंगोली जिल्ह्यातही हा उपक्रम जिल्हाधिकारी जितेंद्र पापळकर यांच्या मार्गदर्शनात जिल्हा प्रशासनामार्फत राबविला जाणार आहे. त्यानिमित्त माहिती देणारा हा लेख… महसूल विभागातर्फे नागरिकांच्या उपयोगाची दैनंदिन महसुली कामे पार पाडण्याबरोबरच अभिलेखे अद्ययावत ठेवणे, जमीन कर वसू़ुलीची कार्यवाही करणे, जमीन मोजणी करणे, अपील प्रकरणांची चौकशी करणे व सुनावणी करणे, वेळापत्रकानुसार महसुली वसुलीचे काम करण्यात येते. हे कामकाज पार पाडताना महसूल विभागातील कर्मचाऱ्यांच्या उत्तम कामगिरीची दखल घेणे क्रमप्राप्त असते. आणि म्हणूनच यावर्षी महसूल दिनापासून ‘महसूल पंधरवाडा’ साजरा करण्याचा शासनाने निर्णय घेतला आहे. हा पंधरवाडा साजरा होताना यामध्ये नागरिकांचा सहभागही महत्वाचा आहे. त्यानुसार सर्वत्र लोकाभिमुख उपक्रम राबविले जात आहेत. 1 ऑगस्ट हा महसूल दिन; या महसूल दिनानिमित्त महसूल विभागाच्या क्षेत्रीय कार्यालयांमध्ये उत्कृष्ट काम करणाऱ्या व नवनवीन संकल्पना राबविणाऱ्या जिल्हाधिकाऱ्यांचा दरवर्षी राज्यस्तरावर ‘उत्कृष्ट जिल्हाधिकारी’ म्हणून प्रशस्तीपत्र व सन्मानचिन्ह देऊन गौरव करण्यात येतो. याच धर्तीवर विभागनिहाय उत्कृष्ट काम करणाऱ्या अपर जिल्हाधिकारी, उपजिल्हाधिकारी, तहसीलदार, नायब तहसीलदार, अव्वल कारकून, मंडळ अधिकारी, लिपिक, तलाठी, पोलीस पाटील व कोतवाल यांचा उत्कृष्ट अधिकारी व कर्मचारी म्हणून गौरव करण्यात येतो. यावर्षी शासनाने याची व्याप्ती वाढवून, महसूल दिनाबरोबरच राज्यात 1 ते 15 ऑगस्ट,2024 या कालावधीत महसूल पंधरवाड्याचे आयोजन करण्याचे ठरवले आहे. त्यानुसार जिल्हा प्रशासनामार्फत संपूर्ण पंधरवाडा विविध उपक्रमांचे आयोजन करण्यात आले असून, त्यामध्ये नागरिकांचा सहभागही घेतला जाणार आहे. विशेष मोहीम, कार्यक्रम, उपक्रम, शिबीरे, महसूल अदालतीचे आयोजन या महसूल पंधरवाड्यामध्ये नागरिकांच्या सहभागाने प्रत्येक दिवशी जिल्हाधिकारी कार्यालयामार्फत विशेष मोहीम, कार्यक्रम, उपक्रम, शिबीरे, महसूल अदालतीचे आयोजन करण्यात येत आहे. त्यामध्ये 1 ऑगस्टला महसूल दिन व महसूल पंधरवाडा शुभारंभ कार्यक्रमांमध्ये मुख्यमंत्री माझी लाडकी बहीण योजना, 2 ऑगस्टला मुख्यमंत्री युवा कार्य प्रशिक्षण योजना, 3 ऑगस्टला मुख्यमंत्री तीर्थ दर्शन योजना, 4 ऑगस्टला स्वच्छ व सुंदर माझे कार्यालय, 5 ऑगस्टला कृषि मार्गदर्शन कार्यक्रम, 6 ऑगस्टला शेती, पाऊस आणि दाखले, 7 ऑगस्टला युवा संवाद, 8 ऑगस्टला महसूल-जन संवाद, 9 ऑगस्टला महसूल ई-प्रणाली, 10 ऑगस्टला सैनिक हो तुमच्यासाठी, 11 ऑगस्टला आपत्ती व्यवस्थापन मार्गदर्शन, 12 ऑगस्टला एक हात मदतीचा दिव्यांगाच्या कल्याणाचा, 13 ऑगस्टला महसूल अधिकारी, कर्मचारी यांचे प्रशिक्षण, 14 ऑगस्टला महसूल पंधरवाडा वार्तालाप तर 15 ऑगस्ट रोजी महसूल संवर्गातील कार्यरत सेवानिवृत्त अधिकारी कर्मचारी संवाद, उत्कृष्ट अधिकारी कर्मचारी पुरस्कार वितरण व महसूल पंधरवाडा सांगता समारंभ असे कार्यक्रम आयोजित करण्यात येणार आहेत. महसूल पंधरवाडा आयोजनाच्या अनुषंगाने शासनाच्या विविध लोककल्याणकारी योजनांचा लाभ नागरिकांना मिळावा यासाठी असे उपक्रम आयोजित करण्यात येत आहेत. जिल्हाधिकारी तसेच उप विभागीय अधिकारी, तहसिलदार यांच्या कार्यालयांमध्ये हेल्पडेस्क किंवा हेल्पलाईन किंवा व्हॉट्स अँपव्दारे मदत करण्याकरिता यंत्रणा स्थापन करुन यासंबधी कक्ष तयार करुन गरजू नागरिकांना मार्गदर्शन करण्यात येणार आहे. तसेच त्यांच्या शंकांचे निरसन करुन त्यांची कामे पुर्ण करण्यासाठी या कालावधीत विशेष प्रयत्न करण्यात येणार आहे. यासोबतच महसूल विभागामार्फत देण्यात येणारे विविध दाखले आणि प्रमाणपत्रे, त्यासाठी आवश्यक असणारी कागदपत्रांबाबतची माहिती या पंधरवाड्यात देण्यात येणार आहे. महसूल विभागाकडून देण्यात येणाऱ्या सेवा, राबविण्यात येणाऱ्या विविध योजनांबाबत नागरिकांना अधिकाधिक माहिती मिळावी आणि त्यांना योग्य लाभ घेता यावा तसेच शासनाच्या कामकाजाबद्दल नागरिकांचा विश्वास वृध्दींगत व्हावा या उद्देशाने महसूल पंधरवाड्याचे आयोजन करण्यात आले आहे. महसूल पंधरवाड्यात नागरिकांना सहभागी करुन घ्यावे आणि नाविन्यपूर्ण कार्यक्रमांचे आयोजन करुन पंधरवाडा यशस्वी करावा. शासनाच्या सर्वच उपक्रमांमध्ये हिंगोली जिल्हा नेहमीच अग्रेसर असून, महसूल पंधरवाडा आयोजनातही जिल्ह्याने आपला नावलौकिक टिकवावा, असे आवाहन जिल्हाधिकारी जितेंद्र पापळकर यांनी केले आहे. जिल्ह्यात होणारा प्रत्येक उपक्रम हा उत्तम असावा, असा त्यांचा मानस आहे. हा उपक्रम लोकाभिमुख व जास्तीत जास्त नागरिकांपर्यंत पोहोचावा यासाठी उपक्रमाची सर्वांगीण प्रसिध्दी होणे आवश्यक आहे. त्यासाठी पत्रकार परिषदा, कार्यक्रमांची माहिती असलेले बॅनर्स, फ्लेक्स तसेच सर्व प्रसिध्दी माध्यमे याचाही उपयोग करुन विभागातील जास्तीत जास्त लोकांपर्यत हा उपक्रम पोहचून त्यांचा शासनाप्रती असलेला विश्वास अधिक वृध्दींगत होईल असा प्रयत्न महसूल विभागाचा आहे. यानिमित्याने नागरिकांचाही या उपक्रमास प्रतिसाद आवश्यक आहे. चंद्रकांत कारभारी माहिती सहायक/उपसंपादक जिल्हा माहिती कार्यालय, हिंगोली ******

ई-शिधापत्रिका द्या अन् मुख्यमंत्री लाडकी बहीण योजनेसाठी अर्ज करा

हिंगोली (जिमाका), दि. 31 : महाराष्ट्र राज्य शासनाकडून मुख्यमंत्री लाडकी बहीण योजना राबविण्यात येत आहे. या योजनेमध्ये अर्ज करण्यासाठी शिधापत्रिकेची आवश्यकता असल्याने गरजू पात्र लाभार्थी तहसील कार्यालयात दुय्यम शिधापत्रिकेच्या मागणीसाठी गर्दी करीत आहेत. लाभार्थ्यांची शिधापत्रिका ऑनलाईन नोंद झालेली आहे आणि त्यांना बारा अंकी शिधापत्रिका क्रमांकही प्राप्त आहे. परंतु त्यांची शिधापत्रिका जीर्ण झाली आहे किंवा हरविलेली आहे, अशा लाभार्थ्यांना तहसील कार्यालय स्तरावरुन ई-शिधापत्रिकेचा लाभ देण्यात येत आहे. मुख्यमंत्री माझी लाडकी बहीण योजनेच्या पात्र गरजू लाभार्थी महिलांनी ई-शिधापत्रिका लाभ घेऊन अर्ज सादर करण्याचे आवाहन जिल्हा पुरवठा अधिकारी राजेश पुंजाल यांनी केले आहे. मुख्यमंत्री माझी लाडकी बहीण योजनेच्या पात्र लाभार्थी महिलांनी ई- शिधापत्रिकेचा लाभ घेऊन मुख्यमंत्री लाडकी बहीण योजनेकरीता कुटूंबातील सर्व सदस्यांचे आधार कार्डच्या छायांकीत प्रतीसह रितसर अर्ज सादर करण्याचे आवाहन जिल्हा पुरवठा अधिकारी श्री. पुंजल यांनी केले आहे. ******

जिल्हास्तरीय लोकशाही दिन 5 ऑगस्ट रोजी

हिंगोली (जिमाका), दि. 31 : शासनाच्या आदेशानुसार डिसेंबर 2007 पासून प्रत्येक महिन्याच्या पहिल्या सोमवारी सकाळी 10 ते 12 या वेळेत जिल्हाधिकारी यांच्या नियंत्रणाखाली जिल्हास्तरीय लोकशाही दिनाचे आयोजन केले जाते. जुलै महिन्याचे जिल्हास्तरीय लोकशाही दिन दि. 5 ऑगस्ट, 2024 रोजी सकाळी 10 ते 12 या वेळेत जिल्हाधिकारी कार्यालय, हिंगोली येथे आयोजित करण्यात आले आहे. या लोकशाही दिनास जिल्हाधिकारी, पोलीस अधीक्षक, जिल्हा परिषदेचे मुख्य कार्यकारी अधिकारी, पाटबंधारे, बांधकाम, परिवहन, सहकार, कृषि, जिल्हा पाणी पुरवठा समन्वय अधिकारी उपस्थित राहणार आहेत. लोकशाही दिनासाठी अर्ज स्वीकृतीचे निकष अर्ज विहित नमुन्यात व विहित वेळेमध्ये असावा. तक्रार, निवदेन वैयक्तीक स्वरुपाची असावी. अर्जदाराने विहित नमुन्यात तक्रार जिल्हाधिकारी यांच्या नावे लोकशाही दिनाच्या १५ दिवस अगोदर दोन प्रतीमध्ये पाठविणे आवश्यक राहील. त्या अर्जावर लोकशाही दिन अर्ज असे ठळक नमूद करावे. जिल्हाधिकारी यांच्या व्यतिरिक्त इतर विभागाशी संबंधित तक्रार असल्यास तालुका लोकशाही दिनानंतर १ महिन्याने जिल्हाधिकारी लोकशाही दिनांत अर्ज करता येईल. यापुढे प्रत्येक लोकशाही दिना दिवशी प्रत्यक्ष, थेट अर्ज स्वीकारला जाणार नाही. खालील बाबींचे अर्ज स्वीकारले जाणार नाहीत न्यायप्रविष्ट प्रकरणे, राजस्व, अपील, सेवा, आस्थापनाविषयक बाबी, विहित नमुन्यात नसणारे व त्यासोबत आवश्यक त्या कागदपत्रांच्या प्रती न जोडलेले अर्ज, अंतिम उत्तर दिलेले आहे, देण्यात येणार आहे अशा प्रकरणी पुन्हा त्याच विषयासंदर्भात केलेले अर्ज, तक्रार, निवेदन वैयक्तीक स्वरुपाची नसेल तर तसेच वरीलप्रमाणे जे अर्ज लोकशाही दिनासाठी स्वीकृत करता येऊ शकणार नाहीत असे अर्ज संबंधित विभागाकडे आठ दिवसात पाठविण्यात येतील व त्याची प्रत अर्जदारास देण्यात येईल. निवडणूक आचारसंहिता लागू असलेल्या कालावधीत लोकशाही दिनाचे आयोजन केले जाणार नाही. तसेच संबंधित विभागाने अर्जदाराला अंतिम उत्तर लोकशाही दिनानंतर शक्य तितक्या लवकर एक महिन्याच्या आत देणे आवश्यक राहील, असे जिल्हाधिकारी, हिंगोली यांनी प्रसिध्दीपत्रकाद्वारे कळविले आहे. ******

पिंपळदरी येथील निवासी आश्रम शाळेच्या 400 विद्यार्थ्यांची आरोग्य तपासणी

हिंगोली (जिमाका), दि. 31 : मुख्य कार्यकारी अधिकारी अनुप शेंगूलवार, जिल्हा आरोग्य अधिकारी डॉ. कैलास शेळके, सहाय्यक संचालक कुष्ठरोग डॉ. सुनिल देशमुख यांच्या मार्गदर्शनाखाली औंढा तालुक्यातील पिंपळदरी येथील शासकीय निवासी आश्रम शाळेतील 400 विद्यार्थ्यांची नुकतीच आरोग्य तपासणी करण्यात आली. यावेळी शासकीय निवासी आश्रम शाळेतील विद्यार्थ्यांना कुष्ठरोगाविषयी माहिती देत, मुलांची सिकलसेलची तपासणी करण्यात आली. त्याचबरोबर पावसाळ्यात उद्भवणाऱ्या साथरोग, जलजन्य आजार, अतिसार, काविळ, टायफाईड व कीटकजन्य आजार, डेंग्यू, मलेरिया, चिकन गुनिया, मेंदूज्वर याविषयी माहिती देऊन प्रतिबंधात्मक उपाययोजनाविषयी विद्यार्थ्यांमध्ये जनजागृती करण्यात आली. आठवड्यातून एक दिवस वापरण्यात येणारे सर्व पाणीसाठे कोरडे करून स्वच्छ करावेत आणि कोरडा दिवस पाळण्यात यावा, असे आवाहन करण्यात आले. तसेच कुष्ठरोगाविषयी निबंध स्पर्धा घेण्यात आली. यावेळी तालुका आरोग्य अधिकार डॉ. अनुराधा गोरे, वैद्यकीय अधिकारी डॉ. जमरे सर्व सीएचओ, आरोग्य सेविका, आरोग्य सेवक, आशा वर्कर्स उपस्थित होते. कुष्ठरुग्णांची तपासणी एम.जी.पवार, पथोड डॉ.सोळंके, गायकवाड यांनी केली. शाळेचे मुख्याध्यापक आचार यांनी आरोग्य तपासणीसाठी मोलाचे सहकार्य केले. ***

जिल्ह्यात आजपासून महसूल पंधरवाड्याला सुरुवात • महसूल पंधरवाड्यामध्ये विविध उपक्रमांचे आयोजन

हिंगोली (जिमाका),दि.31 : महसूल विभागाकडून देण्यात येणाऱ्या सेवा आणि विभागाद्वारे राबविण्यात येणाऱ्या विविध योजना याबाबत जिल्ह्यातील नागरिकांना अधिकाधिक माहिती प्राप्त होऊन त्यांना योग्य लाभ घेता यावा. तसेच त्याबाबत नागरिकांमध्ये जागरुकता वाढावी, शासन आणि त्याच्या कामकाजाबद्दल नागरिकांचा विश्वास वृद्धींगत व्हावा. त्यासाठी विशेष मोहीम व लोकाभिमुख उपक्रम राबविण्याच्या उद्देशाने व गतवर्षी महसूल सप्ताहादरम्यान आयोजित करण्यात आलेल्या विविध कार्यक्रम आणि शिबिरांना प्राप्त होणारा प्रतिसाद आणि कार्यक्रमाचे यशस्वी आयोजन विचारात घेऊन शासनाने यावर्षी दि. 1 ऑगस्ट महसूल दिनापासून महसूल पंधरवाड्याला सुरुवात केली आहे. या महसूल पंधरवाड्यात शासनाच्या निर्देशानुसार तालुकास्तरावर विविध उपक्रमांचे आयोजन करण्यात येणार आहे. या महसूल पंधरवाड्यामध्ये प्रत्येक दिवशी जिल्हाधिकारी कार्यालयामार्फत तालुकास्तरावर समाजाच्या विविध घटकातील नागरिकांसाठी विविध उपक्रम राबविण्यात येणार आहेत. यामध्ये 1 ऑगस्टला महसूल दिन व महसूल पंधरवाडा शुभारंभ कार्यक्रमांमध्ये मुख्यमंत्री माझी लाडकी बहीण योजना, 2 ऑगस्टला मुख्यमंत्री युवा कार्य प्रशिक्षण योजना, 3 ऑगस्टला मुख्यमंत्री तीर्थ दर्शन योजना, 4 ऑगस्टला स्वच्छ व सुंदर माझे कार्यालय, 5 ऑगस्टला कृषि मार्गदर्शन कार्यक्रम, 6 ऑगस्टला शेती, पाऊस आणि दाखले, 7 ऑगस्टला युवा संवाद, 8 ऑगस्टला महसूल-जन संवाद, 9 ऑगस्टला महसूल ई-प्रणाली, 10 ऑगस्टला सैनिक हो तुमच्यासाठी, 11 ऑगस्टला आपत्ती व्यवस्थापन मार्गदर्शन, 12 ऑगस्टला एक हात मदतीचा दिव्यांगाच्या कल्याणाचा, 13 ऑगस्टला महसूल अधिकारी, कर्मचारी यांचे प्रशिक्षण, 14 ऑगस्टला महसूल पंधरवाडा वार्तालाप तर 15 ऑगस्ट रोजी महसूल संवर्गातील कार्यरत सेवानिवृत्त अधिकारी कर्मचारी संवाद, उत्कृष्ट अधिकारी कर्मचारी पुरस्कार वितरण व महसूल पंधरवाडा सांगता समारंभाचा कार्यक्रम घेण्यात येणार आहे. *******

हिंगोली जिल्ह्यात सरासरी 12 मिमी पाऊस

हिंगोली (जिमाका), दि. 31 : जिल्ह्यात गेल्या 24 तासात सरासरी 12.30 मिलीमीटर पावसाची नोंद झाली असून, हिंगोली तालुक्यात सर्वात जास्त 24.50 मि.मी. पाऊस झाला आहे. तर वसमत तालुक्यात सर्वात कमी 0.30 मि.मी. पाऊस पडला आहे. जिल्ह्यात आज सकाळपर्यंत नोंदला गेलेला तालुकानिहाय सरासरी पाऊस पुढीलप्रमाणे असून कंसातील आकडेवारी 1 जूनपासून आजपर्यंत झालेल्या पावसाची आहे. हिंगोली 24.50 (480.70), कळमनुरी 14.60 (440.50), वसमत 0.30 (388.40), औंढा नागनाथ 1.10 (391.90) आणि सेनगाव तालुक्यात 17.40 (409.70) मि. मी. पाऊस पडला आहे. सर्व आकडेवारी मिलीमीटर परिमाणात आहे. हिंगोली जिल्ह्यात दिनांक 1 जून 2024 ते 31 जुलै 2024 पर्यंत सरासरी 424.70 मिलीमीटर पाऊस पडला आहे. त्याची टक्केवारी 53.40 अशी आहे. ******

मुख्यमंत्री- माझी लाडकी बहीण योजनेला ग्रामीण व शहरी भागात उत्स्फूर्त प्रतिसाद, हिंगोली जिल्ह्यात आतापर्यंत 1 लाख 68 हजार 443 अर्ज प्राप्त

हिंगोली (जिमाका), दि. 31 : मुख्यमंत्री-माझी लाडकी बहीण योजनेला ग्रामीण व शहरी भागातील महिलांचा उत्स्फूर्त प्रतिसाद मिळत असून हिंगोली जिल्ह्यात आतापर्यंत 1 लाख 68 हजार 443 अर्ज प्राप्त झाले आहेत. प्रत्येक गावात आणि शहरी भागात अर्ज स्वीकृती केंद्र सुरु करण्यात आल्याने महिलांना या योजनेसाठी अर्ज करणे सोपे झाले आहे. ऑफलाईन स्वरुपात प्राप्त झालेल्या अर्जांची ऑनलाईन नोंदणी करण्याला गती देण्यात आली असून जिल्हास्तरावर याबाबतचा सातत्याने आढावा घेण्यात येत आहे. ग्रामीण भागात अंगणवाडी सेविका, आशा सेविका, ग्रामसेवक, रेशन दुकानदार, तलाठी, कृषि सहायक, महिला बचतगटाच्या समूह साधन व्यक्ती यांच्यामार्फत योजनेचे अर्ज स्वीकारण्यात येत आहेत. तसेच प्राप्त अर्जांची छाननी व ऑनलाईन नोंदणी करण्याची प्रक्रिया करण्यात येत आहे. शहरी भागातही याच पद्धतीने विविध ठिकाणी अर्ज स्वीकृती केंद्रांच्या माध्यमातून महिलांचे ऑनलाईन, ऑफलाईन अर्ज स्वीकारले जात आहेत. मुख्यमंत्री माझी लाडकी बहीण योजनेंतर्गत जिल्ह्यात 30 जुलैपर्यंत 1 लाख 68 हजार 443 अर्ज प्राप्त झाले आहेत. ऑफलाईन भरलेले अर्ज ऑनलाईन करणे, प्राप्त झालेल्या अर्जाची छाननी करुन अर्ज अंतिम करण्याची कार्यवाही गतीने सुरु आहे. मुख्यमंत्री-माझी लाडकी बहीण योजनेसाठी महिलांना स्वतःचे ऑनलाईन अर्ज भरण्याची सुविधा ‘नारीशक्ती दूत’ अॅपद्वारे उपलब्ध करून देण्यात आली आहे. ज्या महिलेस ऑनलाईन अर्ज भरता येत नसेल किंवा अर्ज भरताना तांत्रिक अडचण येत असल्यास ऑफलाईन अर्ज भरण्यासाठी अर्जाचा नमुना व हमीपत्र याची पीडीएफ फाईल अॅपवर उपलब्ध आहे. या अर्जाची प्रिंट काढून त्याप्रमाणे अर्ज व हमीपत्र भरावे आणि ग्रामसेवक, अंगणवाडी सेविका, आशा सेविका यांच्याकडे द्यावे. अर्जाचा विहित नमुना ग्रामपंचायत कार्यालय, अंगणवाडी येथे उपलब्ध आहे. तसेच या योजनेसाठी अर्ज करण्यासाठी कोणतेही शुल्क आकारले जात नाही. *****

शासकीय, निमशासकीय आस्थापना, महामंडळे, सहकारी व खाजगी आस्थापनेवर सहा महिन्यासाठी कार्य प्रशिक्षणाची सुवर्ण संधी

हिंगोली (जिमाका), दि. 30 : मुख्यमंत्री युवा कार्य प्रशिक्षण योजना महाराष्ट्र शासनाच्या कौशल्य, रोजगार, उद्योजकता व नाविन्यता विभाग आणि मुख्यमंत्री जनकल्याण कक्ष यांच्यामार्फत संयुक्तपणे राबवली जात आहे. या योजनेच्या माध्यमातून रोजगार इच्छूक उमेदवार आणि रोजगार उपलब्ध करुन देणारे उद्योजक जोडले जाणार आहेत. रोजगार इच्छूक उमेदवारांना प्रत्यक्ष कामाचा अनुभव प्रशिक्षणातून मिळून त्यांची क्षमता वाढ होणार आहे. तसेच उद्योजकांना त्यांच्या कामासाठी लागणारे मनुष्यबळ कार्य या योजनेद्वारे उपलब्ध होणार आहे. या योजनेंतर्गत शासकीय, निमशासकीय आस्थापना, महामंडळे, सहकारी, खाजगी आस्थापनेवर कार्य प्रशिक्षणाची सुवर्ण संधी उपलब्ध होणार आहे. या योजनेचा कालावधी 6 महिने असणार आहे. जिल्ह्यातील सुशिक्षित बेरोजगार युवकांनी मुख्यमंत्री युवा कार्य प्रशिक्षण योनजेचा जास्तीत जास्त लाभ घ्यावा, असे आवाहन असे आवाहन कौशल्य विकास, रोजगार व उद्योजकता विभागाचे सहायक आयुक्त डॉ. राजपाल कोल्हे यांनी केले आहे. उमेदवारांची पात्रता : उमेदवारांचे किमान वय 18 व कमाल 35 वर्ष असावे. उमेदवारांची किमान शैक्षणिक पात्रता बारावी, आयटीआय, पदविका, पदवीधर, पदव्युत्तर असावी. उमेदवार हा महाराष्ट्राचा अधिवासी असावा. उमेदवारांची आधार नोंदणी असावी. उमेदवारांचे बँक खाते आधार संलग्न असावे. उमेदवाराने कौशल्य, रोजगार, उद्योजकता व नाविण्यता विभागाच्या https://rojgar.mahaswayam.gov.in या संकेतस्थळावर नोंदणी केलेली असावी. नोंदणी अद्यावत करावी व बँक खाते विषयीचे कागदपत्रे अपलोड करावेत. उमेदवारांनी https://rojgar.mahaswayam.gov.in या संकेतस्थळावरुनच ऑनलाईन अर्ज करावेत. कार्य प्रशिक्षणासाठी प्रशिक्षणार्थींना त्यांच्या शैक्षणिक अर्हतेप्रमाणे शासनामार्फत बारावी पास शैक्षणिक अर्हता असलेल्या उमेदवारांना प्रतिमाह 6 हजार रुपये विद्यावेतन देण्यात येणार आहे. आयटीआय, पदविका शैक्षणिक अर्हता असलेल्या उमेदवारांना 8 हजार रुपये, पदवीधर, पदव्युत्तर शैक्षणिक अर्हता असलेल्या उमेदवारांना 10 हजार रुपये प्रतिमाह विद्यावेतन लाभार्थ्यांच्या थेट बँक खात्यात (DBT) जमा करण्यात येणार आहे. या योजनेंतर्गत केंद्र व राज्य शासनाच्या शासकीय, निमशासकीय आस्थापना, उद्योग महामंडळ यांच्या आस्थापनेवरील मंजूर पदाच्या 5 टक्के व खाजगी कंपनी, आस्थापनामध्ये कार्यरत 20 व त्यापेक्षा अधिक मनुष्यबळ कार्यरत असलेली आस्थापनामध्ये सेवाक्षेत्र 20 टक्के व उत्पादन क्षेत्रात 10 टक्के असे उमेदवारांना 6 महिन्यासाठी प्रशिक्षणार्थी म्हणून अनुभव मिळविण्याची संधी उपलब्ध होणार आहे. हिंगोली जिल्ह्यातील बारावी, आयटीआय, पदविका, पदवीधर, पदव्युत्तर या शैक्षणिक अर्हतेनुसार जिल्ह्यातील शासकीय कार्यालयातील व खाजगी आस्थापनेवर 6 महिन्यासाठी पदे भरण्यात येणार आहेत. यासाठी जिल्ह्यातील सुशिक्षित बेरोजगार उमेदवारांनी https://rojgar.mahaswayam.gov.in या संकेतस्थळावर नोंदणी अद्यावत करावी. आधार कार्डशी सलग्न बँक खात्यावरील माहिती भरुन कागदपत्रे अपलोड करावी. त्यानंतर जिल्ह्यातील शासकीय कार्यालयातील व खाजगी आस्थापनेवरील रिक्त पदे अधिसूचित केली आहेत. आपल्या शैक्षणिक पात्रतेनुसार पदांची खात्री करुन ऑनलाईन अर्ज करावे. निवड प्रक्रिया ही पूर्ण ऑनलाईन असून सॉफ्टवेअर प्रणालीवर शॉर्ट लिस्टेड उमेदवारांना संधी दिली जाणार आहे. याबाबत काही अडचण आल्यास जिल्हा कौशल्य विकास, रोजगार व उद्योजकता मार्गदर्शन केंद्र, मध्यवर्ती प्रशासकीय इमारत, एस-3, दुसरा माळा, हिंगोली या कार्यालयास संपर्क साधावा, असे आवाहन कौशल्य विकास, रोजगार व उद्योजकता विभागाचे सहायक आयुक्त डॉ. राजपाल कोल्हे यांनी केले आहे. *******

औंढा नागनाथ तालुक्यातील अनुसूचित जमाती प्रवर्गातील युवक-युवतींसाठी ब्युटी पार्लरचे मोफत प्रशिक्षण

हिंगोली (जिमाका), दि. 30 : जिल्हा उद्योग केंद्र व महाराष्ट्र उद्योजकता विकास केंद्राच्या वतीने औंढा नागनाथ तालुक्यातील अनुसूचित जमाती (ST) प्रवर्गातील युवक, युवती व महिलांसाठी ब्युटी पार्लरचे मोफत प्रशिक्षण कार्यक्रमाचे आयोजन करण्यात आले आहे. यासाठी उमेदवार हा किमान आठवी पास असावा, वय 18 ते 45 असावे. यासाठी आधार कार्ड, पासपोर्ट फोटो, जातीचे प्रमाणपत्र, टीसी, बँक पासबूक जमा करुन दि. 8 ऑगस्ट, 2024 पर्यंत आपली नाव नोंदणी करावी. नाव नोंदणीसाठी व अधिक माहितीसाठी सिध्दार्थ थोरात (9552183038) कार्यक्रम आयोजक, महाराष्ट्र उद्योजकता विकास केंद्र, द्वारा जिल्हा उद्योग केंद्र, एस-12, प्रशासकीय इमारत, जिल्हाधिकारी कार्यालय, हिंगोली येथे संपर्क साधावा, असे आवाहन जिल्हा उद्योग केंद्राचे महाव्यवस्थापक एस. के. कादरी, महाराष्ट्र उद्योजकता विकास केंद्राचे प्रकल्प अधिकारी सुधीर आठवले यांनी केले आहे. ******

कळमनुरी आयटीआयमध्ये तासिका तत्वावर निदेशक पदासाठी मुलाखतीचे आयोजन

हिंगोली (जिमाका), दि. 30 : औद्योगिक प्रशिक्षण संस्था कळमनुरी जि.हिंगोली या संस्थेतील इलेक्ट्रॉनिक्स मेकॅनिक या व्यवसायातील प्रशिक्षणार्थ्यांना प्रशिक्षण देण्यासाठी इलेक्ट्रॉनिक्स इंजिनियरींग मधील पदवी, पदविका तसेच इलेक्ट्रॉनिक्स मेकॅनिक हा व्यवसाय घेऊन औद्योगिक प्रशिक्षण संस्थेतून उत्तीर्ण झालेल्या व त्यानंतर सीआयटीएस पूर्ण केलेल्या पात्रताधारक व शिकवण्याचा अनुभव असलेल्या उमेदवारांची तासिका तत्वावर (Clock Hour Basis) निव्वळ तात्पुरत्या स्वरुपातील पद भरण्यासाठी संस्थेत येऊन बायोडाटासह अर्ज करावेत, असे आवाहन औद्योगिक प्रशिक्षण संस्थेच्या प्राचार्यांनी केले आहे. मुबलक प्रमाणात अर्ज प्राप्त झाल्यास दि. 8 ऑगस्ट, 2024 रोजी मुलाखतीचे आयोजन करुन निवड करण्यात येणार असल्याचे औद्योगिक प्रशिक्षण संस्थेच्या प्राचार्यांनी कळविले आहे. ******

औंढा नागनाथ तालुक्यातील युवक-युवतींसाठी फूड प्रोसेसिंग, फॅशन डिझाईनचे मोफत प्रशिक्षण

हिंगोली (जिमाका), दि. 30 : जिल्हा उद्योग केंद्र व महाराष्ट्र उद्योजकता विकास केंद्राच्या वतीने औंढा नागनाथ तालुक्यातील सर्वसाधारण प्रवर्गातील युवक व युवतीसाठी फूड प्रोसेसिंग आणि फॅशन डिझाईनचे मोफत प्रशिक्षण कार्यक्रमाचे आयोजन करण्यात आले आहे. यासाठी उमेदवार हा किमान आठवी पास असावा, वय 18 ते 45 असावे. यासाठी आधार कार्ड, पासपोर्ट फोटो, टीसी, बँक पासबूक जमा करुन फूड प्रोसेसिंग प्रशिक्षणासाठी दि. 8 ऑगस्ट, 2024 पर्यंत व फॅशन डिझाईन प्रशिक्षणासाठी दि. 9 ऑगस्ट, 2024 पर्यंत आपली नाव नोंदणी करावी. नाव नोंदणीसाठी व अधिक माहितीसाठी सिध्दार्थ थोरात (9552183038) आणि किसन धाबे (9370631461) कार्यक्रम आयोजक, महाराष्ट्र उद्योजकता विकास केंद्र, द्वारा जिल्हा उद्योग केंद्र, एस-12, प्रशासकीय इमारत, जिल्हाधिकारी कार्यालय, हिंगोली येथे संपर्क साधावा, असे आवाहन जिल्हा उद्योग केंद्राचे महाव्यवस्थापक एस. के. कादरी, महाराष्ट्र उद्योजकता विकास केंद्राचे प्रकल्प अधिकारी सुधीर आठवले यांनी केले आहे. ******

मुख्यमंत्री तीर्थक्षेत्र योजनेतून जेष्ठांना देशासह राज्यातील तीर्थक्षेत्रांना भेट देण्याची संधी - जिल्हाधिकारी

• भारतातील 73 व राज्यातील 66 तीर्थक्षेत्रांपैकी करा एकाची निवड हिंगोली (जिमाका), दि. 30 : राज्यातील सर्व धर्मियांमधील जेष्ठ नागरिकांना भारतातील 73 व राज्यातील 66 तीर्थक्षेत्रांना भेट देण्याची इच्छा आता शासनाच्या मुख्यमंत्री तीर्थ दर्शन योजनेमुळे पूर्ण करता येणार आहे. जे नागरिक 60 वर्षे किंवा त्याहून अधिक वयाचे आहेत , त्यांच्यासाठी भारतातील आणि राज्यातील तीर्थक्षेत्रांना मोफत भेटीची व दर्शनाची संधी उपलब्ध करुन दिली असल्याचे जिल्हाधिकारी जितेंद्र पापळकर यांनी सांगितले. या योजनेतर्गत निर्धारित तीर्थ स्थळांपैकी एका स्थळांच्या यात्रेसाठी पात्र व्यक्तीला या योजनेचा एकवेळ लाभ घेता येइल. प्रवास खर्चाची कमाल मर्यादा प्रती व्यक्ती 30 हजार रुपये इतकी राहील. यामध्ये प्रत्यक्ष प्रवास, भोजन , निवास इ. सर्व बाबींचा समावेश आहे. या योजनेत सहभाग घेण्यासाठी लाभार्थी हा महाराष्ट्र राज्याचा रहीवासी असणे आवश्यक आहे. वय वर्षे 60 व त्यावरील जेष्ठ नागरिकांना लाभ घेता येईल. लाभार्थी कुटुंबाचे वार्षिक उत्पन्न 2 लाख 50 हजार रुपयापेक्षा जास्त नसावे अशा व्यक्ती या योजनेचा लाभ घेण्यासाठी पात्र असणार आहेत. यात भारतातील तीर्थक्षेत्रे याप्रमाणे आहेत. वैष्णोदेवी मंदिर कटरा, अमरनाथ गुहा मंदिर, सुवर्ण मंदिर अमृतसर, अक्षरधाम मंदिर, श्री दिगबंर जैन लाल मंदिर, श्री लक्ष्मीनारायण मंदिर, बद्रीनाथ मंदिर, गंगोत्री मंदिर उत्तर काशी, केदारनाथ मंदिर रुद्रप्रयाग, नीलकंठ महादेव मंदिर ऋषीकेश, यमुनोत्री मंदिर उत्तरकाशी, वैद्यनाथ धाम देवघर, काशी विश्वनाथ मंदिर वाराणसी, इस्कॉन मंदिर वृंदावन, श्रीराम मंदिर अयोध्या, सूर्य मंदिर कोणार्क, जगन्नाथ मंदिर पुरी, लिंगराज मंदिर भुवनेश्वर, मुक्तेश्वर मंदिर भुवनेश्वर, कामाख्यादेवी मंदिर गुवाहाटी, महाबोधी मंदिर गया, रणकपूर मंदिर पाली, अजमेर दर्गा, सोमनाथ मंदीर वेरावळ, द्वारकाधीश मंदिर द्वारका, नागेश्वर मंदीर द्वारका, सांची स्तूप, खजुराहो मंदिर, महाकालेश्वर मंदीर उज्जैन, ओंकारेश्वर मंदिर आणि ममलेश्वर मंदिर खंडवा आणि ब्रम्हपुरी, श्री रंगनाथ स्वामी मंदिर श्रीरंगम, गोमटेश्वर मंदिर श्रवणबेळगोळ, विरुपाक्षी मंदिर हम्पी, चेन्नकेशव मंदिर बेलूर, अन्नपूर्णेश्वरी मंदिर होरानाडू, महाबळेश्वर मंदिर गोकर्ण, भूतनाथ मंदिर बदामी, मुरुडेश्वर मंदिर मुरुडेश्वर, आयहोल दुर्गा मंदिर, श्रीकृष्ण मंदिर उड्डपी, वीर नारायण मंदिर बेलावडी, तिरुपती बालाजी मंदिर तिरुमला, मल्लिकार्जून मंदिर श्रीशैलम, बृहदीश्वर मंदिर तंजावर, मीनाक्षी मंदिर मदुराई, रामनाथस्वामी मंदिर रामेश्वरम, कांचीपुरम मंदिर, रंगनाथस्वामी मंदिर त्रिची, अरुणाचलेश्वर मंदिर तिरुवन्नमलाई, कैलासनाथ मंदिर कांचीपुरम, एकंबरेश्वर मंदिर कांचीपुरम, सांरगपाणी मंदिर कुभंकोणम, किनारा मंदिर महाबलीपुरम, मुरुगन मंदिर तिरुचेंदुर, श्री पद्यनाभस्वामी मंदिर तिरुवनंतपुरम, गुरुवायुर मंदिर, वडक्कुन्नाथनमंदिर त्रिशुर, पार्थसारथी मंदिर अरनमुला, शबरीमाला मंदिर पथनामथिट्टा, अट्टकल भगवती मंदिर तिरुवनंतपुरम, श्रीकृष्ण मंदिर गुरुवायुर, थिरुनेल्ली मंदिर वायनाड, वैकोम महादेव मंदिर वर्कला, तिरुवल्ला मंदिर, शिवगिरी मंदिर वर्कला, श्री सम्मेद शिखरजी गिरीडीह, शत्रुंजय हिल, गिरनार, देवगड, पावापुरी, रणकपूर, दिलवाडा टेम्पल, उदयगिरी या तिर्थक्षेत्राचा समावेश आहे. राज्यातील तीर्थक्षेत्रे- मुंबई येथील सिध्दीविनायक मंदिर, महालक्ष्मी मंदिर, चैत्यभूमी दादर, माउंट मेरी चर्च वांदे, मुंबादेवी मंदिर, वाळकेश्वर मंदिर मलबार हिल, विश्व विपश्यना पॅगोडा गोराई, चर्च ऑफ अवर लेडी ऑफ हेल्थ कॅवेल, सेंट ॲड्रयू चर्च, सेंट जॉन द बॅप्टिस्ट चर्च, सीप्झ औद्यागिक क्षेत्र अंधेरी, सेंट जॉन द बॅप्टिस्ट चर्च मरोळ, गोदीजी पार्श्वत मंदिर, नेसेट एलियाहू सिनेगॉग फोर्ट, शार हरहमीम सिनेगॉग मस्जिद भंडार, मॅगेने डेव्हिड सिनेगॉग भायखळा, ठाणे जिल्ह्यातील सेंट जॉन द बॅप्टिस्ट चर्च अग्यारी, अग्निमंदिर तर पुणे जिल्ह्यातील मयुरेश्वर मंदिर मोरगाव, चिंतामणी मंदिर थेऊर, गिरीजात्मज मंदिर लेण्याद्री, महागणपती मंदिर रांजणगाव, खंडोबा मंदिर जेजुरी, संत ज्ञानेश्वर समाधी मंदिर आळंदी, भिमाशंकर ज्योतिलिंग मंदिर खेड तालुका, संत तुकाराम महाराज समाधी मंदिर देहु सोलापूर जिल्ह्यातील संत चोखामेळा समाधी पंढरपूर, संत सावता माळी समाधी मंदिर अरण, ता. माढा, विठोबा मंदिर पंढरपूर सातारा जिल्ह्यातील शिखर शिंगणापूर कोल्हापूर जिल्ह्यातील महालक्ष्मी मंदिर, ज्योतिबा मंदिर, जैन मंदिर कुंभोज नांदेड जिल्ह्यातील रेणूका देवी मंदिर माहूर, गुरु गोविंदसिंग समाधी, हुजुर साहिब, खंडोबा मंदिर माळेगाव, श्री संत नामदेव महाराज देवस्थान उमरज तालुका कंधार धाराशिव जिल्ह्यातील तुळजा भवानी मंदिर छत्रपती संभाजीनगर जिल्ह्यातील संत एकनाथ समाधी पैठण, घृष्णेश्वर ज्योतिलिंग मंदिर वेरुळ, जैन स्मारके एलोरा लेणी नाशिक जिल्ह्यातील विघ्नेश्वर मंदिर ओझर, संत निवृत्तीनाथ समाधी त्रिंबकेश्वर जवळ, त्रिंबकेश्वर शिव मंदिर, मुक्तीधाम , सप्तश्रृंगी मंदिर वणी, काळाराम मंदिर, जैन मंदिरे, मांगी-तुंगी, गजपंथ अहमदनगर जिल्ह्यातील संत साईबाबा मंदिर शिर्डी, सिध्दीविनायक मंदिर सिध्दटेक, शनि मंदिर शनि शिंगणापूर, श्री क्षेत्र भगवानगड पाथर्डी रायगड जिल्ह्यातील बल्लाळेश्वर पाली बुलढाणा जिल्ह्यातील संत गजानन महाराज शेगाव, पुणे जिल्ह्यातील एकविरा देवी कार्ला सांगली जिल्ह्यातील श्री दत्त मंदिर औदुबंर बीड जिल्ह्यातील केदारेश्वर मंदिर, वैजनाथ मंदिर परळी, रत्नागिरी जिल्ह्यातील पावस, गणपतीपुळे, मार्लेश्वर मंदिर चंद्रपूर जिल्ह्यातील महाकाली देवी सातारा जिल्ह्यातील श्री काळेश्वरी मंदीर ऊर्फ काळूबाई मंदिर नागपूर जिल्ह्यातील अष्टदशभुज (रामटेक), दिक्षाभूमी यवतमाळ जिल्ह्यातील चिंतामणी कळंब इत्यादी तीर्थक्षेत्राचा समावेश आहे. *******

मुख्यमंत्री वयोश्री योजना व मुख्यमंत्री तीर्थदर्शन योजनेच्या लाभार्थ्यांची यादी 10 ऑगस्ट पर्यंत सादर करावी - जिल्हाधिकारी जितेंद्र पापळकर

• जिल्ह्यात जादुटोणा विरोधी कृत्य केल्याचे आढळून आल्यास समाज कल्याण कार्यालयाशी संपर्क करावा हिंगोली (जिमाका), दि. 30 : मुख्यमंत्री वयोश्री योजना व मुख्यमंत्री तीर्थदर्शन योजनेच्या लाभार्थ्यांचे अर्ज आशाताई यांच्यामार्फत भरुन घेऊन त्याची यादी 10 ऑगस्ट पर्यंत समाज कल्याण कार्यालयाकडे सादर करावी, असे निर्देश जिल्हाधिकारी जितेंद्र पापळकर यांनी आयोजित आढावा बैठकीत दिले. येथील जिल्हाधिकारी कार्यालयात आज मुख्यमंत्री वयोश्री योजना, मुख्यमंत्री तीर्थक्षेत्र योजना व जादुटोणा विरोधी कायदा जनजागृती प्रचार आणि प्रसार कार्यक्रमाचा जिल्हाधिकारी जितेंद्र पापळकर यांच्या अध्यक्षतेखाली बैठक घेऊन आढावा घेण्यात आला. यावेळी जिल्हा परिषदेचे मुख्य कार्यकारी अधिकारी अनुप शेंगुलवार, उप मुख्य कार्यकारी अधिकारी अनंत कुंभार, शिक्षणाधिकारी संदीपकुमार सोनटक्के, समाज कल्याण विभागाचे सहायक आयुक्त यादव गायकवाड, जिल्हा समाज कल्याण अधिकारी राजू एडके, जिल्हा महिला व बालविकास अधिकारी राजाभाऊ मगर, जिल्हा माहिती अधिकारी प्रभाकर बारहाते, सहायक जिल्हा आरोग्य अधिकारी डॉ. पी. एन. फोपसे, जिल्हा शल्य चिकित्सक कार्यालयाच्या वैद्यकीय अधिकारी डॉ. एस. शैलजा कुप्पास्वामी, नगर परिषदेचे उप मुख्याधिकारी उमेश हेंबाडे, पोलीस अधीक्षक कार्यालयाचे सुधीर वाघ, सुलोचना ढोने आदी उपस्थित होते. यावेळी बोलताना जिल्हाधिकारी श्री. पापळकर म्हणाले, मुख्यमंत्री वयोश्री योजनेच्या पात्र लाभार्थ्यांकडून आशाताई मार्फत अर्ज भरुन घ्यावेत. आरोग्य विभागाने अर्जाची छाननी करुन रुग्णाला कोणत्या उपकरणाची गरज आहे. याची तपासणी करावी. त्यांना द्यावयाच्या लाभाचा उल्लेख असलेली यादी तयार करुन मंजुरीसाठी समाज कल्याण कार्यालयाकडे दि. 10 ऑगस्टपर्यंत सादर करावेत. तसेच मुख्यमंत्री तीर्थदर्शन योजनेची ग्रामपातळीवर व्यापक प्रमाणात प्रचार, प्रसिध्दी करुन ग्रामपंचायत स्तरावर पात्र इच्छुकांची यादी तयार करावी आणि ती यादी गटविकास अधिकारी यांच्यामार्फत अंतिम करुन सहायक आयुक्त, समाज कल्याण कार्यालयाकडे दि. 10 ऑगस्टपर्यंत सादर करावी, अशा सूचना जिल्हाधिकारी श्री. पापळकर यांनी यावेळी संबंधितांना दिल्या. महाराष्ट्र नरबळी आणि इतर अमानुष, अनिष्ट व अघोरी प्रथा व जादूटोणा यांना प्रतिबंध घालण्यासाठी व त्यांचे समूळ उच्चाटन करण्यासाठी जादूटोणा विरोधी कायद्याची प्रभावीपणे जनजागृती करावी.शाळा महाविद्यालयात व्याख्याने, कार्यक्रम घेऊन जनजागृती करावी. जिल्ह्यात जादूटोणा प्रतिबंध विरोधी कृत्य केल्याचे आढळून आल्यास त्यांच्यावर कारवाई करण्यासाठी सहायक आयुक्त समाज कल्याण कार्यालयाशी संपर्क करुन तक्रार द्यावी. तसेच सर्व अशासकीय सदस्यांच्या नेमणुका करण्यासाठी सदस्यांच्या नावाची यादी राज्य समितीकडे सादर करुन मान्यता घ्यावी. यामध्ये अंधश्रद्धा निर्मूलन समितीचे काम करणाऱ्या व्यक्तीचा अशासकीय सदस्यांमध्ये समावेश करावा, अशा सूचना जिल्हाधिकारी श्री. पापळकर यांनी दिल्या. *******

गुरुवारपासून ई-पीक पेरा नोंदणी प्रक्रियेस सुरुवात • शेतकऱ्यांनी ई-पीक नोंदणी पूर्ण करण्याचे आवाहन

हिंगोली (जिमाका), दि. 29 : जिल्ह्यातील पात्र शेतक-यांना विविध शेती विकासाच्या योजनांचा लाभ सुलभतेने मिळण्यासाठी पीक कर्ज, पीक विमा नुकसान भरपाई, नैसर्गिक आपत्ती काळात सुयोग्य शासकीय मदत मिळण्यासाठी ई-पीक पेरा नोंद गरजेची आहे. त्यामुळे सर्व शेतकऱ्यांनी गुरुवार, ( दि. 1 ) पासून पीक पेऱ्यांची अचूक नोंदणी आपल्या मोबाईल अॅपमध्ये करण्याचे आवाहन जिल्हाधिकारी जितेंद्र पापळकर यांनी केले आहे. सर्व शेतकऱ्यांनी शेतातील ई-पीक पाहणी मोबाईल अॅपच्या सहाय्याने शेतकऱ्यांनी तलाठ्याकडे न जाता स्वतःच्या मोबाईलवरून सातबारावर पेरा केलेल्या विविध पिकाची नोंदणी करावी. आता ही नोंदणी आपल्या मोबाईल ॲपमधून करता येणे शक्य झाले आहे. महसूल विभागाचा हा पीक पाहणी प्रकल्प 1 ऑगस्ट 2024 पासून राज्यभर राबविण्यात येत आहे. खरीप हंगाम 2024 करिता दिनांक 01 ऑगस्ट 2024 ते 15 सप्टेंबर 2024 हा कालावधी निश्चित करण्यात आलेला आहे. त्यामुळे जिल्ह्यातील सर्व शेतकऱ्यांनी आपल्या शेतातील पीक पेऱ्याची अचूक नोंद करण्याचे आवाहन जिल्हाधिकारी श्री. पापळकर यांनी प्रसिद्धीपत्रकाद्वारे केले आहे. ******

'बालविवाहमुक्त हिंगोली जिल्हा' करण्यासाठी विविध शाळेत जनजागृती कार्यक्रम

हिंगोली (जिमाका), दि. 29 : जिल्हा महिला व बाल विकास अधिकारी आर. आर. मगर यांच्या मार्गदर्शनाखाली व जिल्हा बाल संरक्षण अधिकारी सरस्वती कोरडे यांच्या सूचनेनुसार जिल्हा परिषद प्र. शाळा येहळेगाव (सोळंके) व जिल्हा परिषद प्राथमिक शाळा भांडेगाव येथे तसेच आदर्श विद्यालय हिंगोली येथे 'बालविवाह मुक्त हिंगोली जिल्हा' करण्यासाठी जनजागृती कार्यक्रम घेण्यात आला. या कार्यक्रमात जिल्हा बाल संरक्षण कक्ष व चाईल्ड हेल्प लाइन 1098 कक्षाकडून बालकासंदर्भात आणि बालकाशी निगडीत विविध विषयावर कार्यक्रम घेण्यात आला. बालविवाह म्हणजे काय, विवाहाचे योग्य वय, बालविवाह होण्याची अनेक कारणे असून, यामध्ये कुटुंबाचे स्थलांतर, आर्थिक परिस्थिती, कुटुंबातील मुलीचे प्रमाण, वडिलांचे व्यसन, किशोरवयीन मुला-मुलीच्या हातून होणाऱ्या चुका इत्यादी बालविवाह होण्याचे प्रमुख कारणे आहेत. परंतु बालविवाह केल्याने होणाऱ्या दुष्परिणामाचा सामना मुलगा-मुलगी व त्यांचे कुटुंबांना करावा लागतो, बालविवाह प्रतिबंधक अधिनियम, 2006 नुसार असे विवाह बेकायदा ठरतात आणि या विरोधात गुन्हा नोंदविला जाणे अपेक्षित आहे. अशा गुन्ह्यास एक लाख रुपये दंड व दोन वर्षे सक्त मजुरीची शिक्षा आहे. या कायद्याच्या अंमलबजावणीसाठी ग्रामीण भागासाठी ग्रामसेवक आणि शहरी भागासाठी बाल विकास प्रकल्प अधिकारी यांना बालविवाह प्रतिबंधक अधिकारी नियुक्त करण्यात आलेले आहेत. तसेच ग्रामस्तरावर ग्राम बाल संरक्षण समिती स्थापन करण्यात आल्या असून या समितीचे अध्यक्ष सरपंच आहेत व सदस्य सचिव अंगणवाडी सेविका आहेत. या सर्वानी आपापल्या कार्यक्षेत्रात बालविवाह होणार नाही याबाबत योग्य ती खबरदारी घ्यावी. तसेच मुलीच्या वयाची 18 वर्ष व मुलाच्या वयाची 21 वर्षे पूर्ण होण्याच्या आगोदर लग्न करणे हा कायद्याने गुन्हा आहे, अशी माहिती जिल्हा बाल संरक्षण अधिकारी सरस्वती कोरडे यांनी दिली. तसेच माता मृत्यूचे प्रमाण, कुपोषित मूल जन्माला येणे, त्यावर उपपाययोजना म्हणून मुलींना शिक्षण देणे आवश्यक आहे. मुलींनीसुध्दा आपल्या पालकांना विश्वासात घेऊन शिक्षण पूर्ण केले पाहिजे, आपल्या सभोवताली कुठेही बाल विवाह होत असेल तर चाईल्ड हेल्पलाईन 1098 या टोल फ्री क्रमांकावर माहिती दिली पाहिजे. 1098 हा बालकांसाठी तात्काळ मदत करणारी हेल्पलाईन आहे. 1098 या टोल फ्री क्रमांकावर मिळालेली माहिती गोपनीय असते. बालकाला मदतीची गरज असते त्यावेळी 1098 या टोल फ्री क्रमाकांवर संपर्क साधावा, अशी माहिती चाईल्ड हेल्पलाईनचे प्रकल्प समन्वयक संदीप कोल्हे यांनी दिली. बालक म्हणजे काय, बालकांचे हक्क व अधिकार याबाबत तसेच बालकांवर होणारे अन्याय अत्याचार थांबविण्यासाठी समुदायातील लोकांनी पुढाकार घ्यावा. बालविवाह मुक्त हिंगोली जिल्हा होण्यासाठी आपण स्वतः पासून सुरवात केली पाहिजे. मुलींनी काळजी व सरंक्षणाच्या दृष्टीकोनातून कोणत्याही प्रकारे त्रास सहन करु नये. शाळेतून येताना व जाताना टवाळखोरांचा त्रास होत असेल तर दामिनी पथकाशी संपर्क करावा, अशी माहिती जिल्हा दामिनी पथकाच्या आरती साळवे यांनी दिली. बालविवाह निर्मूलन अधिनियम 2006 या कायद्याची प्रकरणी अंमलबजावणी होण्यासाठी शालेय विद्यार्थ्यांकडून बालविवाह जनजागृतीबाबत प्रतिज्ञा सामाजिक कार्यकर्ते रामप्रसाद मुडे यांनी दिली. बालकांना चांगला स्पर्श, वाईट स्पर्श बाबतची माहिती चाईल्ड हेल्पलाईन केस वर्कर राजरत्न पाईकराव व सुपरवायजर धम्मप्रिया पखाले यांनी दिली. जिल्हा बाल सरंक्षण कक्ष व चाईल्ड हेल्पलाईन 1098 कडून जिल्हाभरात बालकांसदर्भात जनजागृती करणे सुरू आहे. यावेळी चाईल्ड हेल्पलाईन कक्षातील समुपदेशक अंकुर पाटोडे, सुपरवायजर विकास लोणकर, जिल्हा दामिनी पथकाचे अर्चना नखाते, शेखर देशमुख, बाळु राठोड, संबंधित शाळेतील शिक्षक व शिक्षकेत्तर कर्मचारी उपस्थित होते. ******

जिल्ह्यात 1 ऑगस्ट पासून महसूल सप्ताहाला सुरुवात

• महसूल सप्ताहामध्ये विविध उपक्रमांचे आयोजन • सर्व संबंधित विभागाने आपल्या विभागाशी संबंधित जबाबदारी पार पाडावी हिंगोली (जिमाका), दि. 29 : महसूल विभागाकडून देण्यात येणाऱ्या सेवा आणि विभागाद्वारे राबविण्यात येणाऱ्या विविध योजना याबाबत जिल्ह्यातील नागरिकांना अधिकाधिक माहिती प्राप्त होऊन त्यांना योग्य लाभ घेता यावा. तसेच त्याबाबत नागरिकांमध्ये जागरुकता वाढावी, शासनाबद्दल आणि शासनाच्या कामकाजाबद्दल नागरिकांचा विश्वास वृध्दींगत व्हावा यासाठी विशेष मोहिम व लोकाभिमुख उपक्रम राबविण्याच्या उद्देशाने दि. 1 ऑगस्ट महसूल दिनापासून महसूल सप्ताहाला सुरुवात होणार आहे. या महसूल सप्ताहात शासनाने दिलेल्या निर्देशानुसार तालुकास्तरावर विविध उपक्रमाचे प्रत्येक आयोजन करावेत. यासाठी सर्व संबंधित विभागाने आपल्या विभागाशी संबंधित जबाबदारी पार पाडावी व महसूल सप्ताह यशस्वी करावा, असे निर्देश जिल्हाधिकारी जितेंद्र पापळकर यांनी आयोजित बैठकीत दिले. येथील जिल्हाधिकारी कार्यालयात जिल्हाधिकारी जितेंद्र पापळकर यांच्या अध्यक्षतेखाली महसूल सप्ताहानिमित्त सर्व संबंधित विभागाची आढावा बैठक आज आयोजित केली होती. यावेळी निवासी उपजिल्हाधिकारी गणेश महाडिक, उपजिल्हाधिकारी समाधान घुटुकडे, जिल्हा समाज कल्याण अधिकारी राजू एडके, कौशल्य विकास विभागाचे सहायक आयुक्त डॉ. राजपाल कोल्हे, जिल्हा महिला व बालविकास अधिकारी राजाभाऊ मगर, तहसीलदार नवनाथ वगवाड यांच्यासह विविध विभागाचे अधिकारी, कर्मचारी उपस्थित होते. या महसूल सप्ताहामध्ये प्रत्येक दिवशी जिल्हाधिकारी कार्यालयामार्फत तालुकास्तरावर समाजाच्या विविध घटकातील नागरिकांसाठी विविध उपक्रम राबविण्यात येणार आहेत. यामध्ये 1 ऑगस्टला शुभारंभ सप्ताह कार्यक्रमांमध्ये मुख्यमंत्री माझी लाडकी बहीण योजना, 2 ऑगस्टला मुख्यमंत्री युवा कार्य प्रशिक्षण योजना, 3 ऑगस्टला मुख्यमंत्री तीर्थ दर्शन योजना, 4 ऑगस्टला स्वच्छ व सुंदर माझे कार्यालय, 5 ऑगस्टला सैनिक हो तुमच्यासाठी, 6 ऑगस्ट ला एक हात मदतीचा दिव्यांगाच्या कल्याणाचा, तर 7 ऑगस्ट रोजी महसूल संवर्गातील कार्यरत सेवानिवृत्त अधिकारी कर्मचारी संवाद, उत्कृष्ट अधिकारी कर्मचारी पुरस्कार वितरण व महसूल सप्ताह सांगता समारंभाचा कार्यक्रम घेण्यात येणार आहे. या कार्यक्रमात तालुकास्तरावर लाभार्थ्यांना संबंधित योजनेसाठी लागणाऱ्या कागदपत्राचे वितरण करण्यात येणार आहे. या व्यतिरिक्त शासन व सामान्य नागरिक यांना जोडणाऱ्या अनेक कार्यक्रमांचे आयोजन या सप्ताहामध्ये करण्यात येणार आहे. यामध्ये महसूल विभागाच्या व सर्व संबंधित विभागाच्या अधिकारी, कर्मचाऱ्यांनी या सप्ताहात सहभागी होऊन कार्यक्रम यशस्वी करावे, असे आवाहनही जिल्हाधिकारी श्री. पापळकर यांनी यावेळी केले . ******

जिल्ह्यात नवीन तुती लागवडीला रेशीम उपसंचालक महेंद्र ढवळे यांच्या हस्ते सुरुवात

हिंगोली (जिमाका), दि. 29 : जिल्ह्यातील औंढा नागनाथ तालुक्यातील नागेशवाडी येथील शेतकरी उत्तम नाईक यांच्या शेतात रेशीम उपसंचालक महेंद्र ढवळे यांच्या हस्ते नवीन तुती लागवडीला नुकतीच सुरुवात झाली. रेशीम उपसंचालक महेंद्र ढवळे यांनी हिंगोली जिल्ह्याच्या दौऱ्यावर आले असता जिल्ह्यातील तुती लागवडीचा, मनरेगा कामकाजाचा आढावा घेऊन नवीन तुती लागवड होऊ घातलेल्या सर्व शेतकऱ्यांना मार्गदर्शन केले. तसेच नागेशवाडी येथील सर्व 10 शेतकऱ्यांच्या कामकाजाचा आढावा घेऊन रेशीम शेती ही इतर पिकापेंक्षा कशा पध्दतीने चांगली आणि जास्त उत्पन्न देणारी आहे, हे सांगण्यात आले. यावेळी नवीन तुती लागवड कशा पद्धतीने करावी याचे प्रात्यक्षिक दाखवून उत्तमराव नाईक यांच्या शेतात भर पावसात तुती लागवड सुरू करण्यात आली. याप्रसंगी जिल्हा रेशीम विकास अधिकारी प्रमोद देशपांडे, वरिष्ठ तांत्रिक सहाय्यक अशोक वडवळे, गजानन काचगुंडे तसेच रंगनाथ जांबुतकर, राजु रणवीर, रजनीश कुटे, कुलदीप हरसुले, केतन प्रधान, कु.राधा पाटील व रमेश भवर, तान्हाजी परघणे, प्रगतशील शेतकरी सुरेश भोसले, कपील सोनटक्के दिपक शिंदे, श्रीधर शृंगारे, धनाजी सारंग आदी शेतकरी उपस्थित होते. ******

हिंगोली जिल्ह्यात सरासरी 7 मिमी पाऊस

हिंगोली (जिमाका), दि. 29 : जिल्ह्यात गेल्या 24 तासात सरासरी 7.10 मिलीमीटर पावसाची नोंद झाली असून, सेनगाव तालुक्यात सर्वात जास्त 11.60 मि.मी. पाऊस झाला आहे. तर वसमत तालुक्यात सर्वात कमी 4 मि.मी. पाऊस पडला आहे. जिल्ह्यात आज सकाळपर्यंत नोंदला गेलेला तालुकानिहाय सरासरी पाऊस पुढीलप्रमाणे असून कंसातील आकडेवारी 1 जूनपासून आजपर्यंत झालेल्या पावसाची आहे. हिंगोली 5.70 (455.70), कळमनुरी 10.20 (425.70), वसमत 4 (388.10), औंढा नागनाथ 4.60 (390.80) आणि सेनगाव तालुक्यात 11.60 (392.30) मि. मी. पाऊस पडला आहे. सर्व आकडेवारी मिलीमीटर परिमाणात आहे. हिंगोली जिल्ह्यात दिनांक 1 जून 2024 ते 29 जुलै 2024 पर्यंत सरासरी 412.20 मिलीमीटर पाऊस पडला आहे. त्याची टक्केवारी 51.83 अशी आहे. ******

मुख्यमंत्री-माझी लाडकी बहीण योजनेला जिल्ह्यात उत्स्फूर्त प्रतिसाद

• मुख्यमंत्री माझी लाडकी बहीण योजनेच्या प्रभावी अंमलबजावणीसाठी ग्रामस्तरीय समिती गठीत • अर्जाची छाननी करण्यासाठी तहसील स्तरावर 10 संगणकाचा एक कक्ष स्थापन करावे हिंगोली (जिमाका), दि. 29 : राज्यातील महिलांच्या आर्थिक स्वातंत्र्यासाठी आणि त्यांच्या आरोग्य आणि पोषणात सुधारणा करण्यासाठी आणि कुटुंबातील त्यांची निर्णायक भूमिका मजबूत करण्यासाठी राज्यात मुख्यमंत्री-माझी लाडकी बहीण योजना सुरु केली आहे. या योजनेंतर्गत प्रत्येक पात्र लाभार्थी महिलेला जुलै, 2024 पसून दरमहा 1500 रुपयाचा लाभ मिळणार आहे. या योजनेला हिंगोली जिल्ह्यातील महिलांचा उत्स्फूर्त प्रतिसाद मिळत आहे. हिंगोली जिल्ह्यात सर्व गावामध्ये ग्रामस्तरीय समितीची स्थापना करण्यात आली आहे. ही समिती गाव पातळीवर योजनेची व्यापक व प्रभावीपणे जनजागृती करत आहे. ग्रामस्तरीय समितीमधील सर्वांनी एकमेकांशी समन्वय साधून प्राधिकृत करण्यात आलेल्या सर्व यंत्रणेमार्फत जास्तीत जास्त पात्र महिलांचे अर्ज भरुन घेण्यात येत आहेत. ग्रामस्तरीय समितीमार्फत अंतिम लाभार्थी महिलांच्या यादीचे प्रत्येक शनिवारी व आवश्यकतेनुसार चावडी वाचन करण्यात येणार आहे. तसेच ही यादी ग्राम पंचायत व अंगणवाडी केंद्रावर प्रसिध्द करण्यात येणार आहे. प्रसिध्द केलेल्या यादीवर हरकत प्राप्त झाल्यास वेळीच त्याचे निराकरण करण्यात येणार आहे. जिल्ह्यात मुख्यमंत्री माझी लाडकी बहीण या योजनेसाठी प्राप्त झालेल्या अर्जांच्या अनुषंगाने पोर्टल हाताळणी व अर्जांच्या छानणीसाठी दि. 26 जुलै 2024 रोजी आनॅलाईन प्रशिक्षण देण्यात आलेले आहे. या प्रशिक्षणामध्ये मुख्यमंत्री माझी लाडकी बहीण योजनेंतर्गत प्राप्त झालेल्या अर्जाची छाननी करुन अर्ज अंतिम करण्यासाठी मार्गदर्शक सूचना दिलेल्या आहेत. तसेच सर्व तहसीलदारांना लाडकी बहिण योजनेचे आयडी व पासवर्ड दिलेले आहे. अर्जाची छाननी करुन अर्ज अंतिम करण्यासाठी सर्व तहसीलदारांनी तात्काळ 10 संगणकाचा एक कक्ष स्थापन करावा. प्रत्येक संगणकासाठी तालुक्यातील उपलब्ध असलेल्या डाटाएंट्री ऑपरेटरची नेमणुक करावी. प्रत्येक कक्षासाठी एक संपर्क अधिकारी म्हणून नायब तहसीलदार, विस्तार अधिकारी यांची नेमणुक करावी. पात्र अर्ज मंजूर करण्यासाठी व त्यावर नियंत्रण ठेवण्यासाठी कक्षासाठी एक जबाबदार अधिकारी नियंत्रण अधिकारी म्हणुन नियुक्त करावा, अशा सूचना जिल्हाधिकारी यांनी सर्व संबंधितांना दिल्या आहेत. *****

मोफत नेत्र तपासणी व चष्मे वाटप शिबिराचे आयोजन

हिंगोली (जिमाका), दि. २८ : उपप्रादेशिक परिवहन अधिकारी अविनाश राऊत यांच्या मार्गदर्शनाखाली उपप्रादेशिक परिवहन कार्यालय, हिंगोली व शासकीय जिल्हा रूग्णालय, हिंगोली यांच्या संयुक्त विद्यमाने एसटी डेपो, हिंगोली येथे दि. २७ जुलै रोजी मोफत नेत्र तपासणी शिबिराचे आयोजन करण्यात आले होते . यात एसटी बस चालक व तसेच हिंगोली जिल्ह्यातील खाजगी शाळा बस चालक व ड्रायव्हिंग स्कूल तसेच चालक संघटना अंतर्गत माल वाहतूक करणारे चालक यांची मोफत नेत्र तपासणी करून त्याना मोफत चष्मे वाटप करण्यात आले. या कार्यक्रमात नेत्र रोग तज्ञ डॉ.लखमावार, अजय खाडे (opthalphic ऑफिसर ), आगार व्यवस्थापक थोरबोले, आरटीओ अधिकारी शैलेशकुमार कोपुल्ला, आशिक तडवी, विकास नाईकवाडी, विजय दिघे, प्रमोद गोटे, आशिष दाताळ ,पुष्कराज पारशेट्टे, अतुल बाणापुरे, लिपिक गजानन बंदुके व कार्यालयाचे चालक इत्यादी व दत्तकृपा ऑप्टिकल्सचे श्री. घुगे उपस्थित होते. *******

हिंगोली जिल्ह्यात सरासरी 16 मिमी पाऊस

हिंगोली (जिमाका), दि. 28 : जिल्ह्यात गेल्या 24 तासात सरासरी 16.10 मिलीमीटर पावसाची नोंद झाली असून, कळमनुरी तालुक्यात सर्वात जास्त 18.50 मि.मी. पाऊस झाला आहे. तर सेनगाव तालुक्यात सर्वात कमी 9.20 मि.मी. पाऊस पडला आहे. जिल्ह्यात आज सकाळपर्यंत नोंदला गेलेला तालुकानिहाय सरासरी पाऊस पुढीलप्रमाणे असून कंसातील आकडेवारी 1 जूनपासून आजपर्यंत झालेल्या पावसाची आहे. हिंगोली 16.80 (454.50), कळमनुरी 18.50 (415.50), वसमत 18.30 (384.90), औंढा नागनाथ 18 (386.20) आणि सेनगाव तालुक्यात 9.20 (381.70) मि. मी. पाऊस पडला आहे. सर्व आकडेवारी मिलीमीटर परिमाणात आहे. हिंगोली जिल्ह्यात दिनांक 1 जून 2024 ते 28 जुलै 2024 पर्यंत सरासरी 406.40 मिलीमीटर पाऊस पडला आहे. त्याची टक्केवारी 51.10 अशी आहे. ******

हिंगोली येथील लोकन्यायालयामध्ये 12 कोटी 53 लाख 78 हजार 579 रुपयांची 535 प्रकरणे निकाली

हिंगोली (जिमाका), दि. 28 : येथील तालुका विधी सेवा समिती, सर्वोच्च न्यायालय तसेच मुंबई उच्च न्यायालय व परभणी जिल्हा न्यायालय तथा जिल्हा विधी सेवा प्राधिकरणच्या मार्गदर्शनाखाली हिंगोली न्यायालयामध्ये दि.27 जुलै, 2024 रोजी राष्ट्रीय लोकअदालतीचे आयोजन करण्यात आले होते. या लोकन्यायालयामध्ये प्रलंबित असलेली 2395 प्रकरणे तसेच विद्युत महावितरण कंपनी, विविध बँका, ग्रामपंचायत व नगरपालिका यांची वाद दाखलपूर्व 5763 प्रकरणे तडजोडीसाठी लोकअदालतीमध्ये ठेवण्यात आली होती. या लोकअदालतीमध्ये प्रलंबित 223 व वाद दाखलपूर्व 312 असे एकूण 535 प्रकरणे निकाली काढण्यात आली. या लोकन्यायालयात तडजोडी आधारे प्रलंबित व दाखलपूर्व प्रकरणात तब्बल 12 कोटी 53 लाख 78 हजार 579 रुपयांची प्रकरणे निकाली काढण्यात आले. या लोकन्यायालयासाठी हिंगोली येथे न्यायिक अधिकारी तसेच विधीज्ञ समाविष्ट असलेली पाच पॅनल तयार करण्यात आले होते. या लोकअदालतीमध्ये जिल्हा न्यायाधीश-1 तथा तालुका विधी सेवा समितीचे अध्यक्ष आर. व्ही. लोखंडे यांच्या मार्गदर्शनानुसार जिल्हा न्यायाधीश-1 आर. व्ही. लोखंडे, जिल्हा न्यायाधीश-3 श्रीमती एस. एन. गाडेकर-माने, दिवाणी न्यायाधीश वरिष्ठ स्तर जी. के. नंदनवार, दिवाणी न्यायाधीश कनिष्ठ स्तर डी. यु. राजपूत, श्रीमती पी. आर. पमनानी यांनी पॅनल प्रमुख म्हणून काम केले. ही लोकअदालत यशस्वी करण्यासाठी तदर्थ जिल्हा न्यायाधीश पी. जी. देशमुख, सह दिवाणी न्यायाधीश वरिष्ठ स्तर श्रीमती व्ही. व्ही. सावरकर, सह दिवाणी न्यायाधीश कनिष्ठ स्तर आय. जे. ठाकरे यांचे मोलाचे सहकार्य लाभले. या लोकअदालतीला वकील संघाचे अध्यक्ष ॲड. शिवशंकर साबळे, सचिव ॲड. अजय वानखेडे, वकील संघाचे सर्व सभासद, न्यायालयीन व पोलीस कर्मचारी यांनी मोलाचे सहकार्य केले. *****

हिंगोली जिल्ह्यात आतापर्यंत सरासरी ३९१ मिमी पाऊस

हिंगोली (जिमाका), दि. 27 : जिल्ह्यात गेल्या 24 तासात सरासरी 12.70 मिलीमीटर पावसाची नोंद झाली असून, कळमनुरी तालुक्यात सर्वात जास्त 17.70 मि.मी. पाऊस झाला आहे. तर सेनगांव तालुक्यात सर्वात कमी 7.90 मि.मी. पाऊस पडला आहे. हिंगोली जिल्ह्यात आतापर्यंत सरासरी 390.50 मिलीमीटर पाऊस पडला आहे. त्याची टक्केवारी 49.10 अशी आहे. जिल्ह्यात आज सकाळपर्यंत नोंदला गेलेला तालुकानिहाय सरासरी पाऊस पुढीलप्रमाणे असून कंसातील आकडेवारी 1 जूनपासून आजपर्यंत झालेल्या पावसाची आहे. हिंगोली 11.60 (437.90), कळमनुरी 17.70 (397), वसमत 11.70(366.80), औंढा नागनाथ 15.90 (368.20) आणि सेनगाव तालुक्यात 7.90 (372.90) मि. मी. पाऊस पडला आहे. सर्व आकडेवारी मिलीमीटर परिमाणात आहे. ******

‘हिपॅटायटीस’ आजाराच्या शिबिरात 46 जणांच्या रक्त नमुन्यांची तपासणी • लसीकरण करुन घेण्याचे आवाहन

हिंगोली (जिमाका), दि. 26 : राष्ट्रीय आरोग्य अभियांनातर्गत राष्ट्रीय व्हायरल हिपॅटायटीस नियंत्रण कार्यक्रम हा सर्व जिल्ह्यांमध्ये सुरु करण्यात आला आहे. या कार्यक्रमांतर्गत राज्यात 4 आदर्श उपचार केंद्र व 32 उपचार केंद्रांची उभारणी करण्यात आली आहे. या केंद्रामार्फत हिपॅटायटीस रुग्णांची तपासणी व औषधोपचार उपलब्ध करुन देण्यात येत आहेत. हिंगोली जिल्ह्यातील जनतेला या कार्यक्रमामार्फत दैनदिन जीवनात वावरतांना हिपॅटायटीस आजारासंदर्भात वेळोवेळी रक्त तपासणी करावी व हिपॅटायटीस या आजाराचे लसीकरण करुन घ्यावे, असे आवाहन जिल्हा शल्यचिकित्सक डॉ. नितीन तडस यांच्याकडून करण्यात येत आहे. हिपॅटायटीस या आजाराबद्दल समाजामध्ये जागरुकता निर्माण होण्यासाठी दरवर्षी 28 जुलै रोजी जागतिक हिपॅटायटीस दिन साजरा केला जातो. जागतिक आरोग्य संघटनेने यावर्षी "It's time for action’’ हे हिपॅटायटीस दिनाचे घोषवाक्य आहे. केंद्र शासन व राज्य शासनाच्या सूचनेनुसार हिपॅटायटीस दिनानिमित्त दि. 22 जुलैपासून 3 ऑगस्टपर्यंत हिपॅटायटीस पंधरवाडा साजरा करण्याबाबत सूचित केले आहे. या अनुषंगाने हिंगोली जिल्हा रुग्णालयात जिल्हाधिकारी व मुख्य कार्यकारी अधिकारी यांच्या मार्गदर्शनाखाली जागतिक हिपॅटायटीस पंधरवाडानिमित्त आज शुक्रवारी डायलेसिस विभागातील रुग्ण व त्यांचे नातेवाईक, डायलेसिस विभागातील सर्व अधिकारी, कर्मचारी यांची हिपँटायटीस बी आणि सीचे तपासणी शिबीर आयोजित करण्यात आले होते. या शिबिरामध्ये रुग्ण, नातेवाईक व कर्मचारी असे एकूण 46 जणांच्या रक्त नमुन्यांची तपासणी करण्यात आली. यावेळी जिल्हा शल्य चिकित्सक डॉ. नितीन तडस, अतिरिक्त जिल्हा शल्य चिकित्सक डॉ. दीपक मोरे, आयसीयु विभाग प्रमुख तथा भिषक डॉ. नारायण भालेराव, रक्त संक्रमण अधिकारी डॉ. कंठे, डायलेसिस विभागाचे वैद्यकीय अधिकारी डॉ. आऊलवार, डॉ. अंभोरे, चिफ मेट्रन चिंचकर, सहाय्यक मेट्रन श्रीमती आशा क्षीरसागर, डायलेसिस इन्चार्ज श्रीमती बीना जॉर्ज, एचएलएल जिल्हा व्यवस्थापक घुगे आदी उपस्थित होते. हे शिबीर यशस्वी करण्यासाठी जिल्हा समन्वयक लक्ष्मण गाभणे, एजाज पठाण, अरविंद कदम, संतोष गिरी, परिचारिका श्रीमती जिजा रूंजे, श्रीमती प्रिती काकडे, प्रयोगशाळा तंत्रज्ञ व्ही. एस.आंबटवार, आश्विनी मुंढे, मुकींद शिंदे, कैलास गवळी, सुंदरलाल राठोड, कार्यालयीन कर्मचारी व रुग्णालयीन अधिपरिचारीका इत्यादींनी परिश्रम घेतले. *******

जिल्ह्यात बालविवाह निर्मूलनासाठी 125 शाळेत वि‌द्यार्थी सक्षमीकरण व पालक जागरुकता सत्राचे आयोजन

हिंगोली (जिमाका), दि. 26: महिला व बालविकास विभाग युनिसेफ व एस.बी.सी.3 यांच्या संयुक्त वि‌द्यमाने हिंगोली जिल्ह्यात बालविवाह निर्मूलन प्रकल्प 2020 पासून राबविण्यात येत आहे. राष्ट्रीय कुटूंब आरोग्य सर्वेक्षण-5 नुसार बालविवाहात हिंगोली जिल्हा पाचव्या क्रमांकावर असून बालविवाह निर्मूलनासाठी विविध नावीन्यपूर्ण उपक्रम राबविण्यात येत आहेत. याचाच एक भाग म्हणून 2024-2025 या शैक्षणिक वर्षात महिला व बालविकास विभागाच्या सहकार्याने व युनिसेफ आणि एस.बी.सी. 3 यांच्या आर्थिक सहाय्याने स्थानिक भागीदार संस्था उज्वल शिक्षण प्रसारक मंडळ हिंगोली यांच्या संयुक्त वि‌द्यमाने 125 शाळांमध्ये 6 वी ते 10 वी च्या विद्यार्थ्यांचे सक्षमीकरण व त्यांच्या पालकांसोबत एक ते दीड तासाचे जागरुकता सत्राचे आयोजन करण्यात येणार आहे. जिल्हाधिकारी जितेंद्र पापळकर यांच्या मार्गदर्शनात यशस्वीरित्या सत्र घेतले जात असून, यासाठी शिक्षणाधिकारी (प्राथमिक) संदिप सोनटक्के, शिक्षणाधिकारी (माध्यमिक) प्रशांत दिग्रसकर यांचे विशेष सहकार्य लाभत आहे. यासाठी 40 स्थानिक स्वयंसेविकांची निवड करून या स्वयंसेविकांना युनिसेफ व एस.बी.सी.3 यांच्यामार्फत नांदेड येथे दोन दिवशीय प्रशिक्षण दिले. या 40 प्रशिक्षित स्वयंसेविकांना शाळेत जावून 6 वी ते 10 वी च्या वि‌द्यार्थ्यांसोबत वि‌द्यार्थी सक्षमीकरण सत्र घेत आहेत. प्रथम विद्यार्थी सत्र घेतल्यावर 4 जेंडर चॅम्पियन (वि‌द्यार्थिनी) व 1 मार्गदर्शक शिक्षिकेची निवड मुख्याध्यापकांसोबत चर्चा करून केली जात आहे. या मार्गदर्शक शिक्षिका बालविवाहासंदर्भात शाळेतील कार्यक्रमास मदत करतील व याबाबत विविध स्पर्धांचे आयोजन करणार आहेत. जेंडर चॅम्पियन विद्यार्थिनींना स्वयंसेविकांच्या माध्यमातून प्रथम वेळीमध्ये बॅज दिले जात आहेत. प्रथम सत्र झाल्यानंतर स्वयंसेविका पुढील कालावधीत घेण्यात येणाऱ्या कार्यक्रमाविषयी मुख्याध्यापकांसोबत चर्चा करून नियोजन करण्यात येत आहे. ऑक्टोंबर-नोव्हेंबरमध्ये द्वितीय उजळणी सत्राचे आयोजन करण्यात येईल. या विद्यार्थी सक्षमीकरण सत्र व पालक जागरूकता सत्रास वि‌द्यार्थी व पालकांचा उत्स्फूर्त सहभाग लाभत आहे. *******

हिंगोली जिल्ह्यात सरासरी 4 मिमी पाऊस

हिंगोली (जिमाका), दि. 26 : जिल्ह्यात गेल्या 24 तासात सरासरी 4.10 मिलीमीटर पावसाची नोंद झाली असून, वसमत तालुक्यात सर्वात जास्त 8.40 मि.मी. पाऊस झाला आहे. तर हिंगोली तालुक्यात सर्वात कमी 1.70 मि.मी. पाऊस पडला आहे. जिल्ह्यात आज सकाळपर्यंत नोंदला गेलेला तालुकानिहाय सरासरी पाऊस पुढीलप्रमाणे असून कंसातील आकडेवारी 1 जूनपासून आजपर्यंत झालेल्या पावसाची आहे. हिंगोली 1.70 (426.30), कळमनुरी 3.70 (379.30), वसमत 8.40 (355.10), औंढा नागनाथ 3.30 (352.30) आणि सेनगाव तालुक्यात 2.90 (365) मि. मी. पाऊस पडला आहे. सर्व आकडेवारी मिलीमीटर परिमाणात आहे. हिंगोली जिल्ह्यात दिनांक 1 जून 2024 ते 26 जुलै 2024 पर्यंत सरासरी 377.80 मिलीमीटर पाऊस पडला आहे. त्याची टक्केवारी 47.50 अशी आहे. ******

जैविक बुरशीनाशकाची अधिकृत विक्री केंद्रावरुनच खरेदी करावी - जिल्हा अधीक्षक कृषि अधिकारी राजेंद्र कदम

• विनापरवाना विक्री केल्याचे निदर्शनास आल्यास कठोर कारवाई करण्यात येईल हिंगोली, (जिमाका) दि. 26 : वसंतराव नाईक मराठवाडा कृषी विद्यापीठ, परभणी यांनी संशोधित केलेले बायोमिक्स नावाचे जैविक बुरशीनाशक जमिनीतून पिकांना उद्भवणाऱ्या रोगावर चांगले उपाय म्हणून वापरले जाते. विशेषतः कंदवर्गीय पिके जशी हळद, अद्रक या पिकावर याचा मोठ्या प्रमाणात उपयोग शेतकरी करत आहेत. हे जैविक बुरशीनाशक दोनशे रुपये किलो याप्रमाणे विद्यापीठांमध्ये उपलब्ध आहे, परंतु काही व्यक्तीकडून या जैविक बुरशीनाशकाची बोगसरित्या तयार करून अवैधरीत्या विक्री करत असल्याचे समजते. हिंगोली जिल्ह्यातील सर्व शेतकऱ्यांनी वसंतराव नाईक मराठवाडा कृषी विद्यापीठ यांच्याकडून किंवा त्यांचे अधिकृत विक्री केंद्र जसे कृषी महाविद्यालय गोळेगाव तालुका औंढा किंवा कृषी विज्ञान केंद्र तोंडापूर तालुका कळमनुरी येथे त्यांनी विक्री केंद्रास परवानगी दिली आहे, त्या ठिकाणाहूनच शेतकऱ्यांनी खरेदी करावी.असे आवाहन जिल्हा अधीक्षक कृषी अधिकारी हिंगोली यांच्या वतीने करण्यात येत आहे. तसेच काही कृषी सेवा केंद्रावरून किंवा काही व्यक्तीकडून अशा प्रकारे विनापरवाना अवैधरित्या विक्री केल्याचे निदर्शनास आल्यास त्यांच्यावर कठोर कारवाई करण्यात येईल, असेही सांगितले आहे. ******

जिल्हा बाल संरक्षण कक्ष व चाईल्ड हेल्पलाईन 1098 यांच्याकडून जनजागृती कार्यक्रम

हिंगोली, (जिमाका) दि. 26 : जिल्हा महिला व बालविकास अधिकारी यांच्या मार्गदर्शनाखाली व जिल्हा बाल संरक्षण अधिकारी यांच्या नियोजनानुसार चाईल्ड हेल्पलाईन कक्षाचे प्रकल्प समन्वयक संदीप कोल्हे यांच्याकडून येथील सरस्वती विद्यामंदिरमध्ये जनजागृती कार्यक्रम घेण्यात आला. यावेळी चाईल्ड हेल्पलाईन 1098 काय आहे व कशा प्रकारे आपातकालीन परिस्थितीत बालकांना मदत करण्याचे काम करते याविषयी माहिती देण्यात आली. बालविवाह प्रतिबंधक कायदा 2006, चांगला स्पर्श व वाईट स्पर्श व बालकांचे हक्क तसेच क्रांती ज्योती सावित्रीबाई फुले बालसंगोपन योजनेयाविषयी माहिती देण्यात आली. यावेळी चाईल्ड हेल्पलाईनचे प्रकल्प समन्वयक संदीप कोल्हे, क्षेत्र कार्यकर्ता अनिरुध्द घनसावंत, सुपरवायझर विकास लोणकर, केस वर्कर तथागत इंगळे, शाळेच्या मुख्याध्यापिका श्रीमती आशा सूर्यवाड, शिक्षिका वंदना सोवितकर, स्मिता राजूलवार, अरुण इंगोले तसेच दामिनी पथकाच्या आरती वाकळे व शाळेतील विद्यार्थी, विद्यार्थिंनी मोठ्या संख्येने उपस्थित होते. *******

कारगील विजय दिनानिमित्त शहिदांना अभिवादन, तरुण युवकांनी सैन्यात भरती होऊन भारत मातेच्या सेवेसाठी योगदान द्यावे - जिल्हाधिकारी जितेंद्र पापळकर

• माजी सैनिकांचे प्रश्न सोडविण्यासाठी जिल्हा प्रशासन सदैव तत्पर हिंगोली, (जिमाका) दि. 26 : येथील जिल्हाधिकारी कार्यालयात कारगील विजय दिनानिमित्त जिल्हाधिकारी जितेंद्र पापळकर यांनी भारत मातेच्या प्रतिमेस पुष्पहार व पुष्पचक्र अर्पण करुन शहिदांना अभिवादन केले. यावेळी बोलताना जिल्हाधिकारी श्री. पापळकर म्हणाले, कारगील युध्दात ज्या सैनिकांनी आपल्या प्राणांची आहुती दिली या सर्व सैनिकांविषयी कृतज्ञता व्यक्त करुन श्रध्दांजली अर्पण करण्यासाठी कारगील दिवसा साजरा करण्यात येत असल्याचे सांगून माजी सैनिकांच्या अडीअडचणी जाणून घेतल्या व त्या सोडवण्यासाठी जिल्हा प्रशासन सदैव तत्पर असल्याचे सांगितले. तसेच तरुण युवकांनी सैन्यात भरती होऊन भारतमातेच्या सेवेसाठी योगदान द्देऊन आपले व आपल्या देशाचे उद्देश सफल करावेत, असे आवाहन त्यांनी याप्रसंगी केले. याप्रसंगी माजी सैनिक संघटनेचे अध्यक्ष सय्यद मीर, सुभेदार दत्तराव लेकुळे, कॅप्टन केशव मुकुंदराव जाधव युध्दात वीर मरण आलेल्या सैनिकांच्या पत्नी, वीरमाता श्रीमती यमुनाबाई तुकाराम शिंदे, श्रीमती लक्ष्मीबाई भिकाजी रणवीर, श्रीमती सिमाबाई शरदचंद्र दरणे, श्रीमती कलावतीबाई मोतीराम दिपके, श्रीमती शहजादीबी मोहमद रोशन यांचा जिल्हाधिकारी जितेंद्र पापळकर यांच्या हस्ते शाल, श्रीफळ, पुष्पगुच्छ देऊन सत्कार करण्यात आला. यावेळी माजी सैनिक केशव भडंगे, कडोजी टापरे, नामदेव मस्के, आनंदा जायभाये, जिल्हा सैनिक कल्याण कार्यालयातील सुरेश भालेराव, कल्याण संघटक कॅप्टन तुकाराम मुखाडे यांच्यासह विविध विभागातील अधिकारी-कर्मचारी यांनी मौन पाळून शहिदांना श्रध्दांजली वाहिली. तसेच शेवटी राष्ट्रगीताने कार्यक्रमाची सांगता करण्यात आली. *****

मिशन शक्ती योजनेअंतर्गत महिला सक्षमीकरण कार्यक्रम संपन्न

हिंगोली, (जिमाका)दि.२५: महिला व बालकल्याण हिंगोली व सखी वन स्टॉप सेंटर यांच्या वतीने केंद्र पुरस्कृत मिशन शक्ती योजनेअंतर्गत महिला सक्षमीकरण कार्यक्रमाचे समर्थ महाविद्यालयात आज आयोजन करण्यात आले होते. कार्यक्रमाच्या अध्यक्षस्थानी समर्थ महाविद्यालयाचे अध्यक्ष दिलीप घुगे होते. तसेच या कार्यक्रमाला प्रमुख मार्गदर्शक म्हणून सखी वन स्टॉप सेंटरचे समुदेशक दिनेश पाटील होते. तसेच केंद्र प्रशासक श्रीमती शिला रणवीर, कांचन भिसे आदींची उपस्थिती होती. यावेळी कार्यक्रमाची सुरुवात क्रांतिज्योती सावित्रीबाई फुले यांच्या प्रतिमेचे पूजन करून करण्यात आली. यावेळी या कार्यक्रमाची रूपरेषा श्रीमती रणविर यांनी स्पष्ट केली. दिनेश पाटील यांनी कार्यक्रमाला उपस्थित विद्यार्थिनींना मार्गदर्शन केले. यावेळी त्यांनी सखी वन स्टॉप सेंटर महिला संबंधित राबविण्यात येणा-या योजनांबाबत माहिती देताना सांगितले की, महिलांना काहीही समस्या असतील तर त्यांनी 181 या मदत क्रमांकावर संपर्क करण्याचे आवाहन करण्यात आले. अन्यायग्रस्त महिलांना शक्ती सदन या योजने अंतर्गत त्यांच्या समस्याचे निराकरण करण्यात येते. नोकरदार महिलांनी सखी निवास या योजनेचा लाभ घेण्याचे आवाहन विभागामार्फत करण्यात आले. अध्यक्ष श्री. घुगे यांनी विद्यार्थिनिंना मार्गदर्शन करताना सांगितले की, शासनाच्या या सर्व योजनांचा मुलींनी फायदा घ्यावा, असे आवाहन केले. या कार्यक्रमाचे आयोजन समर्थ महाविद्यालयाचे प्राचार्य सुरेश कोल्हे यांनी केले होते. कार्यक्रमाचे सूत्रसंचालन प्रा. अस्मिता आठवले यांनी केले. तर कार्यक्रमाचा समारोप प्रा. सुरेश कोल्हे यांनी केला. तसेच हा कार्यक्रम यशस्वी करण्यासाठी प्राचार्य श्रीमती अस्मिता आठवले, भगवान बाबा नर्सिग स्कूल प्रा.लखन बगाटे, श्रीमती मंजू गर्जे, विलास सरकटे, श्रीमती पडघन, श्रीमती नरवाडे आदींनी परिश्रम घेतले. या कार्यक्रमासाठी मोठ्या संख्येने महाविद्यालयातील विद्यार्थिनींची उपस्थिती होती. *****

संदर्भीत बालकांच्या हृदय शस्त्रक्रियेसाठी जाणाऱ्या बसला हिरवी झेंडा • विद्यार्थी व पालकांनी हृदयाच्या आजारासंदर्भात वेळोवेळी टूडी-इको तपासणी करावी

हिंगोली (जिमाका), दि. 25 : राष्ट्रीय आरोग्य अभियानांतर्गत व केंद्र शासनाच्या राष्ट्रीय बाल स्वास्थ्य कार्यक्रमाच्या वैद्यकीय पथकाकडून शून्य ते 18 वर्षे वयोगटातील संदर्भित संशयित हृदय रुग्णांसाठी दि. 28 जून, 2024 रोजी जिल्हा रुग्णालय हिंगोली येथे जिल्हा शल्य चिकित्सक डॉ. नितीन तडस यांच्या मार्गदर्शनाखाली टूडी-इको तपासणी शिबिराचे आयोजन करण्यात आले होते. ही तपासणी बालाजी हॉस्पिटल, मुंबई येथील तज्ञ कार्डियालॉजीस्ट डॉ. भूषण चव्हाण यांच्यामार्फत करण्यात आली. या टूडी-इको तपासणीमधून 19 बालकांना पुढील हृदयशस्त्रक्रिया करण्यासाठी संदर्भीत करण्यात आले होते. त्यानुसार या रुग्णालयांकडून आज हृदय शस्त्रक्रियेसाठी बालकांना घेऊन जाण्यासाठी ट्रॅव्हल्स पाठविण्यात आली होती. या बसमध्ये एकूण 12 बालकांना बालाजी हॉस्पिटल, भायखळा, मुंबई येथे शस्त्रक्रियेसाठी पाठविण्यात आले. या बसला जिल्हा शल्यचिकित्सक डॉ. नितीन तडस , अतिरिक्त जिल्हा शल्य चिकित्सक डॉ. दीपक मोरे यांनी हिरवा झेंडा दाखवून रवाना केले. यावेळी निवासी वैद्यकीय अधिकारी डॉ. शैलजा कुप्पास्वामी, बालरोग तज्ज्ञ डॉ. गोपाल कदम, मेट्रन चिंचकर, डिईआयसी मॅनेजर डॉ. संतोष नांदूरकर हे उपस्थित होते. हा कार्यक्रम यशस्वी करण्यासाठी जिल्हा कार्यक्रम पर्यवेक्षक लक्ष्मण गाभणे, सांख्यिकी अन्वेषक ज्ञानोबा चव्हाण, राष्ट्रीय बाल स्वास्थ्य कार्यक्रमातील वैद्यकीय अधिकारी, औषध निर्माता, एएनएम व कार्यालयीन कर्मचारी, रुग्णालयीन अधिपरिचारिका इत्यादींनी परिश्रम घेतले. शस्त्रक्रियेसाठी संदर्भीत विद्यार्थ्यांच्या शस्त्रक्रिया या महात्मा ज्योतीबा फुले जीवनदायी जन आरोग्य योजनेंतर्गत व आरबीएसके कार्यक्रमांतर्गत करण्यात येणार आहेत. हिंगोली जिल्ह्यातील विद्यार्थी व पालकांनी आरबीएसके कार्यक्रमामार्फत दैनंदिन जीवनात वावरताना हृदयाच्या आजारासंदर्भात वेळोवेळी टूडी-इको तपासणी करावी व वेळेत आजाराचे निदान करुन घ्यावे, असे आवाहन जिल्हा शल्य चिकित्सक डॉ. नितीन तडस यांनी केले आहे. *******

राष्ट्रीय लोकअदालतीचे 27 जुलै रोजी आयोजन

हिंगोली (जिमाका), दि. 25 : येथील जिल्हा न्यायालयात व त्या अंतर्गत येणाऱ्या विविध न्यायालयात तालुका विधी सेवा समिती व वकील संघ यांच्या संयुक्त विद्यमाने शनिवार, दिनांक 27 जुलै, 2024 रोजी सकाळी 10.30 वाजता न्यायालय परिसरात राष्ट्रीय लोकअदालतीचे आयोजन करण्यात आले आहे. या लोकअदालतीमध्ये भूसंपादन व मोटार अपघात नुकसान भरपाई प्रकरणे, तडजोड युक्त फौजदारी प्रकरणे, दिवाणी प्रकरणे, वैवाहिक/ कौटुंबिक वाद प्रकरणे, पराक्रम्य अभिलेख अधिनियमचे कलम 138 खालील प्रकरणे, नगर परिषद, विद्युत महावितरण कंपनी, बँक व पतसंस्थांचे वादपूर्व प्रकरणे इत्यादी खटले तडजोडीसाठी ठेवण्यात आलेली आहेत. ही सर्व प्रकरणे आपआपसातील तडजोडीद्वारे निकाली काढता यावीत. यासाठी राष्ट्रीय लोकअदालतीचे आयोजन करण्यात आले आहे. या राष्ट्रीय लोकअदालतीचा जास्तीत जास्त पक्षकार मंडळींनी उपस्थित राहून फायदा घ्यावा, असे आवाहन जिल्हा न्यायाधीश-1 तथा तालुका विधी सेवा समितीचे अध्यक्ष आर. व्ही. लोखंडे, वकील संघाचे अध्यक्ष ॲड. एस. ए. वाबळे, सचिव ॲड. ए.एस.वानखेडे यांनी केले आहे. ******

मुख्यमंत्री युवा कार्य प्रशिक्षण योजनेचा सुशिक्षित बेरोजगार युवकांनी संकेतस्थळावर नोंदणी करुन लाभ घ्यावा

हिंगोली (जिमाका), दि. 25 : मुख्यमंत्री युवा कार्य प्रशिक्षण योजना महाराष्ट्र शासनाच्या कौशल्य, रोजगार, उद्योजकता व नाविन्यता विभाग आणि मुख्यमंत्री जनकल्याण कक्ष यांच्यामार्फत संयुक्तपणे राबवली जात आहे. या योजनेच्या माध्यमातून रोजगार इच्छूक उमेदवार आणि रोजगार उपलब्ध करुन देणारे उद्योजक जोडले जाणार आहेत. सुशिक्षित बेरोजगार युवकांना त्यांच्या शिक्षणानंतर प्रत्यक्ष कामाचे प्रशिक्षण देऊन त्यांची नोकरी मिळण्याची क्षमता वाढविण्यासाठी मुख्यमंत्री युवा कार्य प्रशिक्षण योजना सन 2024-25 या आर्थिक वर्षापासून सुरु करण्यात येणार आहे. या योजनेंतर्गत केंद्र व राज्य शासनाच्या खाजगी आस्थापना, उद्योजक एकूण कार्यरत मनुष्यबळाच्या 10 टक्के व सेवा क्षेत्रासाठी 20 टक्के शासकीय, निमशासकीय आस्थापना, उद्योग, महामंडळ यांच्या आस्थापनेवरील मंजूर पदाच्या 5 टक्के इतके उमेदवार कार्य प्रशिक्षणासाठी घेता येतील. या योजनेंतर्गत 18 ते 35 वयोगटातील कोणताही सुशिक्षित बेरोजगार उमेदवार कार्य प्रशिक्षणासाठी अर्ज करु शकतो. कार्य प्रशिक्षणासाठी प्रशिक्षणार्थींना त्यांच्या शैक्षणिक अर्हतेप्रमाणे शासनामार्फत बारावी पास शैक्षणिक अर्हता असलेल्या उमेदवारांना प्रतिमाह 6 हजार रुपये विद्यावेतन देण्यात येणार आहे. आयटीआय, पदविका शैक्षणिक अर्हता असलेल्या उमेदवारांना 8 हजार रुपये, पदवीधर, पदव्युत्तर शैक्षणिक अर्हता असलेल्या उमेदवारांना 10 हजार रुपये प्रतिमाह विद्यावेतन लाभार्थ्यांच्या थेट बँक खात्यात (DBT) जमा करण्यात येणार आहे. जिल्ह्यातील सर्व सुशिक्षित बेरोजगार युवकांनी https://rojgar.mahaswayam.gov.in या संकेतस्थळावर नोंदणी करुन लाभ घ्यावा, असे आवाहन जिल्हा व्यवसाय व प्रशिक्षण अधिकारी वि. प्र. रांगणे यांनी केले आहे. *******

मुख्यमंत्री युवा कार्य प्रशिक्षण योजनेचा जिल्ह्यातील सुशिक्षित बेरोजगार युवकांनी लाभ घ्यावा

हिंगोली (जिमाका), दि. 25 : मुख्यमंत्री युवा कार्य प्रशिक्षण योजना महाराष्ट्र शासनाच्या कौशल्य, रोजगार, उद्योजकता व नाविन्यता विभाग आणि मुख्यमंत्री जनकल्याण कक्ष यांच्यामार्फत संयुक्तपणे राबवली जात आहे. या योजनेच्या माध्यमातून रोजगार इच्छूक उमेदवार आणि रोजगार उपलब्ध करुन देणारे उद्योजक जोडले जाणार आहेत. रोजगार इच्छूक उमेदवारांना प्रत्यक्ष कामाचा अनुभव प्रशिक्षणातून मिळून त्यांची क्षमता वाढ होणार आहे. तसेच उद्योजकांना त्यांच्या कामासाठी लागणारे मनुष्यबळ कार्य या योजनेद्वारे उपलब्ध होणार आहे. या योजनेचा कालावधी 6 महिने असणार आहे. जिल्ह्यातील सुशिक्षित बेरोजगार युवकांनी मुख्यमंत्री युवा कार्य प्रशिक्षण योनजेचा जास्तीत जास्त लाभ घ्यावा, असे आवाहन असे आवाहन कौशल्य विकास, रोजगार व उद्योजकता विभागाचे सहायक आयुक्त डॉ. राजपाल कोल्हे यांनी केले आहे. उमेदवारांची पात्रता : उमेदवारांचे किमान वय 18 व कमाल 35 वर्ष असावे. उमेदवारांची किमान शैक्षणिक पात्रता बारावी, आयटीआय, पदविका, पदवीधर, पदव्युत्तर असावी. उमेदवार हा महाराष्ट्राचा अधिवासी असावा. उमेदवारांची आधार नोंदणी असावी. उमेदवारांचे बँक खाते आधार संलग्न असावे. उमेदवाराने कौशल्य, रोजगार, उद्योजकता व नाविण्यता विभागाच्या https://rojgar.mahaswayam.gov.in या संकेतस्थळावर नोंदणी केलेली असावी. नोंदणी अद्यावत करावी व बँक खाते विषयीचे कागदपत्रे अपलोड करावेत. उमेदवारांनी https://rojgar.mahaswayam.gov.in या संकेतस्थळावरुनच ऑनलाईन अर्ज करावेत. कार्य प्रशिक्षणासाठी प्रशिक्षणार्थींना त्यांच्या शैक्षणिक अर्हतेप्रमाणे शासनामार्फत बारावी पास शैक्षणिक अर्हता असलेल्या उमेदवारांना प्रतिमाह 6 हजार रुपये विद्यावेतन देण्यात येणार आहे. आयटीआय, पदविका शैक्षणिक अर्हता असलेल्या उमेदवारांना 8 हजार रुपये, पदवीधर, पदव्युत्तर शैक्षणिक अर्हता असलेल्या उमेदवारांना 10 हजार रुपये प्रतिमाह विद्यावेतन लाभार्थ्यांच्या थेट बँक खात्यात (DBT) जमा करण्यात येणार आहे. या योजनेंतर्गत केंद्र व राज्य शासनाच्या शासकीय, निमशासकीय आस्थापना, उद्योग महामंडळ यांच्या आस्थापनेवरील मंजूर पदाच्या 5 टक्के व खाजगी कंपनी, आस्थापनामध्ये कार्यरत 20 व त्यापेक्षा अधिक मनुष्यबळ कार्यरत असलेली आस्थापनामध्ये सेवाक्षेत्र 20 टक्के व उत्पादन क्षेत्रात 10 टक्के असे उमेदवारांना 6 महिन्यासाठी प्रशिक्षणार्थी म्हणून अनुभव मिळविण्याची संधी उपलब्ध होणार आहे. हिंगोली जिल्ह्यातील बारावी, आयटीआय, पदविका, पदवीधर, पदव्युत्तर या शैक्षणिक अर्हतेनुसार जिल्ह्यातील शासकीय कार्यालयातील व खाजगी आस्थापनेवर 6 महिन्यासाठी पदे भरण्यात येणार आहेत. यासाठी जिल्ह्यातील सुशिक्षित बेरोजगार उमेदवारांनी https://rojgar.mahaswayam.gov.in या संकेतस्थळावर नोंदणी अद्यावत करावी. आधार कार्डशी सलग्न बँक खात्यावरील माहिती भरुन कागदपत्रे अपलोड करावी. त्यानंतर जिल्ह्यातील शासकीय कार्यालयातील व खाजगी आस्थापनेवरील दि. 26 जुलै, 2024 पासून रिक्त पदे अधिसूचित केली जाणार आहेत. आपल्या शैक्षणिक पात्रतेनुसार पदांची खात्री करुन ऑनलाईन अर्ज करावे. निवड प्रक्रिया ही पूर्ण ऑनलाईन असून सॉफ्टवेअर प्रणालीवर शॉर्ट लिस्टेड उमेदवारांना संधी दिली जाणार आहे. याबाबत काही अडचण आल्यास 02456-224574 या दूरध्वनीवर किंवा 7972888970, 7385924589 या भ्रमणध्वनीवर संपर्क साधावा, असे आवाहन कौशल्य विकास, रोजगार व उद्योजकता विभागाचे सहायक आयुक्त डॉ. राजपाल कोल्हे यांनी केले आहे. *****

हिंगोली जिल्ह्यात सरासरी 17 मिमी पाऊस

हिंगोली (जिमाका), दि. 25 : जिल्ह्यात गेल्या 24 तासात सरासरी 17.30 मिलीमीटर पावसाची नोंद झाली असून, कळमनुरी तालुक्यात सर्वात जास्त 22.70 मि.मी. पाऊस झाला आहे. तर सेनगाव तालुक्यात सर्वात कमी 11.20 मि.मी. पाऊस पडला आहे. जिल्ह्यात आज सकाळपर्यंत नोंदला गेलेला तालुकानिहाय सरासरी पाऊस पुढीलप्रमाणे असून कंसातील आकडेवारी 1 जूनपासून आजपर्यंत झालेल्या पावसाची आहे. हिंगोली 14.90 (424.60), कळमनुरी 22.70 (375.60), वसमत 19.50 (347.30), औंढा नागनाथ 19 (349) आणि सेनगाव तालुक्यात 11.20 (361.90) मि. मी. पाऊस पडला आहे. सर्व आकडेवारी मिलीमीटर परिमाणात आहे. हिंगोली जिल्ह्यात दिनांक 1 जून 2024 ते 25 जुलै 2024 पर्यंत सरासरी 373.80 मिलीमीटर पाऊस पडला आहे. त्याची टक्केवारी 47 अशी आहे. **

मुख्यमंत्री-माझी लाडकी बहीण योजनेत आतापर्यंत 81 हजार 522 महिलांचे अर्ज

हिंगोली (जिमाका), दि. 25 : जिल्ह्यात आतापर्यंत एकूण 81 हजार 522 पात्र लाभार्थी महिलांनी अर्ज भरले असल्याची माहिती उपमुख्य कार्यकारी अधिकारी (महिला व बालकल्याण विभाग) गणेश वाघ यांनी दिली आहे. जिल्ह्यामध्ये जिल्हा परिषदेतर्गंत एकूण 1072 तर शहरी भागातील 125 अशा एकूण 1197 अंगणवाडी आहेत. जिल्ह्यात आतापर्यंत नगर परिषद, नगर पंचायतीकडून 6131, एकात्मिक बालविकास योजनेकडून 7384 आणि जिल्हा परिषदेकडून 68 हजार 07 पात्र लाभार्थी महिलांनी अर्ज भरले असून, यामध्ये ऑनलाईन 47 हजार 543 तर 33 हजार 979 ऑफलाईन असे एकूण 81 हजार 522 महिलांनी अर्ज भरले आहेत. ग्रामीण भागातील जास्तीत जास्त पात्र महिला लाभार्थ्यांनी या योजनेचा लाभ घेण्यासाठी जिल्हा परिषदेच्या महिला व बालकल्याण विभागाच्या वतीने जिल्ह्यातील सर्व बाल विकास प्रकल्प अधिकारी, पर्यवेक्षिका, अंगणवाडी सेविका यांचे अर्ज भरण्याचे प्रशिक्षण पूर्ण करण्यात आले आहे. जिल्ह्यातील सर्व अंगणवाडी सेविकांकडून मोबाईलमध्ये नारीशक्ती दूत ॲप्लिकेशन डाऊनलोड करूनही हे अर्ज भरून घेण्यात येत आहेत. मुख्यमंत्री माझी लाडकी बहीण योजनेत पात्र लाभार्थी महिला यामध्ये ऑनलाईन अर्ज करू शकतात. तसेच मुख्यमंत्री माझी लाडकी बहीण या राज्य शासनाच्या महत्त्वाकांक्षी योजनेचे सनियंत्रण व माहितीसाठी तालुकानिहाय विस्तार अधिकारी (सांख्यिकी) यांची नोडल अधिकारी म्हणून देखील नियुक्ती करण्यात आली आहे. जिल्ह्यातील जास्तीत जास्त पात्र महिला लाभार्थ्यांना सदर योजनेचा लाभ व्हावा, यासाठी जिल्हा प्रशासनाकडून गावात दवंडी देण्याबाबत निर्देश देण्यात आले आहेत. त्याचबरोबर वेळोवेळी कॅम्पचे आयोजन करण्यात येत आहेत. ***

सेनगाव तालुक्यातील युवक-युवतींसाठी ब्युटी पार्लर, लेदर बँगचे मोफत प्रशिक्षण

हिंगोली (जिमाका), दि. 24 : जिल्हा उद्योग केंद्र व महाराष्ट्र उद्योजकता विकास केंद्राच्या वतीने सेनगाव तालुक्यातील सर्वसाधारण प्रवर्गातील युवक व युवतीसाठी ब्युटी पार्लर आणि लेदर बँगचे मोफत प्रशिक्षण कार्यक्रमाचे आयोजन करण्यात आले आहे. यासाठी उमेदवार हा किमान आठवी पास असावा, वय 18 ते 45 असावे. यासाठी आधार कार्ड, पासपोर्ट फोटो, टीसी, बँक पासबूक जमा करुन दि. 7 ऑगस्ट, 2024 पर्यंत आपली नाव नोंदणी करावी. नाव नोंदणीसाठी व अधिक माहितीसाठी दत्ता उचितकर (9834903831) आणि विकास उंडाळ (8412089272) कार्यक्रम आयोजक, महाराष्ट्र उद्योजकता विकास केंद्र, द्वारा जिल्हा उद्योग केंद्र, एस-12, प्रशासकीय इमारत, जिल्हाधिकारी कार्यालय, हिंगोली येथे संपर्क साधावा, असे आवाहन जिल्हा उद्योग केंद्राचे महाव्यवस्थापक एस. के. कादरी, महाराष्ट्र उद्योजकता विकास केंद्राचे प्रकल्प अधिकारी सुधीर आठवले यांनी केले आहे. ******

किटकनाशक फवारणीतून होणारी संभाव्य विषबाधा टाळण्यासाठी जनजागृती करा - जिल्हाधिकारी जितेंद्र पापळकर

हिंगोली (जिमाका), दि. 24 : किटकनाशके, बुरशीनाशकांची फवारणी करतांना निष्काळजीपणामुळे, अनावधानाने अथवा नजर चुकीने होणारी संभाव्य विषबाधा टाळण्यासाठी शेतकऱ्यांनी घ्यावयाची काळजी याबाबत व्यापक प्रमाणावर जनजागृती करावी, सूचना जिल्हाधिकारी जितेंद्र पापळकर यांनी दिल्या. शेतकऱ्यांना किटकनाशके, बुरशीनाशके उत्पादक कंपन्यांनी तसेच कृषि विभागाने क्षेत्रीय स्तरावर व्यापक प्रमाणात कार्यशाळांचे आयोजन करुन मार्गदर्शन करावे. तसेच विषबाधा होऊ नये याबाबत प्रचार व प्रसिध्दी करावी, असेही त्यांनी सांगितले. किटकनाशके वापरामुळे होणाऱ्या विषबाधा व त्यावरील उपाययोजना संबंधी तज्ज्ञ समितीची बैठक नुकतीच जिल्हाधिकारी जितेंद्र पापळकर यांच्या अध्यक्षतेखाली घेण्यात आली. यावेळी बैठकीस जिल्हा अधीक्षक कृषि अधिकारी राजेंद्र कदम, पोलीस निरीक्षक सुधीर वाघ, जिल्हा परिषदेचे कृषि विकास अधिकारी ए. एस. वायसे, तोंडापूर कृषि विज्ञान केंद्राचे शास्त्रज्ञ डॉ. राजेश भालेराव, सहायक प्राध्यापक (मृद विज्ञान) डॉ. प्रविण राठोड, जिल्हा आरोग्य अधिकारी डॉ. कैलाश शेळके, वैद्यकीय अधिकारी डॉ. एन. एल. भालेराव, सौरभ शेंगोकर यांच्यासह विविध किटकनाशके उत्पादक कंपन्यांचे जिल्हा प्रतिनिधी उपस्थित होते. शेतकऱ्यांनी घ्यावयाची काळजी वारा शांत असतांना म्हणजे सकाळी लवकर अथवा सायंकाळी उशीरा फवारणी करावी. फवारणी वाऱ्याच्या प्रवाहाच्या दिशेने करावी, विरुध्द दिशेने करु नये. किटकनाशके, बुरशीनाशकांची फवारणी करण्यापूर्वी शरीराच्या उघड्या भागावर खोबरेल तेलाचे लेपन करुन फवारणी करावी. त्यामुळे त्वचेला बाधा होणार नाही. फवारणी करतांना किटकनाशकाचा त्वचेशी व डोळ्याशी संपर्क होणार नाही याची दक्षता घ्यावी. फवारणी करतांना किटकनाशकाचे अंश नाकाव्दारे श्वसन मार्गात व तोंडाद्वारे पोटात प्रवेश करणार नाहीत यासाठी नाकाला व तोंडाला मास्क, रुमाल बांधावा. तसेच डोळ्यावर चशमा घालावा, केस झाकावेत. फवारणी करतांना अंगभर कपडे घालावेत. शक्यतो वाटर प्रुफ सुरक्षा कीटचा वापर करावा. पिकाची उंची एक फुट वा त्यापेक्षा जास्त असल्यास फवारणी करतांना गम बुटचा वापर करावा. फवारणीचा व्यवसाय करणारे शेतकरी, शेतमजुर यांनी तालुक्याच्या आरोग्य केंद्रामध्ये नियमित आरोग्य तपासणी करुन घ्यावी. किटकनाशके, बुरशीनाशके पिण्याच्या पाण्याच्या स्त्रोतापासुन व खाद्यपदार्थापासुन दूर ठेवावेत. तसेच फवारणीनंतर फवारा व किटकनाशकाचे रिकामे डबे वाहत्या पाण्यात धूऊ नये. किटकनाशकाचे रिकामे डबे इतर उपयोगासाठी न वापरता ते खोलवर जमिनीत पुरुन टाकावेत. किटकनाशके, बुरशीनाशके फवारणी करतांना ते वा त्यांचे अंश जनावरांच्या चाऱ्याच्या, खाद्यपदार्थांच्या संपर्कात येणार नाहीत वा त्यावर उडून जाणार नाहीत याची दक्षता घ्यावी. विहीर, नदी, नाले, ओढे अथवा पानवठे यांच्या संपर्कात किटकनाशके, बुरशीनाशके येणार नाहीत याची दक्षता घ्यावी. फवारणी करतांना वा फवारणी झाल्यानंतर शेतकरी, शेतमजुरास अस्वस्थ वाटत असल्यास घरगुती उपचार न करता त्वरीत नजीकच्या आरोग्य केंद्रात पुढील उपचारासाठी दाखल करावे. ढगाळ वातावरणात EC फॉर्मूलेशन ऐवजी SC फॉर्मुलेशन च्या किटकनाशके, बुरशीनाशकांची फवारणी करावी. तसेच प्रसार माध्यमांनी शेतकऱ्यांच्या हितासाठी वर्तमानपत्रातून याची मोफत व व्यापक प्रमाणात प्रसिध्दी देण्यात यावी ,असे आवाहन जिल्हाधिकारी जितेंद्र पापळकर यांनी व कृषि विभागाने केले आहे. ******

बालविवाह निर्मूलन चॅम्पियन्सचे दोन दिवशीय प्रशिक्षण संपन्न

हिंगोली (जिमाका), दि. 24 : जिल्हा महिला व बाल विकास विभाग, यूनिसेफ आणि सेंटर फॉर सोशल अँण्ड बिहेवियर चेंज कम्युनिकेशन आणि जिल्हा प्रशासन यांच्या संयुक्त विद्यमाने जिल्ह्यात बालविवाह निर्मूलन जिल्हा कृती दल स्थापन करण्यात आले आहे. या कृती दलाच्या माध्यमातून हिंगोली जिल्ह्यात बालविवाह निर्मूलन व्हावे यासाठी पंचायत विभाग, आरोग्य विभाग, शिक्षण विभाग, महिला व बाल कल्याण विभाग (जि.प.), जिल्हा महिला व बालविकास विभाग या सर्व विभागांच्या संयुक्त विद्यमाने तयार करण्यात आलेला “बालविवाहमुक्त हिंगोली” जिल्हा कृती आराखडा प्रभावीपणे राबविण्यासाठी संबंधित सर्व विभागांनी बालविवाह निर्मूलन चॅम्पियन्सची नियुक्ती जिल्हाधिकारी यांनी केली आहे. नियुक्त सर्व विभागाच्या चॅम्पियन्ससाठी आराखड्याची अंमलबजावणी, पाठपुरावा, नियोजन, माहिती विश्लेषण, समन्वय, मूल्यमापन आणि संनियंत्रण संदर्भातील गुगल फ़ॉर्मवर देखरेख संदर्भात दि. 22 व 23 जुलै, 2024 रोजी दोन दिवसीय प्रशिक्षण शिबीर येथे घेण्यात आले. या प्रशिक्षणाच्या सुरुवातीला जिल्हाधिकारी जितेंद्र पापळकर यांच्या हस्ते दीपप्रज्वलन करून उद्घाटन करण्यात आले होते. यावेळी जिल्हाधिकारी श्री. पापळकर यांनी प्रशिक्षणार्थींना शुभेच्छा दिल्या व बालविवाह निर्मूलन जिल्हा कृती आराखड्याची प्रभावी अंमलबजावणी करण्याच्या सूचना दिल्या. तसेच या प्रशिक्षणास प्रमुख पाहुणे म्हणून माध्यमिक विभागाचे शिक्षणाधिकारी प्रशांत दिग्रसकर, उपशिक्षणाधिकारी नितीन नेटके, जिल्हा महिला व बालविकास अधिकारी राजाभाऊ मगर, जिल्हा बाल संरक्षण अधिकारी सरस्वती कोरडे यांची उपस्थिती होती. या प्रशिक्षणात तालुकानिहाय बालविवाहाची कारणे व विभागनिहाय उपाय, महाराष्ट्रातील बालविवाहाचे प्रमाण, परिणाम, सक्षम कार्यक्रम आढावा, बालहक्क, बालविवाह प्रतिबंध अधिनियम 2006, बाल न्याय मुलांची काळजी आणि संरक्षण अधिनियम 2015, लैंगिक छळांपासून मुलांचे संरक्षण अधिनियम 2012, बालविवाहावर आधारित प्रश्नमंजुषा, लिंगभाव, बालविवाह निर्मूलन चॅम्पियन्सची भूमिका आणि जबाबदारी, कम्युनिकेशन किट, युनिसेफचे-बालविवाह समाप्त करण्यासाठी जागतिक कार्यक्रम, बालविवाह निर्मूलन जिल्हा कृती आराखडा कार्यान्वयन योजना तयार करणे, साप्ताहिक देखरेखीचे फॉरमेट तयार करणे, जिल्हा कृती दल बैठकीसाठी अहवाल तयार करणे, जिल्हा कृती आराखड्यासाठी सहाय्य व नियोजन, विभाग प्रमुखांचे मार्गदर्शन, महिती संकलन आणि विश्लेषण, प्रेरणादायी व सकारात्मक प्रकरणांचे दस्तऐवजीकरण इत्यादी विषयांवर प्रशिक्षण घेण्यात आले. या प्रशिक्षणासाठी जिल्ह्यातील पंचायत विभाग, आरोग्य विभाग, शिक्षण विभाग, महिला व बाल कल्याण विभाग (जि.प.), जिल्हा महिला व बालविकास विभाग, राष्ट्रीय किशोर स्वास्थ्य कार्यक्रम (RKSK), महाराष्ट्र राज्य ग्रामीण जीवनोन्नती अभियान (उमेद) यांनी नियुक्त केलेल्या एकूण 75 “बालविवाह निर्मूलन चॅम्पियन्स” यांना प्रशिक्षण देण्यात आले. या प्रशिक्षणास युनिसेफच्या राज्य सल्लागार डॉ. सरिता शंकरन प्रामुख्याने उपस्थित होत्या. डॉ. सरिता यांनी या प्रशिक्षणात कायदेविषयक विषयांवर प्रकाश टाकून प्रशिक्षणार्थींना मार्गदर्शन केले. या प्रशिक्षणासाठी साधन व्यक्ती म्हणून SBC3 चे बालविवाह निर्मूलन प्रकल्पाचे कार्यक्रम प्रमुख नंदू जाधव, वरिष्ठ प्रकल्प समन्वयक कृपाली बढिये, विकास कांबळे, रुचिका अहिरे, मोनाली धुर्वे उपस्थित होते. या प्रशिक्षणासाठी जिल्हा बाल संरक्षण कक्ष, चाईल्ड हेल्प लाईन 1098 चे सर्व कर्मचारी यांचे विशेष सहकार्य लाभले. ******

हिपॅटायटीस आजाराची तपासणी, लसीकरण करुन घेण्याचे आवाहन

हिंगोली (जिमाका), दि. 24 : राष्ट्रीय आरोग्य अभियांनातर्गत राष्ट्रीय व्हायरल हिपॅटायटीस नियंत्रण कार्यक्रम हा सर्व जिल्ह्यामध्ये सुरु करण्यात आला आहे. या कार्यक्रमांतर्गत राज्यात 4 आदर्श उपचार केंद्र व 32 उपचार केंद्रांची उभारणी करण्यात आली आहे. या केंद्रामार्फत हिपॅटायटीस रुग्णांची तपासणी व औषधोपचार उपलब्ध करुन देण्यात येत आहेत. हिपॅटायटीस या आजाराबद्दल समाजामध्ये जागरुकता निर्माण होण्यासाठी दरवर्षी 28 जुलै रोजी जागतिक हिपॅटायटीस दिन साजरा केला जातो. जागतिक आरोग्य संघटनेने यावर्षी "It's time for action’’ हे हिपॅटायटीस दिनाचे घोषवाक्य आहे. केंद्र शासन व राज्य शासनाच्या सूचनेनुसार हिपॅटायटीस दिनानिमित्त दि. 22 जुलै, 2024 ते दि. 3 ऑगस्ट, 2024 या कालावधीत हिपॅटायटीस पंधरवाडा साजरा करण्याबाबत सूचित केले आहे. या अनुषंगाने हिंगोली जिल्हा रुग्णालयात जागतिक हिपॅटायटीस पंधरवाडानिमित्त दि. 24 जुलै, 2024 रोजी प्रसुती कक्षातील रुग्णासंबंधित आरोग्य सेवक (HCW) यांना हिपँटायटीस ब आणि क ची तपासणी करण्यात आली आहे. गरोदर माता व इतर रुग्णांची तपासणी करण्यात येणार आहे. जागतिक हिपॅटायटीस दिनानिमित्त शासकीय नर्सिंग कॉलेजच्या सर्व प्रशिक्षणार्थीची हिपॅटायटीस आजाराची बी व सी तपासणी करुन निगेटीव्ह आलेल्या प्रशिक्षणार्थीना लसीकरण करण्यात येणार आहे. जागतिक हिपॅटायटीस दिनानिमित्त पंधरवाडा साजरा करण्यासाठी जिल्हा शल्य चिकित्सक डॉ. नितीन तडस यांनी प्रसूती कक्षातील रुग्णा संबंधित तपासणी शिबीरास भेट देवून पुढील कार्यक्रमास मार्गदर्शन केले. यावेळी कार्यक्रमास डॉ. सुनिल पाटील (पॅथालॉजीस्ट वर्ग-१), श्री. चिचंकर (मेट्रन), श्रीमती आशा क्षीरसागर (सहा, अधिसेविका), श्रीमती रागिनी जोशी (प्रसुती कक्ष इन्चार्ज सिस्टर), श्रीमती सरोज दांडेकर, श्री. शुभम राठोड, श्री. अनिस प्यारेवाले यांच्या उपस्थितीमध्ये पूर्ण करण्यात आले. हे शिबीर यशस्वी करण्यासाठी गाभणे लक्ष्मण, व्ही. एस.आंबटवार कार्यालयीन कर्मचारी व रुग्णालयीन अधिपरिचारीका इत्यादींनी परिश्रम घेतले. हिंगोली जिल्ह्यातील जनतेला या कार्यक्रमामार्फत दैनदिन जीवनात वावरतांना हिपॅटायटीस आजारासंदर्भात वेळोवेळी रक्त तपासणी करावी व हिपॅटायटीस या आजाराचे लसीकरण करुन घ्यावे, असे आवाहन जिल्हा शल्यचिकित्सक डॉ. नितीन तडस यांच्याकडून करण्यात येत आहे. ******

डॉ.झाकीर हुसेन मदरसा आधुनिकीकरण योजनेंतर्गंत नोंदणीकृत मदरशांनी सहायक अनुदानासाठी 15 सप्टेंबर पर्यंत प्रस्ताव सादर करावेत

हिंगोली (जिमाका), दि. 24 : डॉ.झाकीर हुसेन मदरसा आधुनिकीकरण योजनेंतर्गत राज्यातील नोंदणीकृत निवासी मदरसांना पायाभूत सुविधा, ग्रंथालय आणि विषय शिक्षकांच्या वेतनासाठी सहाय्यक अनुदान योजना सन 2024-25 मध्ये राबविण्यात येत आहे. महाराष्ट्र शासनाच्या अल्पसंख्यांक विभागाने राज्यातील नोंदणीकृत मदरसांमध्ये पारंपारिक धार्मिक शिक्षण घेत असलेल्या विद्यार्थ्यांसाठी ज्या मदरसांना आधुनिक शिक्षणासाठी शासकीय अनुदान घेण्याची इच्छा आहे अशा मदरसाकडून अर्ज मागवित आहे. ही मदरसे धर्मादाय आयुक्त अथवा महाराष्ट्र राज्य वक्फ बोर्डाकडे नोंदणीकृत असावेत. अशा मदरशानी दि. 11 ऑक्टोबर, 2013 व दि. 22 डिसेंबर, 2023 च्या शासन निर्णयातील तरतुदीनुसार पुढील बाबींकरिता विहित नमुन्यात अर्ज करावेत. विज्ञान, गणित, समाजशास्त्र, हिंदी, मराठी, इंग्रजी व उर्दू हे विषय शिकविण्याकरीता शिक्षकांसाठी मानधन, पायाभूत सुविधा व ग्रंथालयासाठी अनुदान देय आहे. शासन निर्णय दि. 11 ऑक्टोबर, 2013 व दि. 22 डिसेंबर, 2023 च्या तरतुदीनुसार मदरसामध्ये नियुक्त केलेल्या जास्तीत जास्त 03 डी.एड/बी.एड शिक्षकांना मानधन देण्यात येईल. विद्यार्थी व शिक्षक यांचे प्रमाणक 40 : 1 असे राहील. शिक्षणासाठी हिंदी, इंग्रजी, मराठी, उर्दू यापैकी एका माध्यमाची निवड करुन त्यानुसार शिक्षकांची नेमणूक करणे आवश्यक आहे. ग्रंथालय तसेच विद्यार्थ्यांच्या शैक्षणिक साहित्यासाठी एकदाच 50 हजार रुपये अनुदान देय आहे. पायाभूत सुविधासाठी जास्तीत जास्त 2 लाख रुपये इतक्या मर्यादेपर्यंत अनुदान देय आहे. अनुज्ञेय असलेल्या पायाभूत सुविधा : मदरशांच्या इमारतीचे नुतनीकरण व डागडुजी, पेयजलाची व्यवस्था करणे, प्रसाधन गृह उभारणे व त्याची डागडुजी करणे, विद्यार्थ्यांसाठी आवश्यक फर्निचर, मदरसाच्या निवासस्थानात इर्न्व्हटरची सुविधा उपलब्ध करणे, मदरसांच्या निवासी इमारतीचे नुतनीकरण व डागडुजी, संगणक, हार्डवेअर, साफ्टवेअर, प्रिंटर्स तसेच प्रयोगशाळा साहित्य सायन्स कीट, मॅथेमॅटीक्स कीट व इतर अध्ययन साहित्य या पायाभूत सुविधांचा समावेश असून यासाठी जास्तीत जास्त 2 लक्ष इतक्या मर्यादेपर्यंत अनुदान देय आहे. या योजनेंतर्गत लाभासाठी नोंदणी करुन 3 वर्ष पूर्ण झालेल्या तसेच अल्पसंख्यांक बहुल क्षेत्रातील मदरशांना प्राधान्य देण्यात येईल. ज्या मदरशांना Scheme for providing Quality Education in Madarsa (SPQEM) या केंद्र पुरस्कृत योजनेंतर्गत लाभ मिळाला आहे. अशा मदरशांना या योजनेचा लाभ अनुज्ञेय राहणार नाही. इच्छूक मदरशांनी आवश्यक कागदपत्रे जोडून दि.11 ऑक्टोबर, 2013 व दि. 22 डिसेंबर, 2023 च्या शासन निर्णयामध्ये नमूद केलेल्या विहित नमुन्यातील परिपूर्ण प्रस्ताव जिल्हा नियोजन समिती, जिल्हाधिकारी कार्यालय, हिंगोली येथे दि. 15 सप्टेंबर, 2024 पर्यंत कार्यालयीन वेळेत सादर करावेत. त्यानंतर प्राप्त होणारे प्रस्ताव विचारात घेतले जाणार नाहीत, असे जिल्हा नियोजन अधिकारी, हिंगोली यांनी प्रसिध्दीपत्रकाद्वारे कळविले आहे. *****

हिंगोली जिल्ह्यात सरासरी 10 मिमी पाऊस

हिंगोली (जिमाका), दि. 24 : जिल्ह्यात गेल्या 24 तासात सरासरी 9.60 मिलीमीटर पावसाची नोंद झाली असून, वसमत तालुक्यात सर्वात जास्त 12.90 मि.मी. पाऊस झाला आहे. तर सेनगाव तालुक्यात सर्वात कमी 4.20 मि.मी. पाऊस पडला आहे. जिल्ह्यात आज सकाळपर्यंत नोंदला गेलेला तालुकानिहाय सरासरी पाऊस पुढीलप्रमाणे असून कंसातील आकडेवारी 1 जूनपासून आजपर्यंत झालेल्या पावसाची आहे. हिंगोली 7 (409.90), कळमनुरी 12.10 (352.90), वसमत 12.90 (328.30), औंढा नागनाथ 12.40 (330) आणि सेनगांव तालुक्यात 4.20 (352) मि. मी. पाऊस पडला आहे. सर्व आकडेवारी मिलीमीटर परिमाणात आहेत. हिंगोली जिल्ह्यात दिनांक 1 जून 2024 ते 24 जुलै 2024 पर्यत सरासरी 356.90 मिलीमीटर पाऊस पडला आहे. त्याची टक्केवारी 44.88 अशी आहे. ******

धार्मिक अल्पसंख्यांक विद्यार्थी बहुल शाळांनी पायाभूत सोयीसुविधाच्या अनुदानासाठी 15 सप्टेंबर पर्यंत प्रस्ताव सादर करावेत

हिंगोली (जिमाका), दि. 24 : जिल्ह्यातील धार्मिक अल्पसंख्यांक विद्यार्थी बहुल शासनमान्य खाजगी अनुदानित, विना अनुदानित, कायम विना अनुदानित शाळा, कनिष्ठ महाविद्यालये, औद्योगिक प्रशिक्षण संस्था, नगर परिषद शाळा व अपंग शाळांमध्ये पायाभूत सोयी सुविधा पुरविण्यासाठी महाराष्ट्र शासनाच्या अल्पसंख्याक विभागाच्या दि. 19 जुलै, 2024 च्या शासन परिपत्रकान्वये सन 2024-25 साठी अनुदान योजना राबविण्यात येत आहे. या योजनेंतर्गत धार्मिक अल्पसंख्यांक विद्यार्थी बहुल शासनमान्य खाजगी अनुदानित, विना अनुदानित, कायम विना अनुदानित शाळा, कनिष्ठ महाविद्यालये, औद्योगिक प्रशिक्षण संस्था, नगर परिषद शाळा व अपंग शाळांमध्ये पायाभूत सोयी सुविधा पुरविण्यासाठी सन 2024-25 साठी अनुदान योजना राबविण्यात येत आहे. या अनुदानासाठी इच्छूक शाळांकडून दि. 7 ऑक्टोबर, 2015 च्या शासन निर्णयामध्ये नमूद केलेल्या विहित नमुन्यातील परिपूर्ण अर्ज परिशिष्ट अ प्रमाणे, शाळेचे संपूर्ण नाव, आवश्यक कागदपत्रे टंकलिखित करुन सवस्तिर प्रस्ताव जिल्हा नियोजन समिती, जिल्हाधिकारी कार्यालय, हिंगोली येथे दि. 15 सप्टेंबर, 2024 पर्यंत कार्यालयीन वेळेत सादर करावेत. त्यानंतर जिल्हाधिकारी कार्यालयात प्राप्त होणारे प्रस्ताव विचारात घेतले जाणार नाहीत, असे जिल्हा नियोजन अधिकारी, हिंगोली यांनी प्रसिध्दीपत्रकाद्वारे कळविले आहे. *****

हिंगोली तालुक्यातील अनुसूचित जाती प्रवर्गातील युवक व युवतीसाठी कुशन आर्टचे मोफत प्रशिक्षण

हिंगोली (जिमाका), दि. 24 : जिल्हा उद्योग केंद्र व महाराष्ट्र उद्योजकता विकास केंद्राच्या वतीने हिंगोली तालुक्यातील अनुसूचित जाती प्रवर्गातील युवक व युवतीसाठी कुशन आर्टचे मोफत प्रशिक्षण कार्यक्रमाचे आयोजन करण्यात आले आहे. यासाठी उमेदवार हा किमान आठवी पास असावा, वय 18 ते 45 असावे. यासाठी आधार कार्ड, पासपोर्ट फोटो, टीसी, बँक पासबूक जमा करुन दि. 30 जुलै, 2024 पर्यंत आपली नाव नोंदणी करावी. नाव नोंदणीसाठी व अधिक माहितीसाठी सुभाष बोरकर, कार्यक्रम आयोजक, महाराष्ट्र उद्योजकता विकास केंद्र, द्वारा जिल्हा उद्योग केंद्र, एस-12, प्रशासकीय इमारत, जिल्हाधिकारी कार्यालय, हिंगोली येथे संपर्क साधावा, असे आवाहन जिल्हा उद्योग केंद्राचे महाव्यवस्थापक एस. के. कादरी, महाराष्ट्र उद्योजकता विकास केंद्राचे प्रकल्प अधिकारी सुधीर आठवले यांनी केले आहे. ******

हिंगोली तालुक्यातील सर्वसाधारण प्रवर्गातील युवक-युवतींसाठी सोलार इन्स्टॉलेशनचे मोफत प्रशिक्षण

हिंगोली (जिमाका), दि. 24 : जिल्हा उद्योग केंद्र व महाराष्ट्र उद्योजकता विकास केंद्राच्या वतीने हिंगोली तालुक्यातील सर्वसाधारण प्रवर्गातील युवक व युवतीसाठी सोलार इन्स्टॉलेशनचे मोफत प्रशिक्षण कार्यक्रमाचे आयोजन करण्यात आले आहे. यासाठी उमेदवार हा किमान आठवी पास असावा, वय 18 ते 45 असावे. यासाठी आधार कार्ड, पासपोर्ट फोटो, टीसी, बँक पासबूक जमा करुन दि. 30 जुलै, 2024 पर्यंत आपली नाव नोंदणी करावी. नाव नोंदणीसाठी व अधिक माहितीसाठी सुभाष बोरकर, कार्यक्रम आयोजक, महाराष्ट्र उद्योजकता विकास केंद्र, द्वारा जिल्हा उद्योग केंद्र, एस-12, प्रशासकीय इमारत, जिल्हाधिकारी कार्यालय, हिंगोली येथे संपर्क साधावा, असे आवाहन जिल्हा उद्योग केंद्राचे महाव्यवस्थापक एस. के. कादरी, महाराष्ट्र उद्योजकता विकास केंद्राचे प्रकल्प अधिकारी सुधीर आठवले यांनी केले आहे. ********

होमगार्डमध्ये सेवा करु इच्छिणाऱ्या उमेदवारांनी नोंदणीसाठी अर्ज करावा

हिंगोली (जिमाका), दि. 24 : हिंगोली जिल्हा होमगार्ड मधील रिक्त असलेल्या 96 जागा भरण्यासाठी दि. 16 ऑगस्ट, 2024 पासून होमगार्ड नोंदणीचे आयोजन येथील संत नामदेव पोलीस कवायत मैदानावर करण्यात आले आहे. त्यासाठी दि. 14 ऑगस्ट, 2024 अखेर ऑनलाईन अर्ज मागविण्यात येत आहेत. होमगार्ड नोंदणीचे माहितीपत्रक, नियम व अटी याबाबत विस्तृत माहिती https://maharashtracdhg.gov.in/mahahg/login1.php या संकेतस्थळावर उपलब्ध आहे. होमगार्डमध्ये सेवा करु इच्छिणाऱ्या हिंगोली जिल्ह्यातील रहिवाशी असलेल्या उमेदवारांनी नोंदणीसाठी अर्ज करावा, असे आवाहन जिल्हा समादेशक तथा अपर पोलीस अधीक्षक अर्चना पाटील यांनी केले आहे. ********

शासनाने घोषित केलेल्या महत्वपूर्ण योजनांच्या अंमलबजावणीसाठी नोडल अधिकाऱ्यांची नियुक्ती

हिंगोली (जिमाका), दि. 24 : महाराष्ट्र शासनाने मागील काही काहात अनेक महत्वपूर्ण योजना घोषित केल्या आहेत. या योजनांच्या अंमलबजावणीचा नियमितपणे आढावा घेण्यासाठी तसेच विभागातील सर्व जिल्ह्याची आकडेवारी संकलीत करण्यासाठी योजनाचे कार्यान्वयीन जिल्ह्यातील विभागाचे जिल्हास्तरीय अधिकारी व जिल्हाधिकारी यांच्यासोबत समन्वय ठेवण्यासाठी जिल्हास्तरावर नोडल अधिकाऱ्यांची नियुक्ती करण्यात आली आहे. मुख्यमंत्री माझी लाडकी बहीण योजनेसाठी नोडल अधिकारी म्हणून जिल्हा महिला व बालविकास अधिकारी राजाभाऊ मगर यांची, मुख्यमंत्री युवा कार्य प्रशिक्षण योजनेसाठी जिल्हा कौशल्य विकास, रोजगार व उद्योजकता मार्गदर्शन केंद्राचे सहायक आयुक्त डॉ. राजपाल कोल्हे यांची, मुख्यमंत्री अन्नपूर्णा योजनेसाठी जिल्हा पुरवठा अधिकारी राजेश पुंजल यांची, मुलींना मोफत उच्च शिक्षण योजनेसाठी माध्यमिक विभागाचे शिक्षणाधिकारी प्रशांत दिग्रसकर, मुख्यमंत्री बळीराजा वीज सवलत योजनेसाठी महावितरणचे अधीक्षक अभियंता राजेशसिंग चव्हाण यांची तर मुख्यमंत्री तीर्थक्षेत्र दर्शन योजना व मुख्यमंत्री वयोश्री योजनेसाठी समाज कल्याण विभागाचे सहायक आयुक्त यादव गायकवाड यांची नियुक्ती करण्यात आली आहे. या वरील सर्व योजनासाठी सहायक नोडल अधिकारी म्हणून अपर जिल्हाधिकारी खुशालसिंह परदेशी हे कामकाज पाहणार आहेत. वरील सर्व नियुक्त नोडल अधिकाऱ्यांनी मा. मुख्यमंत्री व मा. मुख्य सचिव यांच्या सूचना व निर्देशानुसार आवश्यक ती कार्यवाही करावी, असे आदेश जिल्हाधिकारी जितेंद्र पापळकर यांनी सर्व नोडल अधिकाऱ्यांना दिले आहेत. ******

जिल्हाधिकारी जितेंद्र पापळकर यांनी घेतला स्टॉप डायरिया अभियानाचा आढावा • ग्रामीण भागात 31 ऑगस्ट पर्यंत अभियान, विविध उपक्रम राबविणार

हिंगोली (जिमाका), दि. 23 : जिल्हाधिकारी जितेंद्र पापळकर यांच्या अध्यक्षतेखाली व मुख्य कार्यकारी अधिकारी अनुप शेंगूलवार यांच्या प्रमुख उपस्थितीत आज जिल्हाधिकारी कार्यालयाच्या सभागृहात स्टॉप डायरीया बाबत जिल्हा सुकाणू समितीची बैठक घेण्यात आली. या बैठकीत स्टॉप डायरिया अभियानाच्या माध्यमातून राबविण्यात येणाऱ्या विविध उपक्रमाचा आढावा घेण्यात आला. या बैठकीस उपमुख्य कार्यकारी अधिकारी गणेश वाघ, जिल्हा आरोग्य अधिकारी डॉ. कैलास शेळके, जिल्हा माता व बाल संगोपन अधिकारी डॉ. सुनील देशमुख, निवासी वैद्यकीय अधिकारी डॉ. शैलेजा स्वामी, वैद्यकीय अधीक्षक डॉ. सचिन राठोड, डॉ. कल्पना सुतनकाळे, डॉ. श्रीकांत कुलदीपक यावेळी प्रामुख्याने उपस्थित होते. पावसाळ्यात दूषित पाण्यामुळे आजार होतात. ग्रामपंचायतीमध्ये शुद्ध पाणी पिल्यामुळे जलजन्य आजार होणार नाहीत. जलजन्य आजार रोखण्याबाबत लोकांमध्ये जनजागृती निर्माण करण्यासाठी जिल्ह्यात 1 जुलै ते 31 ऑगस्ट या दरम्यान स्टॉप डायरिया अभियान राबविण्यात येत आहे. हे अभियान जिल्हा परिषदेच्या आरोग्य विभाग, पाणीपुरवठा व स्वच्छता विभाग, महिला व बालकल्याण विभाग, शिक्षण व ग्रामपंचायत विभाग आदीच्या संयुक्त विद्यामाने राबविण्यात येत आहे. या अभियानामध्ये गावातील अंगणवाड्या, प्राथमिक आरोग्य केंद्र, सरकारी कार्यालय व प्राथमिक शाळा या ठिकाणी पिण्याच्या पाण्याची गुणवत्ता असणे आवश्यक आहे. पावसाळ्यामध्ये दूषित पाणी पिऊन डायरिया, गॅस्ट्रो व कावीळ यासारखे अनेक आजार होत असतात. त्यामुळे पिण्याचे पाणी निर्जंतूक करुन पिण्यासाठी वापरल्यास या आजारांना दूर ठेवता येते. यासाठी गावस्तरावर विविध उपक्रम घेऊन लोकांमध्ये जनजागृती करण्यात येत आहे. अभियान यशस्वी करण्यासाठी जिल्हा व तालुका पातळीवर सर्व अधिकारी व कर्मचारी यांचा सहभाग राहणार आहे. या अभियानामध्ये मुख्यतः पिण्याच्या पाण्याचे व्यवस्थापन व त्यांची योग्य हाताळणी, स्वच्छता, जनजागृती कार्यक्रम, पाणी गळतीच्या जागा शोधून त्यांची दुरुस्ती करणे, पाणी तपासणी बाबत गावपातळीवर पोस्टर्स, बॅनर लावणे, स्वच्छता चावडी सुरू करणे, स्वच्छता जागृती कार्यक्रम घेणे, घरोघरी भेटी देऊन कचऱ्याचे वर्गीकरण करण्यास प्रोत्साहन देणे, अंगणवाड्यामध्ये माता व किशोरवयीन मुलीची स्वच्छता, आरोग्य इत्यादी विषयावर मार्गदर्शन करणे, शालेय स्तरावर अतिसाराचा सामना करण्यासाठी चित्रकला, निबंध लेखन, सुरक्षित पाण्याचा वापर या विषयावर आयोजन करण्यात येणार आहे. तसेच पाणीपुरवठा योजनेतील पाणी गळती शोधून त्याची दुरुस्ती करणे. पिण्याच्या पाण्याच्या टाक्यांची स्वच्छता, घरगुती स्तरावरील पाणी साठवणीच्या टाक्यांची स्वच्छता, पिण्याच्या पाण्याच्या स्त्रोतांचे स्वच्छता ठेवणे, वैयक्तिक व सार्वजनिक स्वच्छता आदी उपक्रम राबविले जाणार आहेत. बैठकीला बाल विकास प्रकल्प अधिकारी व्ही. आर. वाकडे, आर. आर. मगर, एस. के. सोरेकर, आर. एम. धापसे, एस एम इंगळे, तालुका आरोग्य अधिकारी डॉ. सतीश रुणवाल, डॉ. गणेश जोगदंड, डॉ. संदीप काळे, डॉ. अनुराधा गोरे, डॉ. डी. व्ही. सांवत, जिल्हा कार्यक्रम व्यवस्थापक शंकर तावडे, जिल्हा लेखापाल व्यवस्थापक श्रीपाद गारुडी, वैद्यकीय अधिकारी डॉ. गजानन चव्हाण, डॉ. निशांत थोरात, डॉ. प्रशांत पुठावार, अमोल कुलकर्णी, अझर अली, लक्ष्मण गाभाने, वाघमारे, गट शिक्षण अधिकारी जी. बी. बिरमवार आदी सर्व विभाग प्रमुख, अधिकारी व कर्मचारी उपस्थित होते. ******

उद्योजक, निर्यातदारांनी पंतप्रधान व मुख्यमंत्री रोजगारनिर्मिती कार्यक्रम योजनेतून नवउद्योग सुरु करावेत - जिल्हाधिकारी जितेंद्र पापळकर

हिंगोली (जिमाका), दि. 23 : जिल्ह्यातील सर्व उद्योजक, निर्यातदार यांनी उद्योग संचालनालयामार्फत राबविण्यात येणाऱ्या पंतप्रधान रोजगारनिर्मिती व मुख्यमंत्री रोजगारनिर्मिती कार्यक्रम योजनेच्या माध्यमातून नवउद्योग सुरु करावेत. तसेच 'एक जिल्हा एक उत्पादना'च्या माध्यमातून हळदीवर जास्तीत जास्त प्रक्रिया उद्योग सुरू करुन शेतकरी उत्पादक (फार्मर प्रोड्यूसर) कंपन्यांनी आणि उद्योजकांनी निर्यातक्षम उत्पादने तयार करावीत. जेणेकरुन हिंगोली जिल्ह्याचा निर्यात व्यापार वाढून हिंगोली जिल्हा हळदीचा एक्सपर्ट हब म्हणून विकसित व्हावा, असे आवाहन जिल्हाधिकारी जितेंद्र पापळकर यांनी केले. येथील जिल्हा उद्योग केंद्रामार्फत एमएसएमई क्षेत्रासंदर्भात राज्य आणि केंद्र शासनाची धोरणे आणि उपक्रम याबाबत जागरुकता वाढविण्यासाठी इगनाईट महाराष्ट्र-2024 (IGNITE MAHARASHTRA-2024) ची एकदिवशीय जिल्हा स्तरीय कार्यशाळा आज जिल्हा नियोजन समितीच्या सभागृहात जिल्हाधिकारी श्री. पापळकर यांच्या अध्यक्षतेखाली घेण्यात आली. या कार्यशाळेस नांदेड उपविभागीय कार्यालयाचे अमोल इंगळे, मैत्री कक्षाचे नोडल अधिकारी पी. बी. हजारे, निर्यात सल्लागार अमोल मोहिते, सीडबीच्या सहायक व्यवस्थापक श्रीमती क्षीतिजा बलखंडे, डाक कार्यालयाचे निरीक्षक संदीप लोखंडे, न्यू इंडिया इंन्श्युरंस कंपनीचे अनिल जाधव, डीजीएफटी नागपूरचे ध्रुव पारेख, उद्योग निरीक्षक आर. एल. आहेर, आपेडा पुणे, सीडबी, आय.डी.बी.आय. कॅपिटल यांच्या सहकार्याने निर्यातदार उद्योजक, औद्योगिक समूह, बँकर्स, फार्मर प्रोड्यूसर कपंनी इत्यादी उपस्थित होते. यावेळी मैत्री कक्षाचे नोडल अधिकारी पी. बी. हजारे यांनी शासनाकडून उद्योजकांसाठी पुरविण्यात येणाऱ्या परवान्याबाबत अंमलात आलेल्या नवीन कायद्याविषयी सविस्तर मार्गदर्शन केले. डीजीएफटीचे ध्रुव पारेख यांनी जिल्ह्यातील उद्योजकांना आयात-निर्यात प्रक्रियाबाबत सविस्तर मार्गदर्शन केले, सीडबीचे सहायक व्यवस्थापक क्षीतिजा बलखंडे यांनी सीडबीमार्फत पुरविण्यात येणाऱ्या वित्त पुरवठ्याबाबत मार्गदर्शन केले, विभागीय कार्यालय छत्रपती संभाजीनगरचे अमोल मोहिते यांनी जिल्ह्याचा एक्सपोर्ट अॅक्शन प्लॅन सादर केला. या कार्यशाळेचे प्रास्ताविक नांदेड उपविभागीय कार्यालयाचे अमोल इंगळे यांनी केले. कार्यक्रमाचे सुत्रसंचालन डॉ. विजयकुमार निलावार यांनी केले, तर जिल्हा उद्योग केंद्राचे महाव्यवस्थापक शोएब कादरी यांनी आभार प्रदर्शन केले. या कार्यशाळेस जिल्ह्यातील निर्यातदार औद्योगिक संघटनेचे ज्ञानेश्वर मामडे, प्रविण सोनी, नंदकिशोर तोष्णीवाल, औद्योगिक समुहाचे प्रतिनिधी, फार्मर प्रोड्यूसर कंपनीचे पदाधिकारी, नवउद्योजक, निर्यातदार उद्योजक, जिल्ह्यातील औद्योगिक समुहाचे प्रतिनिधी मोठ्या संख्येने उपस्थित होते. या कार्यशाळेच्या यशस्वीतेसाठी मिटकॉन हिंगोलीचे प्रकल्प अधिकारी सुभाष जाधव, खादी व ग्रामोद्योग अधिकारी भोसीकर, जिल्हा उद्योग केंद्राचे पि.व्ही. मेंढे, उद्योग निरीक्षक कु. सुदेशना सवराते, उद्योग निरीक्षक वर्षा बोरकर, महाराष्ट्र उघोजकता विकास केंद्राचे प्रकल्प अधिकारी सुधीर आठवले यांनी सहकार्य केले. ***