हिंगोली तालुक्यातील सर्वसाधारण प्रवर्गातील युवक-युवतींसाठी सोलार इन्स्टॉलेशनचे मोफत प्रशिक्षण

हिंगोली (जिमाका), दि. 24 : जिल्हा उद्योग केंद्र व महाराष्ट्र उद्योजकता विकास केंद्राच्या वतीने हिंगोली तालुक्यातील सर्वसाधारण प्रवर्गातील युवक व युवतीसाठी सोलार इन्स्टॉलेशनचे मोफत प्रशिक्षण कार्यक्रमाचे आयोजन करण्यात आले आहे. यासाठी उमेदवार हा किमान आठवी पास असावा, वय 18 ते 45 असावे. यासाठी आधार कार्ड, पासपोर्ट फोटो, टीसी, बँक पासबूक जमा करुन दि. 30 जुलै, 2024 पर्यंत आपली नाव नोंदणी करावी. नाव नोंदणीसाठी व अधिक माहितीसाठी सुभाष बोरकर, कार्यक्रम आयोजक, महाराष्ट्र उद्योजकता विकास केंद्र, द्वारा जिल्हा उद्योग केंद्र, एस-12, प्रशासकीय इमारत, जिल्हाधिकारी कार्यालय, हिंगोली येथे संपर्क साधावा, असे आवाहन जिल्हा उद्योग केंद्राचे महाव्यवस्थापक एस. के. कादरी, महाराष्ट्र उद्योजकता विकास केंद्राचे प्रकल्प अधिकारी सुधीर आठवले यांनी केले आहे. ********