भारतीय सशस्त्र सैन्यदलामध्ये अधिकारी पदाच्या पूर्व प्रशिक्षणाची मोफत सुवर्णसंधी, जिल्हा सैनिक कल्याण कार्यालयात 22 नोव्हेंबर रोजी मुलाखतीचे आयोजन

हिंगोली (जिमाका),दि. 31 : भारतीय सशस्त्र सैन्यदल, नौदल व वायुदलामध्ये अधिकारी पदावर भरती होण्यासाठी सर्व्हिस सिलेक्शन बोर्डाच्या परीक्षेची पूर्वतयारी करुन घेण्यासाठी नाशिक येथील नाशिक रोडच्या छात्रपूर्व प्रशिक्षण केंद्रामध्ये राज्य शासनातर्फे राज्यातील नवयुवक व नवयुवतींसाठी दि. 2 डिसेंबर ते 11 डिसेंबर, 2024 या कालावधीत एसएसबी कोर्स क्र. 59 आयोजित करण्यात येत आहे. या कोर्ससाठी प्रशिक्षणार्थीची निवास, भोजन आणि प्रशिक्षणाची निःशुल्क सोय करण्यात येणार आहे. हिंगोली जिल्ह्यातील इच्छुक उमेदवारांनी हिंगोली जिल्हा सैनिक कल्याण कार्यालयात दि. 22 नोव्हेंबर, 2024 रोजी मुलाखतीसाठी उपस्थित राहावे, असे आवाहन जिल्हा सैनिक कल्याण अधिकारी, हिंगोली यांनी केले आहे. मुलाखतीस येताना डिपार्टमेंट ऑफ सैनिक वेलफेअर पुणे (डीएसडब्ल्यू) यांच्या संकेतस्थळावर सर्च करुन त्यामधील एसएसबी-59 कोर्ससाठी (किंवा संबंधित जिल्हा सैनिक कल्याण कार्यालयाने प्रिंट दिलेल्या) प्रवेशपत्र व त्यासोबत असलेली परिशिष्टांची प्रिंट घेऊन व ते पूर्ण भरुन सोबत घेऊन यावेत. छात्रपूर्व प्रशिक्षण केंद्रामध्ये एसएसबी वर्गामध्ये प्रवेश मिळण्यासाठी खाली नमूद कोणतीही एक पात्रता आवश्यक आहे व त्यासंबंधीचे पात्रता प्रमाणपत्र प्रशिक्षण वर्गाला येतांना सोबत घेवून यावेत. उमेदवार हा कंम्बाईंड डिफेन्स सर्व्हिसेस एक्झामिनेशन (सीडीएसई-युपीएससी) अथवा नॅशनल डिफेंस ॲकडमी एक्झामिनेशन (एनडीए-युपीएससी) पास झालेली असावी व त्यासाठी सर्व्हिसेस सिलेक्शन बोर्ड मुलाखतीसाठी पात्र झालेले असावे. एनसीसी सी सर्टीफिकेट ए किंवा बी ग्रेडमध्ये पास झालेले असावेत. एनसीसी ग्रुप हेडक्वार्टरने एसएसबीसाठी शिफारस केलेली असावी. टेक्नीकल ग्रॅज्युएट कोर्ससाठी एसएसबी मुलाखतीसाठी कॉल लेटर असावे. विद्यापीठ प्रवेश प्रणाली (University Entry Scheme) साठी एसएसबी कॉल लेटर असावे किंवा एसएसबीसाठी शिफारस केलेल्या यादीत नाव असावे. अधिक माहितीसाठी प्रभारी अधिकारी, छात्रपूर्व प्रशिक्षण केंद्र, नाशिक रोड, नाशिक यांचा ईमेल आयडी : training.pctcnashik@gmail.com अथवा 0253-2451032 या दूरध्वनी क्रमांकावर अथवा 9156073306 या व्हॉटसअप क्रमांकावर कार्यालयीन वेळेत प्रत्यक्ष अथवा दूरध्वनीवर संपर्क साधावा, असे आवाहन जिल्हा सैनिक कल्याण अधिकारी, हिंगोली यांनी केले आहे. *****

निवडणूक खर्चाची प्रथम लेखे तपासणी 5 नोव्हेंबर रोजी

हिंगोली (जिमाका), दि 31 : हिंगोली जिल्ह्यातील 92-वसमत, 93-कळमनुरी व 94-हिंगोली विधानसभा मतदारसंघातून विधानसभा सार्वत्रिक निवडणूक लढविणाऱ्या सर्व उमेदवारांची प्रथम निवडणूक खर्च लेखे तपासणी निवडणूक खर्च निरीक्षक अर्जुन प्रधान यांच्या उपस्थितीत 5 नोव्हेंबर रोजी जिल्हाधिकारी कार्यालय, हिंगोली येथे दुपारी 12 वाजता होणार आहे. हिंगोली जिल्ह्यातील 92-वसमत, 93-कळमनुरी व 94-हिंगोली या तिन्ही विधानसभा मतदार संघातील अंतिम झालेले सर्व उमेदवार अथवा त्यांच्या अधिकृत खर्च प्रतिनिधींनी खर्चाच्या दैनंदिन हिशोबाची नोंदवही व खर्चाचे प्रमाणकासह प्रत्यक्ष उपस्थित राहून ही तपासणी करुन घेण्याचे आवाहन जिल्हा निवडणूक खर्च नियंत्रण समितीचे नोडल अधिकारी दिगंबर माडे यांनी खर्च सनियंत्रण कक्षातर्फे केले आहे. या लेखे तपासणीसाठी अनुपस्थित राहणाऱ्याविरुद्ध निवडणूक आयोगामार्फत लोकप्रतिनिधीत्व अधिनियम 1951 मधील बाब क्र. 77 (1) मधील तरतुदीनुसार कार्यवाही करण्यात येईल, असे प्रसिद्धीपत्रकाद्वारे निवडणूक खर्च सनियंत्रण कक्षातर्फे कळविण्यात आले आहे. *****

कमी आर्द्रता असलेले व एफएक्यू दर्जाचे सोयाबीनच खरेदी केंद्रावर विक्रीस आणावेत

हिंगोली, (जिमाका) दि. 31 : सोयाबीन आर्द्रता मोजण्यासाठी खरेदी केंद्रावर जे शेतकरी सोयाबीनचे नमुने घेऊन येतील त्यांना तात्काळ मॉईश्चर तपासून द्यावेत, असे आवाहन जिल्हा पणन अधिकारी यांनी सर्व खरेदी संस्थांना केले आहे. तसेच गावोगावी आपल्या कर्मचाऱ्यांना आर्द्रतामापक यंत्रासह पाठवून शेतकऱ्यांना प्रत्यक्ष सोयाबीन शेतमालाचे प्रात्यक्षिक दाखविण्यात यावे. तसेच 12 टक्के मॉईश्चर पेक्षा कमी आर्द्रता असलेले व एफएक्यू दर्जाचे सोयाबीनच खरेदी केंद्रावर विक्रीस आणावेत, यासाठी शेतकरी बांधवांना आवाहन करावेत. तसेच त्यांना सोबत माहितीपत्रकही वाटप करावेत, असे आवाहन सर्व खरेदी संस्थांना करण्यात आले आहे. *******

निवृत्तीवेतन धारकांनी हयातीचा दाखला सादर करण्यासाठी संबंधित बँकेशी संपर्क साधावा

हिंगोली, (जिमाका) दि. 31 : महाराष्ट्र कोषागार नियम, 1968 च्या नियम 335 नुसार निवृत्ती , कुटुंब निवृत्तीवेतन धारकांना दरवर्षी दि. 1 नोव्हेंबर रोजीचा हयातीचा दाखला सादर करणे आवश्यक आहे. सदर हयातीचा दाखला संबंधित निवृत्ती वेतन, कुटुंब निवृत्तीवेतन धारक ज्या बँकेतून निवृत्ती वेतन घेतात त्या बँकेमार्फत जिल्हा कोषागारात सादर केला जातो. तसेच राज्य शासनाच्या धोरणानुसार अधिकाधिक निवृत्ती वेतन, कुटुंब निवृत्तीवेतन धारकांनी जीवन प्रमाणपत्र प्रणालीमार्फत डिजिटल लाईफ सर्टिफिकेट देण्यात यावे. डिजिटल लाईफ सर्टिफिकेट देताना निवृत्ती वेतन, कुटुंब निवृत्तीवेतन धारकांनी बँक खाते, पीपीओ क्रमांक व Sanctioning Authority- State Government of Maharashtra, Disbursing Authority-Maharashtra State Treasury मध्ये Hingoli या कोषागाराचे नाव अचूक निवडावे. सर्व राज्य शासकीय निवृत्ती, कुटुंब निवृत्तीवेतन धारकांनी हयातीचा दाखला सादर करण्यासाठी संबंधितांच्या बँकेशी सपंर्क साधावा, असे आवाहन जिल्हा कोषागार अधिकारी, हिंगोली यांनी केले आहे. ******

जिल्हाधिकारी कार्यालयात सरदार वल्लभभाई पटेल आणि इंदिरा गांधी यांना अभिवादन

हिंगोली, (जिमाका) दि. 31 : सरदार वल्लभभाई पटेल यांची जयंती आणि इंदिरा गांधी यांची पुण्यतिथीनिमित्त आज त्यांच्या प्रतिमेस निवासी उपजिल्हाधिकारी अभिमन्यू बोधवड यांनी पुष्पहार अर्पण करुन अभिवादन केले. तसेच यावेळी राष्ट्रीय एकात्मता दिनानिमित्त सर्व अधिकारी, कर्मचाऱ्यांना एकात्मतेची शपथ देण्यात आली. येथील जिल्हाधिकारी कार्यालयातील सभागृहात आयोजित या कार्यक्रमास महसूल विभागाचे तहसीलदार आश्विनकुमार माने, नायब तहसीलदार संतोष बोथीकर यांच्यासह विविध विभागाचे विभाग प्रमुख व कर्मचारी यांनी सरदार वल्लभभाई पटेल आणि इंदिरा गांधी यांच्या प्रतिमेस पुष्प अर्पण करुन अभिवादन केले. ****

छाननीअंती जिल्ह्यात 187 नामनिर्देशन अर्ज पात्र • जिल्ह्यात 208 नामनिर्देशनपत्र दाखल तर 21 अपात्र

हिंगोली (जिमाका), दि. 29 : महाराष्ट्र विधानसभा सार्वत्रिक निवडणूक 2024 मध्ये आज छाननी अंती दाखल 208 नामनिर्देशन अर्जापैकी 187 अर्ज पात्र ठरले आहेत. तर 21 अर्ज अपात्र ठरले आहेत. याबाबतचा विधानसभा मतदार संघनिहाय पात्र उमेदवारांचा तपशील पुढीलप्रमाणे आहे. 92-वसमत विधानसभा मतदारसंघात आज 40 उमेदवारांची 63 नामनिर्देशन पत्रे पात्र ठरली आहेत. यामध्ये 1) बाळासाहेब नामदेव मगर (अपक्ष)-2 2) संभाजी सटवाजी सदावर्ते (अपक्ष) 3) मझहर महेबूब शेख (अपक्ष) 4) प्रभावती खंदारे (अपक्ष) 5) अशोक संभाजी गायकवाड (अपक्ष) 6) मुंजाजी सटवाजी बंडे (राष्ट्रीय समाज पक्ष) 7) गुरु पारदेश्वर शिवाचार्य महाराज (जनसुराज्य शक्ती)-3 8) शेख फरीद उर्फ मुनीर इसाक पटेल (अपक्ष)-3 9) प्रिती मनोज जयस्वाल (अपक्ष) (वंचित बहुजन आघाडी)-2 10) नागिंदर भिमराव लांडगे (बहुजन समाज पक्ष) 11) नाथराव तातेराव कदम (अपक्ष)-3 12) आलोक हनवंता इंगोले (अपक्ष) 13) तान्हाजी गंगाराम भोसले (अपक्ष-2) 14) मुंजाभाऊ विठ्ठलराव मगर (अपक्ष-2) 15) श्रीनाथ सदाशिव साखरे (अपक्ष) 16) सवंडकर नंदकुमार साहेबराव (अपक्ष)-2 17) गजानन भिमराव ढोबळे (अपक्ष) 18) प्रल्हाद रामराव राखोंडे (अपक्ष) 19) शामराव व्यंकटराव चव्हाण (अपक्ष) 20) तनपुरे मंगेश शिवाजी (अपक्ष) 21) अंकुश तातेराव आहेर (अपक्ष)-3 22) गायकवाड प्रकाश सुभाषराव (अपक्ष) 23) संदीप रमेश कदम (अपक्ष) 24) नंदु बापूराव घुटे (अपक्ष) 25) ॲड. रामजी गौतम कांबळे (अपक्ष) 26) श्रीमती उज्वलाताई विजयप्रकाश तांभाळे (अपक्ष)-2 27) चंद्रकांत रमाकांत नवघरे (राष्ट्रवादी काँग्रेस पार्टी अजित पवार-1 व अपक्ष-1) -2 28) चापके राजू उर्फ प्रभाकर दत्तराव (अपक्ष-3) 29) पुष्पक रमेशराव देशमुख (अपक्ष) 30) दांडेगावकर जयप्रकाश रावसाहेब साळुंके (अपक्ष-2 व राष्ट्रवादी काँग्रेस पार्टी शरदचंद्र पवार-2)-4 31) रामचंद्र नरहारी काळे (अपक्ष) 32) मिलींद राजकुमार यंबल (अपक्ष)-2 33) बांगर रामप्रसाद नारायण (अपक्ष) 34) विष्णु उत्तम जाधव (अपक्ष) 35) रघुनाथ सुभानजी सुर्यवंशी (अपक्ष)-2 36) कुऱ्हे नवनाथ (अपक्ष) 37) बाबूराव उर्फ बबन रामचंद्र दिपके (अपक्ष) 38) मारोती रामराव क्यातमवार (अपक्ष) 39) राजश्री नाथराव कदम (अपक्ष)-2 40) जगन्नाथ लिंबाजी अडकिणे (अपक्ष) 93-कळमनुरी विधानसभा मतदारसंघात आज 33 उमेदवारांची 52 नामनिर्देशन पत्रे पात्र ठरली आहेत. यामध्ये 1) अफजल शरीफ शेख (रिपब्लीकन सेना)-2 2) मेहराज अ. मस्तान शेख (ऑल इंडिया मजलीस ए इनक्लाब ए मिलात) 3) बालाजी नारायण वानखेडे (अपक्ष) 4) पठाण जुबेरखान जब्बारखान (अपक्ष) 5) संतोष टारफे (शिवसेना उध्दव बाळासाहेब ठाकरे)-4 6) सत्तार पठाण काशिम पठाण (अपक्ष) 7) उध्दव बाळासाहेब कदम (अपक्ष) 8) दिलीप तातेराव मस्के (वंचित बहुजन आघाडी)-3 9) जबेर एजाज शेख (अपक्ष) 10) ॲड. रामराव आत्माराव जुंबडे (अपक्ष) 11) संतुक दत्तराव कदम (अपक्ष)-3 12) प्रकाश विठ्ठलराव घुन्नर (अपक्ष) 13) मुश्ताक इसाक शेख (हिंदुस्तान जनता पार्टी) 14) अजित उत्तमराव मगर (अपक्ष)-2 15) रविंद्र गणपतराव थोरात (अपक्ष), 16) शिवाजीराव बाबूराव सवंडकर (महाराष्ट्र स्वराज्य पार्टी) 17) ॲड. मनेष मारोजी हनुमंते (अपक्ष) 18) देवजी गंगाराम आसोले (अपक्ष) 19) अजय भगवानराव सावंत (शिवसेना उध्दव बाळासाहेब ठाकरे)-2 20) संजय तुळशीराम लोंढे (अपक्ष) (राष्ट्रीय समाज पक्ष)-4 21) रफिउल्ला खाँ अफजलखाँ पठाण (अपक्ष) (जनतादल सेक्यूलर)-2 22) बुध्दभू्षण वसंत पाईकराव (अपक्ष)-2 23) जयदीप साहेबराव देशमुख (अपक्ष) 24) विजय माणिका बलखंडे (बसपा)-2 25) बाजीराव बाबूराव सवंडकर (अपक्ष)-2 26) संतोष लक्ष्मण टार्फे (अपक्ष) 27) शिवाजी बाबूराव संवडकर (राष्ट्रीय मराठा पार्टी) (अपक्ष)-2 28) संतोष लक्ष्मणराव बांगर (शिवसेना)-2 29) गोदावरी संतोषराव बांगर (अपक्ष) 30) नामदेव ग्यानोजी कल्याणकर (अपक्ष) 31) रविंद्र गणपतराव थोरात (अपक्ष) 32) सुनिता साजन निरगुडे (अपक्ष) 33) संतोष अंबादास टारफे (अपक्ष) 94-हिंगोली विधानसभा मतदारसंघात आज 55 उमेदवारांची 72 नामनिर्देशन पत्रे पात्र ठरली आहेत. यामध्ये 1) अब्दुल कदीर मस्तान सय्यद गोरेगावकर (अपक्ष)-3 2) सोपान शंकरराव पाटोडे (बसपा)-3 3) वैजनाथ कान्होजी पावडे (अपक्ष) 4) प्रितम अशोक सरकटे (अपक्ष) 5) अभिजीत दिलीप खंदारे (अपक्ष) 6) मुतवल्ली पठाण ऐतिक खान ताहेर खान (एमडीपी) 7) रमेश विठ्ठलराव शिंदे (अपक्ष)-3 8) उत्तम मारोती धाबे (अखंड हिंद पार्टी) 9) रवि रामदास जाधव (एबीजेपी) 10) विनायक श्रीराम भिसे (अपक्ष) 11) रुपालीताई राजेश पाटील (शिवसेना उध्दव बाळासाहेब ठाकरे)-3 12) मोईन कयूम शेख (अपक्ष) 13) गोविंद पांडूरंग वाव्हळ (अपक्ष) 14) पाटील भाऊराव बाबूराव (अपक्ष) 15) जावेद बाबू सय्यद (अपक्ष) 16) शांताबाई सुरेश शेळके (अपक्ष) 17) माधव बळीराम कोरडे (अपक्ष)-2 18) मालती माधव कोरडे (अपक्ष) 19) सतीश रामेश्वर शिंदे (अपक्ष) 20) सुवर्णा रमेश शिंदे (अपक्ष) 21) गजानन काशिराव हेंबाडे (अपक्ष) 22) विठ्ठल लिंबाजी मुटकुळे (अपक्ष) 23) डॉ. विठ्ठल नथुजी रोडगे (अपक्ष)-3 24) सुधीरअप्पा वैजनाथअप्पा सराफ (अपक्ष) 25) प्रकाश दत्तराव थोरात (वंचित बहुजन आघाडी) (अपक्ष)-2 26) मुक्तारोद्दीन अजिजोद्दीन शेख (अपक्ष) 27) गोविंदराव फुलाजीराव भवर (महाराष्ट्र राज्य समिती) 28) बद्रीनाथ संभाजी घोंगडे (अपक्ष) 29) लक्ष्मण सखारामजी पठाडे (अपक्ष) 30) एकनाथ अर्जूनराव शिंदे (अपक्ष) 31) माधव गंगाराम गाडे (अपक्ष) 32) गंगाधर माधवराव सरकटे (अपक्ष) 33) ॲड. अमोल माधवराव जाधव (अपक्ष) 34) सुरेश राजाराम शेळके (अपक्ष) 35) श्यामराव आनंदा जगताप (अपक्ष) 36) शेख बुऱ्हाण शेख मुन्नु प्यारेवाले (अपक्ष) 37) प्रमोद सखारामजी कुटे (मनसे)-2 38) ॲड. रामराव आत्माराम जुंबडे (अपक्ष) 39) गोविंदराव नामदेवराव घुटे (अपक्ष) 40) बबन पांडूरंग गलांडे (अपक्ष) 41) पंजाब नारायण हराळ (राष्ट्रीय समाज पक्ष) 42) सुनिल दशरथ इंगोले (भिमसेना) 43) दीपक धनराज धुरिया (बीजेएसपी) 44) शिवाजी लोडजी बल्लाळ (अपक्ष) 45) साहेबराव किशनराव सिरसाठ (बसपा) 46) अंबादास सुखाजी गाडे (अपक्ष)-2 47) सत्तार पठाण कासिम पठाण (अपक्ष) 48) तान्हाजी सखारामजी मुटकुळे (बीजेपी)-4 49) विमलकुमार सुभाषचंद्र शर्मा (अपक्ष) 50) शिवशंकर शेषेराव वाबळे (अपक्ष) 51) सर्जेराव निवृत्ती खंदारे (ऑल इंडिया हिंदूस्तान काँग्रेस पार्टी) 52) अशोक धोंडबा कांबळे (अपक्ष) 53) आनंद राजाराम धुळे (अपक्ष) 54) रामदास शिवराज पाटील (अपक्ष) 55) सुनिता साजन निरगुडे (अपक्ष) *******

निवडणूक निरीक्षकांच्या उपस्थितीत मतदानासाठी नियुक्त कर्मचाऱ्यांची सरमिसळ प्रक्रिया पूर्ण

हिंगोली (जिमाका), दि. 30 : विधानसभा निवडणुकीकरिता जिल्ह्यातील तिन्ही विधानसभा मतदार संघातील मतदान केंद्रावर वितरीत करावयाच्या मतदान प्रक्रियेत नियुक्त अधिकारी-कर्मचारी (पोलींग पार्टी) यांची आज निवडणूक निरीक्षक श्रीमती वंदना राव यांच्या उपस्थितीत सरमिसळीकरणाची प्रक्रिया पार पडली. यावेळी निवडणूक निरीक्षक (पोलीस) डॉ. राकेशकुमार बन्सल, जिल्हाधिकारी तथा जिल्हा निवडणूक अधिकारी अभिनव गोयल, पोलीस अधीक्षक श्रीकृष्ण कोकाटे, उपजिल्हा निवडणूक अधिकारी रामेश्वर रोडगे, जिल्हा सूचना व विज्ञान अधिकारी अब्दुल बारी उपस्थित होते. जिल्हाधिकारी कार्यालयाच्या राष्ट्रीय सूचना केंद्रात ही सरमिसळ प्रक्रिया संगणक प्रणालीद्वारे पूर्ण करण्यात आली. यातून मतदानाच्या ठिकाणी अधिकारी-कर्मचारी व तो नियुक्त होत असलेल्या मतदारसंघात जाणार, हे निश्चित करण्यात आले. यानंतर शेवटची सरमिसळीकरणाची प्रक्रिया ही मतदानाच्या आदल्या दिवशी म्हणजे 19 नोव्हेंबर 2024 रोजी करण्यात येणार आहे. तसेच यापुढे कोणत्याही निवडणूक कामी नियुक्त कर्मचाऱ्यास निवडणूक प्रक्रियेतून वगळणे अथवा ड्युटी रद्द करण्यात येणार नसल्याचे जिल्हाधिकारी तथा जिल्हा निवडणूक अधिकारी अभिनव गोयल यांनी सांगितले. भारत निवडणूक आयोगातर्फे विकसित संगणक प्रणालीमध्ये हिंगोली जिल्ह्यातील 92-वसमत, 93-कळमनुरी व 94-हिंगोली विधानसभा मतदारसंघातील विधानसभा मतदारसंघनिहाय निवडणूक कामी नियुक्त करण्यात आलेल्या अधिकारी-कर्मचारी यांना पाठविण्यात येते. *****

निवडणूक निरीक्षक श्रीमती वंदना राव, डॉ. राकेशकुमार बन्सल यांची माध्यम प्रमाणीकरण व संनियंत्रण समिती कक्षाला भेट

हिंगोली (जिमाका), दि. 30 : विधानसभा सार्वत्रिक निवडणूक-2024 च्या अनुषंगाने हिंगोली जिल्ह्यातील 92-वसमत, 93-कळमनुरी व 94-हिंगोली विधानसभा मतदारसंघाचे निवडणूक निरीक्षक (सामान्य) श्रीमती वंदना राव आणि निवडणूक निरीक्षक (पोलीस) डॉ. राकेशकुमार बन्सल यांनी आज जिल्हा माहिती कार्यालयात स्थापन जिल्हा माध्यम प्रमाणीकरण आणि संनियंत्रण समिती कक्षाला भेट देत पाहणी केली. जिल्हाधिकारी तथा जिल्हा निवडणूक अधिकारी अभिनव गोयल, पोलीस अधीक्षक श्रीकृष्ण कोकाटे, उप जिल्हा निवडणूक अधिकारी रामेश्वर रोडगे, निवडणूक निरीक्षकांचे संपर्क अधिकारी पुष्पा पवार, गणेश वाघ, गजानन बोराटे, जिल्हा माध्यम व प्रमाणन सनियंत्रण समितीचे सदस्य सचिव तथा जिल्हा माहिती अधिकारी प्रभाकर बारहाते, समितीचे सदस्य प्राचार्य सुरेश कोल्हे, सहायक माहिती अधिकारी चंद्रकांत कारभारी, जिल्हा विस्तार व माध्यम अधिकारी मारोतराव पोले, माध्यम कक्षातील आशाताई बंडगर, कैलास लांडगे आदी यावेळी उपस्थित होते. निवडणूक‍ निरीक्षक (सामान्य) श्रीमती वंदना राव यांनी माध्यम प्रमाणीकरण आणि संनियंत्रण समितीच्या राजकीय जाहिरातींचे प्रमाणीकरण, वृत्तवाहिन्यांवरील जाहिरातींचे संनियंत्रण, पेड न्यूजवर लक्ष ठेवणे, निवडणूक आचारसंहिता कालावधीत समाज माध्यमांमध्ये येणारे वृत्त वाचन करुन जिल्हा निवडणूक निर्णय अधिकारी यांच्या ते निदर्शनास आणून देणे, पेड न्यूजचे अहवाल, माध्यमांना निवडणुकीसंदर्भातील माहिती वेळेत उपलब्ध करुन देणे आदी बाबींची माहिती घेतली. यावेळी प्रसारमाध्यमांना निवडणूकविषयक विविध आढावा बैठकांचे वृत्त, पत्रकार परिषदांचे आयोजन, वृत्तपत्रांतील वृत्ताचे संकलन करून त्यावर आवश्यक कार्यवाही करणे, निवडणूकविषयक बातम्यांबाबत अहवाल तयार करून तो भारत निवडणूक आयोग व राज्य निवडणूक आयोगाला सादर करणे याबाबतची माहिती पथकप्रमुख तथा जिल्हा माहिती अधिकारी प्रभाकर बारहाते यांनी निवडणूक निरीक्षकांना दिली. जिल्हा संपर्क केंद्र व तक्रार निवारण कक्षाला भेट निवडणूक निरीक्षक (सामान्य) श्रीमती वंदना राव यांनी जिल्हा संपर्क केंद्र व तक्रार निवारण कक्षाला भेट देऊन पाहणी केली. पथक प्रमुख ग. गो. चिथळे यांनी जिल्हा संपर्क केंद्र व तक्रार निवारण कक्षाकडे 1950 हा निशुल्क दूरध्वनी क्रमांक आहेत. हे संपर्क व तक्रार निवारण केंद्र निवडणूक कालावधीमध्ये 24X7 सुरु असून, तक्रार निवारण कक्षातील कार्यान्वित 1950 या निशुल्क क्रमांकावर येणाऱ्या कॉल्सची तात्काळ दखल घेत कार्यवाही करण्यात येत असल्याची माहिती दिली. निवडणूक निरीक्षक (सामान्य) श्रीमती वंदना राव व निवडणूक निरीक्षक (पोलीस) डॉ.राकेशकुमार बन्सल यांनी येथील कामकाजाबाबत समाधान व्यक्त करत निवडणूक कालावधीत या कक्षाने अधिक सक्रियपणे काम करण्याच्या सूचना दिल्या. ******

विधानसभा सार्वत्रिक निवडणूक भयमुक्त आणि शांततेत पार पाडण्यासाठी सर्वांनी एकत्रित काम करा - निवडणूक निरीक्षक श्रीमती वंदना राव

• समाज माध्यमांवर विशेष लक्ष ठेवण्याचे निर्देश-निवडणूक निरीक्षक (पोलीस) डॉ.राकेशकुमार हिंगोली (जिमाका), दि 30 : भारत निवडणूक आयोगाच्या निर्देशानुसार हिंगोली जिल्ह्यातील 92-वसमत, 93-कळमनुरी व 94-हिंगोली विधानसभा मतदार संघातील सर्व यंत्रणा निवडणूक कामासाठी सज्ज झाली असून, हिंगोली जिल्ह्यातील तिन्ही विधानसभा मतदारसंघातील संपूर्ण यंत्रणेने चांगले नियोजन केले आहे. यापुढील काळातही निवडणूक भयमुक्त आणि शांततेत पार पाडण्यासाठी सर्वांनी एकत्रित काम करण्याचे निर्देश निवडणूक निरीक्षक (सामान्य) श्रीमती वंदना राव यांनी आज येथे दिले. जिल्हाधिकारी कार्यालयातील नियोजन समितीच्या सभागृहात आज निवडणूक निरीक्षक (सामान्य) श्रीमती वंदना राव यांच्या अध्यक्षतेखाली हिंगोली जिल्ह्यातील तिन्ही विधानसभा मतदारसंघाच्या आढावा बैठकीचे आयोजन करण्यात आले होते. यावेळी पोलीस निवडणूक निरीक्षक डॉ.राकेशकुमार बन्सल, जिल्हाधिकारी तथा जिल्हा निवडणूक अधिकारी अभिनव गोयल, पोलीस अधीक्षक श्रीकृष्ण कोकाटे, अपर जिल्हाधिकारी खुशालसिंह परदेशी, निवासी उप जिल्हाधिकारी अभिमन्यू बोधवड, उपजिल्हा निवडणूक अधिकारी रामेश्वर रोडगे, उपजिल्हाधिकारी (भूसंपादन) मंजुष मुथा यावेळी उपस्थित होते. यावेळी जिल्हाधिकारी अभिनव गोयल यांनी मतदारसंघाच्या निवडणूक तयारीचे सादरीकरण केले. याशिवाय जिल्हा पोलीस अधीक्षक श्रीकृष्ण कोकाटे यांच्यासह विभाग प्रमुखांनी सादरीकरण केले. हिंगोली जिल्ह्यातील तिन्ही विधानसभा मतदारसंघातील मतदान केंद्रांना भेटी देत तपासणी केल्याचे सांगून श्रीमती वंदना राव म्हणाल्या की, येथील मतदान केंद्रांवर मतदारांना मतदानाच्या दिवशी सर्व आवश्यक त्या सोयीसुविधा उपलब्ध करून द्याव्यात. यामध्ये शुद्ध पिण्याच्या पाण्याची सुविधा, स्वच्छतागृह, पुरेसा विद्युत पुरवठा, रॅम्प, दिव्यांगांसाठी व्हीलचेअर, त्यांना ने-आण करण्यासाठी वाहतुकीची सुविधा उपलब्ध करून देत प्रत्येक मतदान केंद्रावर मतदानाची टक्केवारी वाढविण्यासाठी समाज माध्यमासह स्वीपच्या माध्यमातून जनजागृती करावी. तसेच मतदानाच्या दिवशी घरातील प्रत्येक मतदार मतदानासाठी केंद्रावर येईल, याकडे यंत्रणेने विशेष लक्ष देण्याच्या सूचनाही त्यांनी यावेळी केल्या. जिल्ह्यामध्ये कायदा व सुव्यवस्था परिस्थिती कठोरपणे हाताळा आणि कोणत्याही परिस्थितीत आदर्श आचारसंहितेचे उल्लंघन होणार नाही, याची काळजी घेण्याचे निर्देश त्यांनी दिले. यासाठी पोलीस प्रशासन व स्थानिक प्रशासनाने निवडणूक काळात संवेदनशीलतेने समन्वय ठेवण्याचे आवाहन त्यांनी केले. विधानसभा मतदारसंघात नेमलेल्या पथक प्रमुखांनी आचारसंहिता भंगाच्या घटनावर विशेष लक्ष द्यावे. कमी मतदान होणाऱ्या मतदान केंद्रावर विशेष लक्ष देऊन मतदारांना घराबाहेर काढण्यासाठी विशेष जनजागृती मोहिम राबवावी. जास्तीत जास्त मतदारांकडून मतदान करून मतदानाची टक्केवारी वाढवावी. मतदानासाठी आवश्यक असलेल्या 12 ओळखपत्रांबाबत विविध माध्यमातून मतदारांमध्ये जनजागृती करावी. हिंगोली जिल्ह्यातील विधानसभा मतदारसंघ ग्रामीणमध्ये येत असल्यामुळे जास्त मेहनत घेऊन सर्व मतदार याद्या, मतचिठ्ठ्यांचे वाटप वेळेत पूर्ण करा. मतदारांचे नाव, मतदान केंद्र क्रमांकांबाबत माहिती द्यावी तसेच योग्य समन्वयातून निवडणूक प्रक्रिया यशस्वीरित्या पार पाडावी, अशा सूचनाही श्रीमती राव यांनी दिल्या. पोलीस निवडणूक निरीक्षक डॉ.राकेशकुमार बन्सल यांनी यावेळी स्ट्रॉंग रूमच्या सुरक्षा व्यवस्थेपासून तपासणी पथकाच्या तत्परतेबाबत आढावा घेतला. सर्व वरिष्ठ अधिकारी निवडणुकीच्या काळात कार्यरत असून, सर्वांनी या काळात कोणताही अनुचित प्रकार घडणार नाही, यासाठी सर्व त्या प्रतिबंधात्मक उपाययोजना कराव्यात व योग्य समन्वय राखत काम करावे. भारत निवडणूक आयोगाच्या निर्देशाप्रमाणे प्रत्यक्ष क्षेत्रीय स्तरावर तितक्याच जोमाने आणि अचूकपणे कार्यरत राहावे. या निवडणूक प्रक्रियेत कोणावरही कार्यवाहीची वेळ येणार नाही यासाठी निवडणुकीसाठी नियुक्त सर्व कर्मचाऱ्यांना प्रशिक्षण द्यावेत. सर्वांनी चांगली तयारी केली असली तरी निवडणूक काळात निर्भय व निपक्षपणे निवडणुका होण्यासाठी काम करावे. सर्व पथक प्रमुख निवडणूक यशस्वीरित्या पार पाडण्यासाठी कार्यरत झाले असून, त्यांनी सक्रीय राहून आपले कर्तव्य पार पाडावेत. या कामात हयगय होणार नाही याची खबरदारी घ्यावी. निवडणूक काळात समाजमाध्यमांच्या माध्यमातून मतदारांमध्ये जनजागृती करणे तसेच उमेदवारांच्या समाज माध्यमांवरील पोस्ट, फोटो, व्हिडीओवर विशेष लक्ष ठेवावेत. तसेच समाज माध्यमांवर जाती-धर्मात, समाजा-समाजात तेढ निर्माण करणाऱ्यांवर विशेष लक्ष ठेवण्याचे निर्देश डॉ. राकेशकुमार बन्सल यांनी दिले. यावेळी विधानसभा निवडणुकीसाठी नियुक्त निवडणूक निर्णय कक्ष, स्वीप, प्रशिक्षण व व्यवस्थापन, आचारसंहिता, कायदा व सुव्यवस्था, ईव्हीएम कक्ष, मतदान, मीडिया, माहिती व्यवस्थापन तक्रार निवारण कक्ष, सी-व्हीजील, वाहतूक व संपर्क व्यवस्था, सुरक्षा व्यवस्था, तसेच हिंगोली जिल्ह्यातील तिन्ही विधानसभा मतदारसंघातील निवडणूक निर्णय अधिकारी यांच्याकडून माहिती जाणून घेतली. या बैठकीस सर्व जिल्हास्तरीय पथक प्रमुख, सर्व निवडणूक निर्णय अधिकारी, सर्व कार्यालय प्रमुख मोठ्या संख्येने उपस्थित होते. *****

निवडणूक निरीक्षक आज घेणार यंत्रणेचा आढावा

हिंगोली, दि.२९ (जिमाका): जिल्ह्यात विधानसभा सार्वत्रिक निवडणुकीची आदर्श आचारसंहिता सुरु झाली असून, इच्छुकांकडून उमेदवारी अर्जही दाखल करण्यात आले आहेत. त्यामुळे या काळात निवडणूक यंत्रणेतील सर्व पथक प्रमुखांकडून उद्या बुधवार (दि.३०) रोजी तीनही निवडणूक निरीक्षक बैठकीत कामकाजाचा आढावा घेणार आहेत. या आढावा बैठकीला जिल्ह्यातील सर्व पथक प्रमुखांनी अद्ययावत माहितीसह उपस्थित राहण्याच्या सूचना जिल्हाधिकारी तथा जिल्हा निवडणूक अधिकारी अभिनव गोयल यांनी दिल्या आहेत. जिल्ह्यात 92- वसमत, 93- कळमनुरी व 94- हिंगोली विधानसभा मतदारसंघाची सार्वत्रिक निवडणूक-2024 ची आचारसंहिता सुरु आहे. भारत निवडणूक आयोगाचा विधानसभा सार्वत्रिक निवडणूक-2024 चा कार्यक्रम नुकताच जाहीर झाला असून, त्याअनुषंगाने निवडणूक निरीक्षक श्रीमती वंदना राव, अर्जुन प्रधान आणि डॉ. राकेशकुमार बन्सल यांच्या अध्यक्षतेखाली विधानसभा सार्वत्रिक निवडणूक-2024 विषयक कामकाजाच्या अनुषंगाने आढावा बैठक दुपारी ४ वाजता जिल्हा नियोजन समिती सभागृह हिंगोली येथे आयोजित करण्यात आली आहे. सदर आढावा बैठकीमध्ये निवडणूक निरीक्षक (सामान्य/खर्च/पोलीस) यांच्याकडून निवडणूकविषयक बाबींचा सविस्तर आढावा घेण्यात येणार असल्याचे उपजिल्हा निवडणूक अधिकारी रामेश्वर रोडगे यांनी प्रसिद्धीपत्रकाव्दारे कळविले आहे. ***

नामनिर्देशन अर्जाची आज होणार छाननी

• जिल्ह्यात बुधवारी 124 नामनिर्देशनपत्र दाखल तर 43 अर्जांची उचल • वसमत येथे 41, कळमनुरी येथे 32, हिंगोली येथे 51 हिंगोली (जिमाका), दि. 29 : महाराष्ट्र विधानसभा सार्वत्रिक निवडणूक 2024 मध्ये आज (बुधवारी) शेवटच्या दिवशी जिल्ह्यातील तिन्ही विधानसभा मतदार संघात एकूण 124 नामनिर्देशनपत्रे दाखल केली आहेत. तर 30 इच्छुकांनी 43 अर्जांची उचल केली असल्याचे जिल्हा निवडणूक अधिकारी अभिनव गोयल यांनी सांगितले. आज नामनिर्देशन प्रकियेच्या शेवटच्या दिवशी 92-वसमत विधानसभा मतदार संघात 13 इच्छूक उमेदवारांनी 18 अर्ज, 94-कळमनुरी विधानसभा मतदार संघात 9 इच्छूक उमेदवारांनी 12 अर्ज व 94-हिंगोली विधानसभा मतदारसंघात 8 इच्छूक उमेदवारांकडून 13 अर्ज असे जिल्ह्यात एकूण 30 इच्छुकांकडून 43 अर्जांची उचल करण्यात आली. 92-वसमत विधानसभा मतदारसंघात आज 32 उमेदवारांची 41 नामनिर्देशन पत्रे प्राप्त झाली आहेत. यामध्ये 1) राजू उर्फ प्रभाकर दत्तराव चापके (अपक्ष)-2, 2) चंद्रकांत रमाकांत नवघरे (राष्ट्रवादी काँग्रेस पार्टी)-1 व अपक्ष-1 असे 2- अर्ज, 3) उज्वलाताई विजयप्रकाश तांभाळे (अपक्ष)-1 व (भाजपा)-1 असे 2 अर्ज, 4) ॲड. रामजी गौतम कांबळे (अपक्ष)-1, 5) नंदू बापूराव घुटे (अपक्ष)-1, 6) संदीप रमेश कदम (अपक्ष)-1, 7) गायकवाड प्रकाश सुभाषराव (अपक्ष)-1, 8) अंकुश तातेराव आहेर (अपक्ष)-2, 9) तनपुरे मंगेश शिवाजी (अपक्ष)-1, 10) खोब्राजी कांबळे (अपक्ष)-1, 11) श्यामराव व्यंकटराव चव्हाण (अपक्ष)-1, 12) प्रल्हाद रामराव राखोंडे (अपक्ष)-1, 13) गजानन भिमराव ढोबळे (अपक्ष)-1, 14) सवंडकर नंदकुमार साहेबराव (अपक्ष)-2, 15) मुंजाभाऊ विठ्ठलराव मगर (अपक्ष)-2, 16) श्रीनाथ सदाशिव साखरे (अपक्ष)-1, 17) उत्तम रावण एंगडे (अपक्ष)-1, 18) तान्हाजी गंगाराम भोसले (अपक्ष)-2, 19) आलोक हनवंता इंगोले (अपक्ष)-1, 20) नाथनाव तातेराव कदम (अपक्ष)-1, 21) नागिंदर भिमराव लांडगे (बहुजन समाज पक्ष)-1, 22) प्रिती मनोज जयसवाल (अपक्ष)-1, 23) शेख फरीद उर्फ मुनीर इसाक पटेल (अपक्ष)-2, 24) गुरु पारदेश्वर शिवाचार्य महाराज (अपक्ष)-1, 25) मुंजाजी सटवाजी बेंडे (राष्ट्रीय समाज पक्ष)-1, 26) अशोक संभाजी गायकवाड (अपक्ष)-1, 27) दिगांबर गुणाजी नाईकवाडे (अपक्ष)-1, 28) प्रभावती खंदारे (अपक्ष)-1, 29) ऋषीकेश ज्ञानेश्वर बर्वे (अपक्ष)-1, 30) मझहर महेबूब शेख (समाजवादी पक्ष)-1 व अपक्ष-1 असे 2 अर्ज, 31) संभाजी सटवाजी सदावर्ते (अपक्ष)-1 आणि 32) बाळासाहेब नामदेव मगर (अपक्ष)-1 अशा 32 इच्छूक उमेदवारांनी 41 नामनिर्देशपत्र दाखल केली आहेत. 93-कळमनुरी विधानसभा मतदार संघात आज 32 नामनिर्देशन पत्र प्राप्त झाली आहेत. तर आतापर्यंत 56 नामनिर्देशन पत्र प्राप्त झाली आहेत. यामध्ये 1) संतोष लक्ष्मणराव बांगर (शिवसेना)-2, 2) विजय माणिका बलखंडे (बहुजन समाज पक्ष)-2, 3) दिलीप तातेराव मस्के (वंचित बहुजन आघाडी)-4, 4) बुध्दभूषण वसंत पाईकराव (अपक्ष)-3, 5) संतोष अंबादास टार्फे (अपक्ष)-1, 6) रफीउल्लाखाँ अफजलखाँ पठाण (जनता दल से.)-1 व अपक्ष-1 असे 2 अर्ज, 7) सुनिता सजन निरगुडे (अपक्ष)-1, 8) शिवाजी बाबूराव सवंडकर (महाराष्ट्र स्वराज्य पक्ष)-1, अपक्ष-2 असे 3 अर्ज, 9) रविंद्र गणपतराव थोरात (अपक्ष)-2, 10) नामदेवराव ग्यानोजी कल्याणकर (अपक्ष)-1, 11) अजित उत्तमराव मगर (अपक्ष)-2, 12) संतोष टारफे (शिवसेना उध्दव बाळासाहेब ठाकरे)-4, 13) गोदावरी संतोषराव बांगर (अपक्ष)-1, 14) बाजीराव बाबुराव सवंडकर (अपक्ष)-2, 15) संतुक दत्तराव कदम (अपक्ष)-3, 16) संजय तुळशीराम लोंढे (अपक्ष)-4, 17) संतोष लक्ष्मण टार्फे (अपक्ष)-1, 18) जयदिप साहेबराव देशमुख (अपक्ष)-1, 19) अजय भगवानराव सावंत (शिवसेना उध्दव बाळासाहेब ठाकरे)-2, 20) देवजी गंगाराम आसोले (अपक्ष)-1, 21) ॲड. मनेश मारोती हनुमंते (अपक्ष)-1, 22) मुश्ताक इसाक शेख (हिंदुस्तान जनता पार्टी)-1, 23) प्रकाश विठ्ठलराव घुन्नर (अपक्ष)-1, 24) ॲड. रामराव आत्माराम जुंबडे (अपक्ष)-1, 25) अफजल शरीफ शेख (रिपब्लीकन सेना)-2, 26) जाबेर एजाज शेख (अपक्ष)-1, 27) उध्दव बालासाहेब कदम (अपक्ष)-1, 28) सत्तार पठाण कासिम पठाण (अपक्ष)-1, 29) मेहराज अ. शे. मस्तान शे. (ऑल इंडिया मजलिस ए इन्कलाब ए मिल्लाद)-1 व 1 अपक्ष असे 2 अर्ज, 30) पठाण जुबेर खान जब्बार खान (अपक्ष)-1, 31) बालाजी नारायणराव वानखेडे (अपक्ष)-1, 32) शेख एजाज शेख नुरमियाँ (अपक्ष)-1 अशा 32 इच्छुक उमेदवारांनी 56 नामनिर्देशन दाखल केले आहेत. 94-हिंगोली विधानसभा मतदार संघात 40 इच्छुक उमेदवारांनी 51 नामनिर्देशन दाखल केले आहेत. यामध्ये 1) बबन पांडूरंग गलांडे (अपक्ष)-1, 2) गोविंदराव नामदेव गुठे (अपक्ष)-1, 3) ॲड. रामराव आत्माराम जुमडे (अपक्ष)-1, 4) रुपालीताई राजेश पाटील (शिवसेना उध्दव बाळासाहेब ठाकरे)-3, 5) प्रमोद सखारामजी कुटे (महाराष्ट्र नवनिर्माण सेना)-1, 6) शे. बुऱ्हाण शे. मुन्नु प्यारेवाले (अपक्ष)-1, 7) श्यामराव आनंदराव जगताप (भारतीय राष्ट्रीय काँग्रेस व अपक्ष)-2, 8) सुरेश राजाराम शेळके (अपक्ष)-1, 9) ॲड. अमोल माधवराव जाधव (अपक्ष)-1, 10) गंगाधर माधवराव सरकटे (अपक्ष)-1, 11) माधव गंगाराम गाडे (अपक्ष)-1, 12) एकनाथ अर्जुनराव शिंदे (अपक्ष)-1, 13) लक्ष्मण सखारामजी पठाडे (अपक्ष)-1, 14) बद्रीनाथ संभाजी घोंगडे (अपक्ष)-1, 15) प्रकाश दत्तराव थोरात (अपक्ष व वंचित बहुजन आघाडी)-2, 16) गोविंदराव फुलाजी भवर (महाराष्ट्र राज्य समिती) -1, 17) मुख्तारोद्दीन आजिजोद्दीन शेख (अपक्ष)-1, 18) सुधीरअप्पा वैजनाथअप्पा सराफ (अपक्ष व इंडियन नॅशनल काँग्रेस)-2, 19) डॉ. विठ्ठल नथुजी रोडगे (अपक्ष)-1, 20) विठ्ठल लिंबाजी मुटकुळे (अपक्ष)-1, 21) गजानन काशिराम हेंबाडे (अपक्ष)-1, 22) सुवर्णा रमेश शिंदे (अपक्ष)-1, 23) रमेश विठ्ठल शिंदे (अपक्ष)-2, 24) सतीश रामेश्वर शिंदे (अपक्ष)-1, 25) मालती माधवराव कोरडे (अपक्ष)-1, 26) माधव बळीराम कोरडे (अपक्ष)-1, 27) शांताबाई सुरेश शेळके (अपक्ष)-1, 28) जावेद बाबू सय्यद (वंचित बहुजन आघाडी)-1, 29) पाटील भाऊराव बाबूराव (अपक्ष)-1, 30) गोविंद पांडूरंग वाव्हळ (अपक्ष)-1, 31) मोईन खयुम शेख (अपक्ष)-1, 32) विनायक श्रीराम भिसे (अपक्ष)-1, 33) रवि रामदास जाधव (अभिनव भारत जनसेवा पक्ष)-1, 34) उत्तम मारोती धाबे (अखंड हिंद पार्टी)-1, 35) मुतावल्ली पठाण अतिक खान ताहेर खान (अपक्ष व मायनॉरिटी डेमोक्रेटीक पार्टी)-2, 36) अभिजीत दिलीप खंदारे (अपक्ष)-1, 37) प्रितम अशोक सरकटे (अपक्ष)-1, 38) वैजनाथ काम्होजी पावडे (अपक्ष)-1, 39) सोपान शंकरराव पाटोडे (बहुजन भारत पार्टी)-3 आणि अ. कदीर मस्तान सय्यद (अपक्ष)-3 असे एकूण 40 उमेदवारांनी 51 नामनिर्देशनपत्र दाखल केले आहेत. आतापर्यंत 55 इच्छुक 81 नामनिर्देशन पत्र दाखल केली आहेत. मंगळवार (दि.22) पासून राज्यात निवडणुकीची अधिसूचना प्रसिद्ध झाली असून, मंगळवारी पहिल्या दिवशी 153 अर्जांची विक्री झाली. दुसऱ्या दिवशी बुधवारी 123, तिसऱ्या दिवशी गुरुवारी 58 अर्ज, चौथ्या दिवशी शुक्रवारी 92 अर्ज आणि पाचव्या दिवशी सोमवारी 115 अर्ज तर आज शेवटच्या दिवशी मंगळवारी 30 इच्छुकांकडून 43 अर्जांची विक्री झाली आहे. अशा सहा दिवसात जिल्ह्यात 584 अर्जांची विक्री झाली असल्याची माहिती जिल्हा निवडणूक अधिकारी तथा जिल्हाधिकारी अभिनव गोयल यांनी सांगितले आहे. उद्या बुधवार, दि. 30 ऑक्टोबर रोजी नामनिर्देशनपत्रांची छाननी करण्यात येणार आहे. तर 4 नोव्हेंबर 2024 रोजी उमेदवारी अर्ज मागे घेण्याचा शेवटचा दिवस आहे. ********

सावधान ! उमेदवारांच्या सोशल मिडीया खात्यांची तपासणी होणार

* कोणत्याही परिस्थितीत आचारसंहितेचा भंग होऊ देऊ नका * आक्षेपार्ह पोस्टस, फेकन्यूज, अफवा पसरविणाऱ्यांवर करडी नजर हिंगोली (जिमाका), दि. 29 : विधानसभा सार्वत्रिक निवडणुकीला गती आली असून आता उद्या 30 ऑक्टोबर रोजी छाननी व 4 नोव्हेंबरपर्यंत अर्ज परत घेतले जाणार आहेत. या उमेदवारांना अर्ज दाखल करताना ते वापर करत असलेल्या समाज माध्यमाचा तपशील या नामनिर्देशन पत्रामध्ये नमूद करणे आवश्यक आहे. या सर्व समाज माध्यमांची दररोज तपासणी एमसीएमसीच्या समाज माध्यम शाखेकडून होणार आहे. त्यामुळे उमेदवारांनी आचारसंहितेचा भंग होणार नाही, याची काळजी घेण्याचे आवाहन जिल्हाधिकारी तथा जिल्हा निवडणूक अधिकारी अभिनव गोयल यांनी केले आहे. विधानसभा सार्वत्रिक निवडणुकीत एकदा उमेदवार निश्चित झाल्यानंतर उमेदवारांची जबाबदारी वाढणार आहे. भारत निवडणूक आयोगाने खर्च, प्रसिद्धी, प्रचार, सभा, रॅली, प्रचाराचा कालावधी, वृत्तपत्रात द्यावयाच्या जाहिराती, समाज माध्यमांवरील जाहिराती तसेच आदर्श आचारसंहितेचे पालन करण्याबाबत कडक नियम केले आहेत. जिल्ह्यामध्ये या नियामांची प्रभावी अंमलबजावणी होत आहे. त्यामुळे अन्य बाबींप्रमाणेच आपले सोशल मिडिया हॅन्डल ज्यामध्ये फेसबूक, टिव्टर, इन्स्ट्राग्राम, युट्यूब, व्हॉटसॲप या सर्व खात्यांना हाताळतांना अतिशय जबाबदार लोकांची नेमणूक करावी, असे आवाहन करण्यात आले आहे. जिल्ह्यामध्ये मोठ्या प्रमाणात उमेदवार विधानसभा निवडणुकीत सहभागी होण्याची शक्यता आहे. या पार्श्वभूमीवर यासंदर्भातील प्रशासनाचे आवाहन महत्त्वपूर्ण ठरले आहे. कोणतीही सार्वत्रिक पोस्ट टाकायची असल्यास व्हिडिओ ऑनलाइन पाठवायचा असल्यास जिल्हाधिकारी कार्यालयातील माध्यम प्रमाणिकरण व सनियंत्रण समिती अर्थात एमसीएमसी समितीची लेखी परवानगी घेणे आवश्यक आहे. उमेदवाराने नेमलेल्या अधिकृत प्रतिनिधीमार्फत ही परवानगी घेता येईल. त्यामुळे परवानगी घेऊन पोस्ट करा. व्यक्तीगत पोस्ट करताना परवानगीची गरज नाही. मात्र आचारसंहितेचा भंग होणार नाही याची काळजी घ्यावी, असेही आवाहन प्रशासनाने केले आहे. नागरिकांसाठी सूचना याशिवाय या काळामध्ये सामान्य नागरिकांनी देखील अतिशय सजगतेने समाज माध्यमांचा वापर करावा. समाज माध्यमांवरील पोस्ट हेच प्रथमदर्शनी पुरावे असल्यामुळे यामध्ये गंभीर गुन्हे दाखल होतात. त्यामुळे निवडणुकासंदर्भात व्यक्त होताना काळजी घेण्याचे आवाहन करण्यात आले आहे. *******

सजग नागरिकांनो, अवैध रोख रक्कम, मद्य, अंमलीपदार्थ विरुद्ध सी-व्हिजीलवर तक्रार नोंदवा - जिल्हाधिकारी अभिनव गोयल

हिंगोली, (जिमाका) दि.29 : जिल्ह्यातील तिनही विधानसभा मतदारसंघात आदर्श आचारसंहिता लागू आहे. या निवडणूक काळात अवैध रोख रक्कम (रोकड), मद्य, ड्रग्ज, गांजा आदी अंमली पदार्थांचा गुप्त साठा, वितरण आणि वाहतुकीविषयी उपविभागीय अधिकारी, उपविभागीय पोलीस अधिकारी, राज्य उत्पादन शुल्क अधीक्षक यांच्याकडे तक्रार करण्याचे आवाहन जिल्हाधिकारी तथा जिल्हा निवडणूक अधिकारी अभिनव गोयल यांनी केले आहे. विधानसभा निवडणुकीच्या काळात अवैधरित्या दारु, रोख रक्कम (रोकड), गांजा, ड्रग्ज आदींचा गुप्त साठा, वाहतूक आणि वितरण केले जात असल्याच्या घटना घडतात. याविरुद्ध कारवाई करण्यासाठी यंत्रणा कार्यरत करण्यात आली आहे. सुजाण नागरिकांनी अशा घटना निदर्शनास आल्यास प्रशासनाला तत्काळ कळवावी. याशिवाय आचारसंहिता भंगाच्या तक्रारी करण्यासाठी सी-व्हिजील ॲप उपलब्ध केला असून त्याद्वारेही तक्रार करण्याचे आवाहन जिल्हाधिकारी अभिनव गोयल यांनी केले आहे. सीव्हिजील ॲप येथून डाऊनलोड करता येईल : https://play.google.com/store/apps/details?id=in.nic.eci.cvigil *******

निवडणूक निरीक्षक (सामान्य) श्रीमती वंदना राव यांची हिंगोली विधानसभेच्या विविध कक्षाला भेट देऊन पाहणी

हिंगोली (जिमाका), दि. 29 : भारत निवडणूक आयोगाने हिंगोली जिल्ह्यातील 92-वसमत, 93-कळमनुरी व 94-हिंगोली विधानसभा मतदार संघासाठी श्रीमती वंदना राव यांची निवडणूक निरीक्षक (सामान्य) म्हणून नियुक्ती केली आहे. श्रीमती वंदना राव यांनी आज 94- हिंगोली विधान सभा मतदार संघ तथा उपविभागीय अधिकारी यांचे कार्यालय येथे आदर्श आचार संहिता कक्ष, प्रसार माध्यम कक्ष, मतपत्रिका टपाली, सर्व्हिस वोटर, वाहतूक कक्ष, परवाना कक्ष, लेखाविषयक, मतदान साहित्य कक्ष, नामनिर्देशन कक्ष इत्यादी विभागाला भेट देऊन पाहणी केली आहे. त्याचबरोबर त्यांनी हिंगोली शहरातील 15 मतदान केंद्राला भेट देऊन पाहणी केली. यावेळी मुख्याधिकारी तथा नोडल अधिकारी अरविंद मुंढे, शहर अभियंता प्रतीक नाईक, स्वच्छता निरीक्षक बाळु बांगर, नोडल अधिकारी पंडीत मस्के, विद्युत अभियंता वसंत पुतळे, राजेश पदमणे, शिवाजी पाटील यांच्यासह अधिकारी, कर्मचारी उपस्थित होते. ******

निवडणूक निरीक्षक (पोलीस) डॉ.राकेशकुमार बन्सल यांची नियुक्ती

हिंगोली (जिमाका), दि. 28 : भारत निवडणूक आयोगाने हिंगोली जिल्ह्यातील 92-वसमत, 93-कळमनुरी व 94-हिंगोली विधानसभा मतदार संघासाठी डॉ.राकेशकुमार बन्सल यांची निवडणूक निरीक्षक (पोलीस) म्हणून नियुक्ती केली आहे. डॉ. राकेशकुमार बन्सल हे दिल्ली केडरचे 2010 चे आयपीएस अधिकारी आहेत. त्यांचा संपर्क क्रमांक 9284434196 असा आहे. डॉ. राकेशकुमार बन्सल हे हिंगोली येथील शासकीय विश्रामगृह येथे राजकीय पक्षाचे प्रतिनिधी, नागरिकांना भेटण्यासाठी उपलब्ध असतील. निवडणूक कालावधीमध्ये सहायक पोलीस निरीक्षक गजानन बोराटे हे त्यांचे संपर्क अधिकारी आहेत. कोणत्याही राजकीय पक्ष, उमेदवार, नागरिक किंवा मतदाराची तक्रार असल्यास संपर्क साधता येईल, असे उपजिल्हा निवडणूक अधिकारी रामेश्वर रोडगे यांनी कळविले आहे. ******

निवडणूक निरीक्षक (सामान्य) श्रीमती वंदना राव यांची नियुक्ती

हिंगोली (जिमाका), दि. 28 : भारत निवडणूक आयोगाने हिंगोली जिल्ह्यातील 92-वसमत, 93-कळमनुरी व 94-हिंगोली विधानसभा मतदार संघासाठी श्रीमती वंदना राव यांची निवडणूक निरीक्षक (सामान्य) म्हणून नियुक्ती केली आहे. त्यांचे आज सोमवारी हिंगोली शासकीय विश्राम गृह येथे आगमन झाले आहे. श्रीमती वंदना राव या 2015 च्या बॅचच्या आयएएस आहेत. त्या दिल्ली केडरच्या असून, त्यांचा संपर्क क्रमांक 7820869248 आहे. त्या सायंकाळी 5 ते 7 वाजेदरम्यान हिंगोली येथील शासकीय विश्रामगृह येथे राजकीय पक्षाचे प्रतिनिधी, नागरिकांना भेटण्यासाठी उपलब्ध असतील. कोणत्याही राजकीय पक्ष, उमेदवार, नागरिक किंवा मतदाराची तक्रार असल्यास वरील मोबाईल क्रमांकावर संपर्क साधता येईल, असे उपजिल्हा निवडणूक अधिकारी रामेश्वर रोडगे यांनी कळविले आहे. *******

पाचव्या दिवशी हिंगोली जिल्ह्यात 115 अर्जांची उचल

• वसमत येथे 27, कळमनुरी येथे 18, हिंगोली येथे 19 नामनिर्देशनपत्र दाखल • नामनिर्देशन पत्र दाखल करण्याचा आजचा शेवटचा दिवस हिंगोली (जिमाका), दि. 28 : महाराष्ट्र विधानसभा सार्वत्रिक निवडणूक 2024 मध्ये आज हिंगोली जिल्ह्यात 63 इच्छुकांनी 115 अर्जांची उचल केली आहे. तर 64 जणांनी नामनिर्देशनपत्रे दाखल केली आहेत. आज नामनिर्देशन प्रकियेच्या पाचव्या दिवशी 92-वसमत विधानसभा मतदार संघात 16 इच्छूक उमेदवारांनी 21 अर्ज, 94-कळमनुरी विधानसभा मतदार संघात 21 इच्छूक उमेदवारांनी 36 अर्ज व 94-हिंगोली विधानसभा मतदारसंघात 26 इच्छूक उमेदवारांकडून 58 अर्ज असे जिल्ह्यात एकूण 63 इच्छुकांकडून 115 अर्जांची उचल झाली आहे. 92-वसमत विधानसभा मतदारसंघात आज 18 उमेदवाराचे 27 नामनिर्देशन पत्र प्राप्त झाले आहेत. यामध्ये 1) रावसाहेब दाडेगांवकर सांळूके यांनी (राष्ट्रवादी काँग्रेस पार्टी- शरदचंद्र पवार) पक्ष-2 व अपक्ष-2 असे एकूण 4 अर्ज, 2) नाथराव तातेराव कदम (अपक्ष) 2 अर्ज, 3) श्रीमती राजश्री नाथराव कदम (अपक्ष) 2 अर्ज, 4) मारोती रामराव क्यातमवार यांनी इंडियन नेशनल काँग्रेस पक्ष-1 व अपक्ष-1 असे 2 अर्ज, 5) बाबुराव उर्फ बबन रामचंद्र दिपके (अपक्ष)-1, 6) नावनाथ साहेबराव कुऱ्हे (अपक्ष) -1 , 7) रघुनाथ सुभानजी सुर्यवंशी (अपक्ष) -2 अर्ज, 8) बाळासाहेब नामदेव मगर (अपक्ष) - 1, 9) विष्णु उत्तम जाधव (अपक्ष)-1, 10) बांगर रामप्रसाद नारायणराव (अपक्ष)-1, 11) श्रीमती उज्वलाताई तांभाळे यांनी भाजपा-1 व अपक्ष-1 असे 2 अर्ज, 12) मिलिंद राजकुमार यंबल (अपक्ष)-2 अर्ज, 13) रामचंद्र नरहरी काळे (अपक्ष)-1, 14) शेख फरीद उर्फे मुनीर इसाक पटेल (अपक्ष)-1, 15) गुरु पारदेश्वर शिवाचार्य महाराज (जनसुराज्य शक्ती)-1, 16) अंकुश तातेराव आहेर (अपक्ष)-1, 17) श्रीमती प्रिती मनोज जयस्वाल (वंचित बहूजन आघाडी)-1, 18) पुष्पक रमेशराव देशमुख (अपक्ष)-1 अशा 18 इच्छूक उमेदवारांनी 27 नामनिर्देशपत्र दाखल केले आहेत. 93-कळमनुरी विधानसभा मतदार संघात 14 उमेदवाराचे 18 नामनिर्देशन पत्र प्राप्त झाले आहेत. यामध्ये 1) सुनिता सजन निरगुडे (अपक्ष)-1, 2) शिवाजी बाबूराव सवंडकर (अपक्ष)-2, 3) रविंद्र गणपतराव थोरात (अपक्ष)-1, 4) नामदेवराव ग्यानोजी कल्याणकर (अपक्ष)-1, 5) अजित उत्तमराव मगर (अपक्ष)-1, 6) संतोष टारफे (शिवसेना-उध्दव बाळासाहेब ठाकरे)-2, 7) बुध्दभुषण वसंत पाईकराव (अपक्ष)-1, 8) गोदावरी संतोषराव बांगर (अपक्ष)-1, 9) संतोष लक्ष्मणराव बांगर (शिवसेना)-1, 10) बाजीराव बाबूराव सवंडकर (अपक्ष)-1, 11) संतुक दत्तराव कदम (अपक्ष)-2, 12) संजय तुळशीराम लोंढे (अपक्ष)-2, 13) संतोष लक्ष्मण टार्फे (अपक्ष)-1, 14) दिलीप तातेराव मस्के (वंचित बहुजन आघाडी)-1 अशा 14 इच्छुक उमेदवारांनी 18 नामनिर्देशन दाखल केले आहेत. 94-हिंगोली विधानसभा मतदार संघात 16 इच्छुक उमेदवारांनी 19 नामनिर्देशन दाखल केले आहे. यामध्ये 1) डॉ.विठ्ठल नथुजी रोडगे (अपक्ष)-2, 2) सर्जेराव निवृत्ती खंदारे (ऑल इंडिया हिंदुस्तान काँग्रेस पार्टी)-1, 3) शिवशंकर शेषेराव वाबळे (अपक्ष)-1, 4) अंबादास सुकाजी गाडे (वंचित बहुजन आघाडी व अपक्ष)-2, 5) विमलकुमार शुभाषचंद्र शर्मा (अपक्ष)-1, 6) प्रमोद सखारामजी कुटे (मनसे)-1, 7) तान्हाजी सखारामजी मुटकुळे (भारतीय जनता पार्टी)-2, 8) विठ्ठल लिंबाजी मुटकुळे (राष्ट्रवादी काँग्रेस पार्टी-शरदचंद्र पवार)-1, 9) सत्तार पठाण काशिम पठाण (अपक्ष)-1, 10) माधव बळीराम कोरडे (अपक्ष)-1, 11) साहेबराव किसनराव सिरसाठ (बसपा)-1, 12) रमेश विठ्ठलराव शिंदे (अपक्ष)-1, 13) शिवाजी लोडजी बल्लाळ (अपक्ष)-1, 14) दीपक धनराज धुरिया (भारतीय जनसम्राट पार्टी)-1, 15) सुनिल दशरथ इंगोले (भिमसेना)-1 आणि 16) पंजाब नारायण हराळ (राष्ट्रीय समाज पक्ष)-1 असे एकूण 16 उमेदवारांनी 19 नामनिर्देशनपत्र दाखल केले आहेत. अंबादास गाडे, विठ्ठल मुटकुळे, साहेबराव सिरसाठ आणि पंजाब हराळ या उमेदवारांच्या नामनिर्देशन पत्रासोबत पक्षाचा एबी फॉर्म सद्यस्थितीत जोडलेला नाही, असे निवडणूक निर्णय अधिकारी समाधान घुटुकडे यांनी प्रसिध्दीपत्रकाद्वारे कळविले आहे. मंगळवार (दि.22) पासून राज्यात निवडणुकीची अधिसूचना प्रसिद्ध झाली असून, नामनिर्देशन पत्र विक्री व दाखल करण्याची प्रक्रियाही सुरू झाली आहे. मंगळवारी पहिल्या दिवशी 153 अर्जांची विक्री झाली. दुसऱ्या दिवशी बुधवारी 123, तिसऱ्या दिवशी गुरुवारी 58 अर्ज, चौथ्या दिवशी शुक्रवारी 92 अर्ज, तर आज पाचव्या दिवशी सोमवारी 63 इच्छुकांकडून 115 अर्जांची विक्री झाली आहे. अशा पाच दिवसात जिल्ह्यात 541 अर्जांची विक्री झाली आहे. उमेदवारांना नामनिर्देशनपत्र दाखल करण्याचा उद्या मंगळवार, दि. 29 ऑक्टोबर 2024 करता येणार असल्याचे जिल्हा निवडणूक अधिकारी तथा जिल्हाधिकारी अभिनव गोयल यांनी सांगितले आहे. यावेळी 92-वसमत विधानसभा मतदार संघाचे निवडणूक निर्णय अधिकारी तथा उपविभागीय अधिकारी विकास माने, 93-कळमनुरी विधानसभा मतदार संघाचे निवडणूक निर्णय आधिकारी तथा उपविभागीय आधिकारी प्रतिक्षा भुते, 94-हिंगोली विधानसभेचे निवडणूक निर्णय अधिकारी तथा उपविभागीय अधिकारी समाधान घुटुकडे तसेच संबंधित विधानसभा मतदार संघाचे सहायक निवडणूक निर्णय अधिकारी तथा तहसीलदार यांच्यासह निवडणूक कामी नियुक्त अधिकारी-कर्मचारी उपस्थित होते. एका उमेदवारास जास्तीत जास्त 4 अर्ज घेता येतात. नामनिर्देशनपत्रे 29 ऑक्टोबरपर्यंत कोणत्याही दिवशी सकाळी 11 ते 3 वाजेपर्यंत सादर करता येतील. बुधवार, दि. 30 ऑक्टोबर रोजी नामनिर्देशनपत्रांची छाननी करण्यात येणार आहे. तर 4 नोव्हेंबर 2024 रोजी उमेदवारी अर्ज मागे घेण्याचा शेवटचा दिवस आहे. ********

हिंगोली विधानसभा: पत्रकारांसोबत पेडन्यूजबाबत चर्चासत्र

हिंगोली (जिमाका), दि. २७ : विधानसभा सार्वत्रिक निवडणूक कार्यक्रम जाहीर झालेला आहे. या निवडणूक कार्यक्रमानुसार ९४- हिंगोली विधानसभा मतदार संघासाठी जिल्हा माहिती कार्यालयातील माध्यम कक्षात पत्रकारांना आज चर्चासत्रामध्ये पेड न्यूज व इतर अनुषंगिक बाबींची माहिती देण्यात आली. यावेळी मुद्रीत, इलेक्ट्रॉनिक माध्यम, सोशल मिडीयामध्ये संभाव्य पेडन्यूजबाबत माहिती देण्यात आली. सोशल मिडिया व मुद्रीत माध्यमातील पेड न्यूज शोधणे व त्यावर कार्यवाही करणे आदी बाबींची माहिती यावेळी दिली. जिल्हा माध्यम व प्रमाणन सनियंत्रण समितीचे पथक प्रमुख तथा जिल्हा माहिती अधिकारी प्रभाकर बारहाते यांनी दिली. यावेळी सर्व पत्रकार बांधवासोबत सहायक माहिती अधिकारी चंद्रकांत कारभारी, श्रीमती आशा बंडगर, कैलास लांडगे यांच्यासह माध्यम कक्षात नियुक्त कर्मचारी उपस्थित होते. ******

बासंबा व परिसरातील शेतकऱ्यांना कापूस व हळद पिकांच्या कीड रोगाबाबत मार्गदर्शन

हिंगोली (जिमाका), दि. 26: येथील तालुका कृषि अधिकारी कार्यालयाच्या वतीने हिंगोली तालुक्यातील बासंबा व परिसरातील गावात कापूस व हळद पिकांची पाहणी करुन कीड व रोग या संदर्भात मार्गदर्शन करण्यात आले. यावेळी तोंडापूर कृषि विज्ञान केंद्राचे किटक शास्त्रज्ञ (पिक संरक्षण) अजयकुमार सुगावे यांनी पीक परिस्थितीची पाहणी केली. यावेळी सद्य परिस्थितीत हळद पिकाच्या पानावरील ठिपके (करपा) रोगाची लक्षणे दिसताच बुरशीनाशकाची फवारणीसाठी मॅन्कोझेब (75 डब्ल्यूपी) 2 ते अडीच ग्रॅम किंवा कार्बेन्डाझिम (50 डब्ल्यूपी) 1 ते 2 ग्रॅम किंवा प्रोपीकॉनॅझॉल (25 ईसी) 1 मिली प्रती लिटर पाणी या प्रमाणात फवारणी करुन व्यवस्थापन करण्याची शिफारस करण्यात आली. खोड किडीबाबत पानावर एका ओळी रांगेत छिद्रे पडलेली दिसतात. त्या संदर्भात हळद पिकाबाबत आधीच शिफारशीत किटकनाशकाची फवारणी शेतकऱ्यांनी केली असल्याचे आढळून आले. नव्याने लक्षणे आढळून आल्यास नियंत्रणासाठी क्विनॉलफॉस (25 टक्के) 20 मि.ली. प्रती 10 लिटर पाणी याप्रमाणे फवारणी करावी, असे मार्गदर्शन केले. कपाशीबाबत पिकात पानावरील ठिपके या रोगासाठी कार्बेन्डाझिम 3.3 ग्रॅम किंवा अक्झोक्सीस्रॉरणबीन+डायफेनोकोनॅझोल या संयुक्त बुरशीनाशकाची 10 मिली प्रती 10 लिटर पाणी या प्रमाणात फवारणी करावी. तसेच लाल्या या विक्रृतीसाठी शिफारशीत अन्नद्रव्य मॅग्नेशियम सल्फेट यांची फवारणी सांगितली. तसेच गुलाबी बोंडअळीसाठी एकात्मिक कीड व्यवस्थापन संदर्भात संपूर्ण माहिती दिली तसेच यावेळी उपस्थित शेतकऱ्यांना मार्गदर्शन केले. यावेळी तालुका कृषि अधिकारी शिवसंदीप रणखांब, मंडळ कृषि अधिकारी कमलाकर सांगळे, कृषि पर्यवेक्षक गणेश पवार, राजीव हुलेकर, कृषि सहायक रेखा पिंपरे, छाया ठोंबरे, पुजा मकासरे व गावातील सर्व शेतकरी वर्ग उपस्थित होते. ******

आचारसंहितेबाबत तक्रारींच्या निराकरणासाठी ‘सी- व्हिजील’चा वापर करण्याचे आवाहन 24X7 नियंत्रण कक्ष सुरू; 100 मिनिटाच्या आत मिळतो प्रतिसाद

हिंगोली (जिमाका), दि. 25 : भारत निवडणूक आयोगाने विधानसभा सार्वत्रिक निवडणुकीचा कार्यक्रम जाहीर केला आहे. कार्यक्रमानुसार दि. 20 नोव्हेंबर रोजी मतदान होणार आहे. त्यासाठी दि. 15 ऑक्टोबर 2024 पासून राज्यात आदर्श आचारसंहिता लागू झाली आहे. या निवडणूक कालावधीत आचारसंहितेचे उल्लंघन होत असल्यास सर्वसामान्य मतदार, नागरिकांना आता थेट निवडणूक आयोगाकडे तक्रार करता येणार आहे. त्यासाठी भारत निवडणूक आयोगाने सी व्हिजिल सिटीझन ॲप विकसित केले आहे. या ॲपवर दाखल होणाऱ्या तक्रारींवर 100 मिनिटांत कार्यवाही केली जाते. नागरिकांनी आचारसंहितेच्या तक्रारीसाठी सी-व्हिजीलचा वापर करावा, असे आवाहन जिल्हाधिकारी तथा जिल्हा निवडणूक अधिकारी अभिनव गोयल यांनी केले आहे. आचारसंहिता कालावधीत काय करावे आणि काय करु नये याविषयी निवडणूक उमेदवार, प्रशासन आणि राजकीय पक्षांना माहिती दिली जाते. पण, काहीवेळा आदर्श आचारसंहितेचे उल्लंघन होते. त्याची तक्रार करणे आता पूर्वीपेक्षा अधिक सुलभ झाले आहे. आचारसंहिता उल्लंघनाची तक्रार किंवा माहिती निवडणूक आयोग आणि जिल्हा प्रशासनापर्यंत पोहोचवण्यासाठी भारत निवडणूक आयोगाने सी व्हिजिल ॲप विकसित केले आहे. या मोबाईल ॲपद्वारे मतदारांना आता थेट आयोगाकडे तक्रार करता येणार आहे. या सी व्हिजिल ॲपवर तक्रार प्राप्त होताच तातडीने त्यावर कारवाई केली जाते. तक्रारदाराचे नाव गोपनीय ठेवले जाते. सी व्हिजिल ॲप अँड्रॉइड आणि आयओएस डिव्हाइसवर डाऊनलोड करण्यासाठी उपलब्ध आहे. उल्लंघनाची तक्रार करण्यासाठी, वापरकर्त्यांनी फक्त ॲप उघडणे, उल्लंघनाचा प्रकार निवडणे आणि घटनेचे तपशिल, स्थान, वेळ आणि छायाचित्रे किंवा व्हीडिओ प्रदान करणे आवश्यक आहे. ॲप वापरकर्त्यांना त्यांच्या तक्रारींच्या प्रगतीचा मागोवा घेता येणार आहे. वैशिष्ट्ये : सी व्हिजिल ॲप हा वापरकर्त्यांना आदर्श आचारसंहितेच्या उल्लंघनाची तक्रार करण्याची अनुमती देतो. नागरिकांना निवडणूक प्रक्रियेत सहभागी होण्यासाठी व्यासपीठ उपलब्ध करून देतो. उल्लंघनाचे स्थान ट्रॅक करण्यासाठी जीपीएस वापरतो. वापरकर्त्यांना केवळ थेट घटना चित्रित करण्याची अनुमती देतो. तक्रारीच्या प्रगतीचा मागोवा घेतो. वापर कसा करायचा : एन्ड्रॅाईड मोबाईलमधील गुगल प्ले स्टोर आणि आयफोनमधील ॲप स्टोर या ॲपमध्ये जावून सी व्हिजिल (cVIGIL) सर्च करावे.त्यानंतर ॲप डाऊनलोड करा. त्यानंतर ॲप उघडून मोबाईल क्रमांक, पत्ता, मतदारसंघ समाविष्ट करुन खाते तयार करा. तुम्हाला ज्या उल्लंघनाची तक्रार करायची आहे ते निवडा आणि स्थळ, वेळ आणि छायाचित्रे किंवा व्हीडिओंसह घटनेचे तपशील टाका. त्यानंतर तक्रार सबमिट करा. अचूक कृती व देखरेख : या ॲप्लिकेशनचा वापर करून, निवडणूक निर्णय अधिकारी कार्यालयात न जाताही काही मिनिटांतच नागरिक राजकीय गैरव्यवहाराच्या घटनांची तक्रार नोंदवू शकतात. सी व्हिजिल ॲप जिल्हा नियंत्रण कक्ष, निवडणूक निर्णय अधिकारी आणि भरारी पथकाशी जागरूक नागरिकांना जोडतो. ज्यामुळे एक जलद आणि अचूक कृती, देखरेख आणि अहवाल प्रणाली तयार होते. लाईव्ह फोटो, व्हिडिओ : या ॲपच्या अचूकतेसाठी ॲपमधून फक्त लाईव्ह लोकेशनवर आधारित फोटो, व्हीडिओ घेतले जातात. जेणेकरुन भरारी पथक, स्थिर संनिरीक्षण चमुंना वेळेत कार्यवाही करणे शक्य होईल. तातडीने होते कारवाई : या ॲपवर तक्रार दाखल होताच स्थानिक निवडणूक यंत्रणा तुमच्या तक्रारीची चौकशी करेल आणि योग्य ती कारवाई करेल. डाटा सुरक्षा : या ॲपवरील डाटा हा सुरक्षित ठेवला जातो. हा डाटा इतर कोणत्याही थर्ड पार्टीला दिला जात नाही. याशिवाय हा डाटा एन्ड टू एन्ड इन्क्रिप्टेड ठेवला जातो. ******

आदर्श आचारसंहिता पथकाकडून 1 कोटी 40 लाख रुपयांची रोकड जप्त • आदर्श आचारसंहिता अंमलबजावणी पथकाची कार्यवाही

हिंगोली (जिमाका), दि. 25 : हिंगोली शहरात आज पोलीस पेट्रोलिंग करीत असतांना विधानसभा निवडणूक संबंधाने एका वाहनामधून मोठ्या प्रमाणावर रोख रक्कम असल्याची माहिती पोलीस विभागाला मिळाल्याने वाहन क्र. एमएच-38 एडी-6502 या वाहनाचे वाहन चालक अमित ओमप्रकाश हेडा (वय 43 वर्षे) रा.हिंगोली यांच्या वाहनाची पोलीस प्रशासनाने तपासणी केली असता या वाहनामध्ये 1 कोटी 26 लाख 88 हजार 520 रुपये आढळून आले आहे. ही रक्कम अमित ओमप्रकाश हेडा यांची रक्कम असल्याचे त्यांनी कबुली दिली आहे. तसेच शहरात पोलीस पेट्रोलींक करीत असताना एका वाहनामधून मोठ्या प्रमाणात रक्कम जात असल्याचे पोलीस विभागाला माहिती मिळालेली असल्यामुळे वाहन क्र. एमएच-22 एएम-88 वाहनचालक गजानन माणिकराव काळे (वय 44 वर्षे) रा. सोडेगाव ता. कळमनुरी यांच्या वाहनाची तपासणी केली असता 13 लाख 50 हजार रुपयाची रक्कम आढळून आलेली आहे. सदर रक्कम गजानन माणिकराव काळे यांची असल्याची त्यांनी कबुली दिली असल्याचे पोलीस विभागाकडून कळविण्यात आले आहे. सध्या 94-हिंगोली विधानसभा निवडणुकीच्या अनुषंगाने आदर्श आचारसंहिता असल्याने व वाहनचालकांकडून समाधानकारक उत्तर मिळाले नसल्याने पोलीस विभागाने वरील दोन्ही प्रकरणाची एकूण रक्कम 1 कोटी 40 लाख 38 हजार 520 रुपये जप्त करुन निवडणूक विभागाच्या फिरते पथकाच्या ताब्यात देण्यात आली आहे. 94-हिंगोली विधानसभा निवडणूक निर्णय अधिकारी तथा उपविभागीय अधिकारी समाधान घुटुकडे, सहायक निवडणूक निर्णय अधिकारी तथा तहसीलदार श्रीकांत भुजबळ, आदर्श आचारसंहिता अंमलबजावणी समितीचे नोडल अधिकारी अरविंद मुंढे यांच्या मार्गदर्शनाखाली फिरते पथक प्रमुख व्ही. व्ही. चव्हाण, जे.बी.घुगे, कर्मचारी एस.डब्ल्यू. गुल्हाडे, डी.ए.डाखोरे, एस.डी. चिलकर, जी.के.इंगळे, आचारसंहिता पथकातील प्रतीक नाईक, राजेश पदमने, आशिष रणसिंगे इत्यादी कर्मचारी जप्त केलेली रक्कम कोषागार कार्याल्यात जमा करण्याची कार्यवाही करीत असल्याची माहिती 94-हिंगोली विधानसभा मतदार संघाचे निवडणूक निर्णय अधिकारी समाधान घुटुकडे यांनी प्रसिध्दीपत्रकाद्वारे दिली आहे. ********

चौथ्या दिवशी हिंगोली जिल्ह्यात 92 अर्जांची उचल • वसमत येथे एक, कळमनुरी येथे पाच, हिंगोली येथे 11 नामनिर्देशनपत्र दाखल

हिंगोली (जिमाका), दि. 25 : महाराष्ट्र विधानसभा सार्वत्रिक निवडणूक 2024 मध्ये आज हिंगोली जिल्ह्यात 45 इच्छुकांनी 92 अर्जांची उचल केली आहे. 17 जणांनी नामनिर्देशनपत्रे दाखल केली आहेत. आज नामनिर्देशन प्रकियेच्या चौथ्या दिवशी 92-वसमत विधानसभा मतदार संघात 14 जणांनी 27 अर्ज, 94-कळमनुरी विधानसभा मतदार संघात 14 जणांनी 19 अर्ज व 94-हिंगोली विधानसभा मतदारसंघात 17 जणांकडून 46 अर्ज असे जिल्ह्यात एकूण 45 इच्छुकांकडून 92 अर्जांची उचल झाली आहे. तसेच 92-वसमत विधानसभा मतदारसंघात चापके राजू ऊर्फ प्रभाकर दत्तराव (अपक्ष) यांनी 1, 93-कळमनुरी विधानसभा मतदार संघात 5 जणांनी नामनिर्देशन दाखल केले आहे. यामध्ये विजय माणिका बलखंडे (बहुजन समाज पक्ष), दिलीप तातेराव मस्के (वंचित बहुजन आघाडी), बुध्दभूषण वसंत पाईकराव (अपक्ष), संतोष अंबादास टार्फे (अपक्ष), रफीउल्लाखाँ अफजलखाँ पठाण यांचा समावेश आहे. तर 94-हिंगोली विधानसभा मतदार संघात 8 जणांनी 11 नामनिर्देशन दाखल केले आहे. यामध्ये पाटील भाऊराव बाबुराव-01, तान्हाजी सखारामजी मुटकुळे-02, सुनिता सजन निरगुडे-01, रामदास शिवराज पाटील-02, प्रकाश दत्तराव थोरात-02, आनंद राजाराम धुळे-01, डॉ. विठ्ठल नथुजी रोडगे-01 व अशोक धोंडबा कांबळे यांनी 01 असे एकूण 8 उमेदवारांनी 11 नामनिर्देशनपत्र दाखल केले आहेत. मंगळवार (दि.22) पासून राज्यात निवडणुकीची अधिसूचना प्रसिद्ध झाली असून, नामनिर्देशन पत्र विक्री व दाखल करण्याची प्रक्रियाही सुरू झाली आहे. मंगळवारी पहिल्या दिवशी 153 अर्जांची विक्री झाली. दुसऱ्या दिवशी बुधवारी 123, तिसऱ्या दिवशी 58 अर्ज तर आज चौथ्या दिवशी 45 इच्छुकांकडून 92 अर्जांची विक्री झाली आहे. अशा चार दिवसात जिल्ह्यात 426 अर्जांची विक्री झाली आहे. मंगळवार, दि. 29 ऑक्टोबर 2024 पर्यंत उमेदवारांना नामनिर्देशनपत्र दाखल करता येणार असल्याचे जिल्हा निवडणूक अधिकारी तथा जिल्हाधिकारी अभिनव गोयल यांनी सांगितले आहे. यावेळी 92-वसमत विधानसभा मतदार संघाचे निवडणूक निर्णय अधिकारी तथा उपविभागीय अधिकारी विकास माने, 93-कळमनुरी विधानसभा मतदार संघाचे निवडणूक निर्णय आधिकारी तथा उपविभागीय आधिकारी प्रतिक्षा भुते, 94-हिंगोली विधानसभेचे निवडणूक निर्णय अधिकारी तथा उपविभागीय अधिकारी समाधान घुटुकडे तसेच संबंधित विधानसभा मतदार संघाचे सहायक निवडणूक निर्णय अधिकारी तथा तहसीलदार यांच्यासह निवडणूक कामी नियुक्त अधिकारी-कर्मचारी उपस्थित होते. एका उमेदवारास जास्तीत जास्त 4 अर्ज घेता येतात. नामनिर्देशनपत्रे 29 ऑक्टोबरपर्यंत कोणत्याही दिवशी सकाळी 11 ते 3 वाजेपर्यंत सादर करता येतील. बुधवार, दि. 30 ऑक्टोबर रोजी नामनिर्देशनपत्रांची छाननी करण्यात येणार आहे. तर 4 नोव्हेंबर 2024 रोजी उमेदवारी अर्ज मागे घेण्याचा शेवटचा दिवस आहे. ********

कळमनुरी विधानसभेच्या प्रसार माध्यम कक्षातील अधिकारी, कर्मचारी व पत्रकारांना पेडन्यूजबाबत प्रशिक्षण

हिंगोली (जिमाका), दि. 25 : विधानसभा सार्वत्रिक निवडणूक कार्यक्रम जाहीर झालेला आहे. या निवडणूक कार्यक्रमानुसार हिंगोली जिल्ह्यातील 93-कळमनुरी विधानसभा मतदार संघासाठी तहसील कार्यालय, कळमनुरी जि.हिंगोली येथे स्थापन करण्यात आलेल्या प्रसार माध्यम कक्षातील अधिकारी, कर्मचारी तसेच पत्रकारांना आज प्रशिक्षणामध्ये पेड न्यूज व इतर अनुषंगिक बाबींची माहिती देण्यात आली. यावेळी माध्यम व प्रमाणन समितीची रचना, पेड न्यूज, मुद्रीत, इलेक्ट्रॉनिक माध्यम, सोशल मिडीया यासाठी जाहिरातीचे प्रमाणन करणे तसेच त्याअनुषंगाने पाठवावयाचे अहवाल व त्यांच्या नमुन्याची माहिती, सोशल मिडिया व मुद्रीत माध्यमातील पेड न्यूज शोधणे व त्यावर कार्यवाही करणे आदी बाबींची माहिती या प्रशिक्षणामध्ये दिली. तसेच पेड न्यूजबाबत वसमत येथील पत्रकारांनाही यावेळी या प्रशिक्षणात जिल्हा माध्यम व प्रमाणन सनियंत्रण समितीचे पथक प्रमुख तथा जिल्हा माहिती अधिकारी प्रभाकर बारहाते आणि जिल्हास्तरीय प्रशिक्षण समितीचे दीपक कोकरे यांनी सादरीकरणाद्वारे दिली. यावेळी वसमत विधानसभा प्रसार माध्यम कक्षाचे रविंद्र पुंड, राजेश पांडे, जिल्हास्तरीय माध्यम कक्षातील कैलास लांडगे तसेच कळमनुरी येथील सर्व पत्रकार बांधव उपस्थित होते. *****

विधानसभा सार्वत्रिक निवडणूक-2024 निवडणूक निकालाच्या अंदाजावर बंदी

हिंगोली (जिमाका), दि.25 : भारत निवडणूक आयोगाने दि. 13 नोव्हेंबर, 2024 रोजी सकाळी 7 वाजता पासून ते दि. 20 नोव्हेंबर, 2024 च्या सायंकाळी 6.30 वाजेपर्यंत विधानसभा सार्वत्रिक निवडणूक-2024 च्या अनुषंगाने निवडणूक निकालाचे अंदाज (EXIT POLL) प्रसार माध्यमावर प्रसारित करण्यास प्रतिबंधित घातल्याचे आदेश निवडणूक आयोगाने दिले आहेत. मुद्रित माध्यम, इलेक्ट्रॉनिक माध्यम, दूरदर्शन, आकाशवाणी इत्यादी प्रसार माध्यमांनी यांची नोंद घ्यावी, असे निर्देश जिल्हा निवडणूक अधिकारी अभिनव गोयल यांनी दिले आहेत. *******

उमेदवारांनी प्रचाराचा व्हिडीओ, जाहिराती बनविताना धार्मिक स्थळ, चिन्हांचा वापर करणे टाळावे - जिल्हाधिकारी अभिनव गोयल

हिंगोली, दि. २४ (जिमाका) : निवडणुकांमध्ये प्रचारासाठी हल्ली उमेदवाराच्या कार्यकर्तृत्वाचा अहवाल देणारा व्हिडिओ तयार करण्याची सर्वमान्य प्रक्रिया आहे. मात्र ही प्रक्रिया किचकट असते. त्याला वेळ लागतो. त्यामुळे हा व्हिडिओ बनवतानाच भारत निवडणूक आयोगाने केलेल्या सूचनांचे पालन केल्यास याची मान्यता तातडीने मिळण्यास मदत होईल, त्यामुळे आयोगाला अमान्य असणाऱ्या गोष्टी टाळण्याच्या आवाहन जिल्हा निवडणूक अधिकारी तथा जिल्हाधिकारी अभिनव गोयल यांनी केले आहे. उमेदवारांसाठी तयार करण्यात येणाऱ्या प्रिंट माध्यमांसाठीच्या जाहिराती, प्रचार रथांवरील व्हीडीओ ,समाज माध्यमांसाठी रिळ, रेडिओ सार्वजनिक तसेच खाजगी एफएम चॅनल बल्क एसएमएस, रेकॉर्ड केलेले व्हॉइस मेसेजेस, सोशल मीडिया इंटरनेट संकेतस्थळे यावर द्यावयाच्या जाहिराती यामध्ये हे व्हिडिओ व रीळ प्रामुख्याने वापरले जातात. निवडणुकीच्या उमेदवारांचे हे सर्व व्हिडिओ माध्यम प्रमाणिकरण व सनियंत्रण कक्षाकडून मान्यताप्राप्त असणे आवश्यक आहे. त्यामुळे मान्यतेला देण्यापूर्वीच या व्हिडिओमध्ये काय असावे व काय असू नये हे जाणून घेणे आवश्यक आहे. वृत्तपत्रांच्या अर्थात प्रिंट मीडियाच्या जाहिराती संदर्भात शेवटचे दोन दिवस परवानगी घेणे आवश्यक आहे. कार्यक्रम संहितेनुसार व्हिडिओमध्ये अभिरुचीहीन किंवा सभ्यतेविरुद्ध प्रसारण, मित्र देशांवर टीका,धार्मिक किंवा जातीय तेढ निर्माण करणारे दृश्य, किंवा शब्दांचा समावेश असलेले चित्रण, अश्लील, बदनामीकारक, जाणीवपूर्वक, चुकीचे किंवा अर्धसत्य माहिती, प्रसारण, हिंसेला प्रोत्साहन, कायदा व सुव्यवस्थेला बाधा आणणारे किंवा राष्ट्रविरोधी व्यक्तींना उत्तेजन देणारे चित्र, न्यायालयाचा अवमान, राष्ट्रपती आणि न्यायपालिकेच्या सचोटीविरुद्ध आक्षेप व्यक्त करणारे प्रसारण, राष्ट्रीय ऐक्यास बाधा आणणारे प्रसारण, नैतिक जीवन मलीन करणारी टीका, अंधश्रद्धा किंवा भोंदूगिरीस खतपाणी घालणारे चित्रण, महिलांचे विकृतीकरण दर्शवणारे चित्रण, बालसंहितेविरुद्ध प्रसारण, विशिष्ट भाषिक आणि प्रादेशिक घटकांच्या संदर्भात उपरोधिक आणि निंदनीय वृत्ती दर्शविणारे दृश्य किंवा शब्द असणारे प्रसारण या शिवाय सीनेमेट्रोग्राफ कायदा 1952 च्या तरतुदीचे उल्लंघन करणारे प्रसारण दाखवण्यात येऊ नये. तसेच जाहिरात संहितेनुसार पुढील प्रकारच्या जाहिरातीस प्रतिबंध आहे. कोणत्याही वंश, जात, वर्ण, पंथ, आणि राष्ट्रीयत्वाचा उपहास करणे, भारतीय राज्यघटनेचा अवमान करणे, गुन्हा करण्यास प्रवृत्त करणे, हिंसाचार करणे किंवा कायद्याचे उल्लंघन करणे किंवा अश्लील त्याचे उदात्तीकरण करणे, गुन्हेगारी योग्य असल्याचे सादर करणे, राज्यमुद्रा किंवा राज्यघटनेच्या कोणत्याही भागाची किंवा राष्ट्रीय नेत्याचे किंवा राज्याच्या व्यक्तीचे किंवा व्यक्तिमत्त्वाच्या स्वतःच्या फायद्यासाठी वापर करणे, स्त्रियांचे चुकीचे चित्रण करणे, विशेषतः महिलांची बदनामी करणाऱ्या कोणत्याही दृष्याला परवानगी दिली जाणार नाही. सिगारेट तंबाखूजन्य किंवा नशा आणणाऱ्या पदार्थांच्या जाहिरातींना प्रतिबंध करण्यात आला आहे. *व्हीडीओत हे टाळा* भारत निवडणूक आयोगाने माध्यमांसंदर्भातील दिलेल्या निर्देशानुसार १. मंदिर, मशिद, गुरुद्वारा व अन्य कोणत्याही धार्मिक स्थळांचे दृश्य वापरू नये २. दुसऱ्या पक्षांवर आरोप नसावे. स्वतः काय केले ते सांगावे. ३. परस्परांच्या खाजगी आयुष्यावरील आरोप नसावे. सभ्यता सोडून भाषा, आरोप नसावे ४. विरोधी पक्षांवर टीका टिपणी नसावी, हेतू आरोप नसावे. ५. सैन्याचे फोटो, सैन्य अधिकाऱ्यांचे फोटो याचा वापर नसावा. ६. अन्य कुठल्याही देशावर आरोप नसावे. ७. विशिष्ट जात, धर्म,पंथ यावर आरोप नसावे. ८. कुणाचीही मानहानी, अवहेलना नसावी. ९. न्यायालयाचा अवमान नसावा. १o. देशाच्या सार्वभौमत्वाचा अपमान नसावा. ११. कोणत्याही व्यक्तीचे नाव घेऊन हेतूआरोप, अपमान नसावा. 0000

लोहगाव येथे मतदान जनजागृती कार्यक्रम संपन्न

हिंगोली, दि.२४ (जिमाका): विधानसभा सार्वत्रिक निवडणुकीच्या अनुषंगाने स्वीप पथकामार्फत उपविभागीय अधिकारी तथा निवडणूक निर्णय अधिकारी समाधान घुटुकडे यांच्या निर्देशानुसार लोहगाव येथे स्वीप समितीने मतदारांमध्ये जनजागृती कार्यक्रम आयोजित केला होता. तहसीलदार श्रीकांत भुजबळ यांच्या मार्गदर्शनाखाली नोडल अधिकारी तथा गटशिक्षणाधिकारी नितीन नेटके यांच्या नेतृत्वात हिंगोली विधानसभास्तरीय स्वीप पथकामार्फत 94 हिंगोली विधानसभा मतदारसंघात  मतदानाची टक्केवारी वाढविण्याच्या दृष्टिकोनातून विविध कार्यक्रम आयोजन करण्यात येत आहेत.    याच अनुषंगाने आज लोहगाव येथील जिल्हा परिषद प्राथमिक शाळा, ग्रामपंचायत कार्यालय व माध्यमिक आश्रम शाळा येथे मतदार जनजागृती कार्यक्रमाचे आयोजन करण्यात आले.        नोडल अधिकारी नितीन नेटके यांनी शालेय विद्यार्थ्यांना संकल्प पत्राविषयीचे मार्गदर्शन करून आपले पालक आई-वडील, भाऊ-बहीण यांच्याकडून 100% मतदान करून घेण्यासंदर्भात आग्रह धरण्याचे आवाहन केले. माध्यमिक आश्रम शाळा येथे महाविद्यालयीन विद्यार्थ्यांना मतदानाचे महत्त्व तसेच ELC CLUB स्थापन करून याद्वारे विविध उपक्रम राबवण्याचे सांगण्यात आले. ग्रामपंचायत कार्यालय येथे देखील सर्व मतदारांनी शंभर टक्के मतदान करण्याची हमी दिली.      या वेळी स्वीप नोडल अधिकारी नितीन नेटके यांच्या समवेत स्वीप सदस्य संजय मेथेकर, श्याम स्वामी, राजकुमार मोरगे, विनोद चव्हाण, सुदर्शन सोवितकर, माणिक डोखळे उपस्थित होते. *****

सावधान ! तुमच्या सोशल मिडीया खात्याची होतेय निगराणी ! निवडणूक काळात आक्षेपार्ह पोस्ट, फेकन्यूज, अफवा पसरविणा-यांवर करडी नजर व्हाट्सअप ग्रुपच्या ॲडमिनने घ्यावी काळजी

हिंगोली (जिमाका), दि.24 : विधानसभा निवडणुकीच्या काळात माध्यम प्रमाणिकरण व संनियंत्रण समितीमध्ये सदस्य असणाऱ्या सायबर विभागाच्यामार्फत जिल्ह्यातील सोशल मीडियाचे सनियंत्रण जिल्ह्यामध्ये सुरू झाले आहे. त्यामुळे समाज माध्यमांवर राजकीय पोस्ट टाकताना सर्वांनी सावध असावे, आचारसंहितेचा भंग झाल्यास तात्काळ गुन्हे दाखल होण्याची शक्यता असल्याचे जिल्हाधिकारी अभिनव गोयल यांनी सांगितले आहे. जिल्ह्यामध्ये आचारसंहितेचे काटेकोर पालन करण्याबाबत जिल्हाधिकारी अभिनव गोयल यांनी सांगितले असून, त्याबाबत माध्यम कक्षात नियुक्त सायबर सेल तज्ज्ञांना निर्देश देण्यात आले आहेत. जिल्हा पोलीस अधीक्षक कार्यालयातील सायबर सेलचे सहायक पोलीस निरीक्षक शिवसांब घेवारे यांच्या मार्गदर्शनात एमसीएमसी (माध्यम प्रमाणीकरण व सनियंत्रण समिती)मध्ये सायबर सेलची टीम यासाठी कार्यरत झाली आहे. यापूर्वी लोकसभा निवडणुकीमध्ये या सेलमार्फत अत्यंत बारकाईने लक्ष ठेवण्यात आले होते. जिल्ह्यातील नागरिकांच्या फेसबुक, ट्विटर, इंस्टाग्राम, व्हाट्सअप अकाउंटवर जातीवाचक, धर्मा-धर्मामध्ये तेढ निर्माण करणाऱ्या, राजकीय वैमनस्य वाढवणाऱ्या पोस्ट काही समाजकंटक, असामाजिक तत्व टाकण्याची शक्यता नाकारता येत नाही. निवडणूक काळामध्ये सामाजिक स्वास्थ्य बिघडवण्यासाठी काही घटक अशावेळी कार्यान्वित होतात. अशा पोस्ट लक्षात घेऊन सर्वांच्या सोशल माध्यमांची तपासणी सुरू झाली आहे. विशेषतः यापूर्वी अशा पद्धतीच्या विचित्र पोस्ट टाकणाऱ्या काही असामाजिक तत्त्वासंदर्भात सायबर सेल आणखी सतर्क झाले आहे. त्यामुळे अशा कोणत्याही पोस्ट आपल्या अकाउंटवरून फॉरवर्ड होणार नाहीत, प्रसारित होणार नाही. याची काळजी नागरिकांनी घ्यावी, असे आवाहन जिल्हा व पोलीस प्रशासनाने केले आहे. कधीतरी कुठेतरी झालेली घटना पुन्हा पुन्हा दाखवणे, धार्मिक स्थळांच्या तोडफोडीचे जुने व्हिडिओ दाखवणे, चुकीचे व्हिडिओ व्हायरल करणे, समाज, धर्म धोक्यात असल्याच्या खोट्या आकडेवारी सादर करणे, चुकीचे तपशील दाखवणे, असभ्य व्हिडिओ व्हायरल करणे, चित्रफितीशी छेडछाड करणे, चुकीचे अर्थ निघतील अशा पद्धतीचे एडिटिंग करणे, अशा प्रकारच्या कुरापती केल्या जाऊ शकतात. नागरिकांनी अशा पद्धतीचे व्हिडिओ कुठे टाकले गेले असेल तर जवळच्या पोलीस स्टेशनला लक्षात आणून देण्याचे आवाहन प्रशासनाने केले आहे. जिल्ह्यामध्ये आदर्श आचारसंहिता लागली असून कुटुंबप्रमुखांनी, वडीलधाऱ्यांनी आपल्या घरातील सर्व मोबाईलधारकांना या संदर्भात अवगत करावे. तसेच व्हॉट्सअप ग्रुपच्या सर्व ॲडमिनने यासंदर्भात आपल्या ग्रुपमध्ये सूचना टाकावी. निवडणुकीची आचारसंहिता संपल्यानंतरही सामाजिक स्वास्थ बिघडवेल, अशा पद्धतीची कोणतीही पोस्ट पडणार नाही, याची काळजी ॲडमिनने घ्यावी, अशीही प्रशासनाने सूचना केली आहे. समाज माध्यमे सर्वांच्या हाती असून याचा दुरुपयोग होता कामा नये. एखादी तथ्यहीन बातमी वाऱ्यासारखी पसरविण्याचे सामर्थ्य समाज माध्यमात आहे. त्यामुळे व्हॉटसअप व तत्सम प्रसार माध्यमांचा वापर करताना आदर्श आचारसंहिता लागू झाली असल्याची दक्षता प्रत्येकाने घेणे आवश्यक आहे. ग्रुप अॅडमिनने याबाबत विशेष काळजी घ्यावी, असे आवाहन एमसीएमसीमधील समाज माध्यम प्रमुखांनी केले आहे. 8669900676 या क्रमांकावर संपर्क साधा आक्षेपार्ह पोस्ट आढळल्यास समाज माध्यम कक्षाकडे तक्रार करण्याची, संबंधित पोस्ट फॉरवर्ड करण्याची सोय उपलब्ध करण्यात आली आहे. पोलीस प्रशासनाने हा 8669900676 नंबर दिला असून यावर आक्षेपार्ह पोस्ट कोणी केली असेल तर माहिती देण्याचे आवाहन पोलीस प्रशासनाने केले आहे. *******

जिल्हा प्रशासनाकडून मूलभूत सुविधा संदर्भात मतदान केंद्राची तपासणी

हिंगोली (जिमाका), दि. 24 : विधानसभा सार्वत्रिक निवडणूक-2024 च्या अनुषंगाने हिंगोली जिल्ह्यातील तिन्ही विधानसभा मतदार संघात एकूण 1015 मतदान केंद्रावरील मूलभूत सुविधांसंदर्भात मतदान केंद्राची जिल्हा प्रशासनाकडून तपासणी करण्यात आली. या सर्व केंद्रावर दिव्यांग व ज्येष्ठ नागरिक यांना मतदान करण्यास कोणतीही बाधा येऊ नये. तसेच त्यांचे मतदान सुलभ व्हावे, यासाठी किमान सुविधा उपलब्ध करून देणे आवश्यक आहे. त्यामध्ये व्हीलचेअर, रॅम्प, पिण्याचे पाणी, बसण्यासाठी खुर्ची, बाकडे, सुलभ शौचालय, वेटिंग शेड, बोधचिन्ह, अंध मतदारांसाठी ब्रेल व इतर सुविधाचा समावेश आहे. त्यानुषंगाने प्रशासनाच्या वतीने तपासणी करण्यात येत आहे. ज्या ठिकाणी सुविधांचा अभाव आहे तेथे तलाठी, ग्रामसेवक, शाळा मुख्याध्यापक यांनी आवश्यक ती कार्यवाही करणेबाबत जिल्हाधिकारी तथा जिल्हा निवडणूक अधिकारी अभिनव गोयल यांनी निर्देश दिले आहेत. ******

तिसऱ्या दिवशी हिंगोली जिल्ह्यात 58 अर्जांची उचल • वसमत येथे एक, कळमनुरी येथे एक, हिंगोली येथे तीन नामनिर्देशनपत्र दाखल

हिंगोली (जिमाका), दि. 24 : महाराष्ट्र विधानसभा सार्वत्रिक निवडणूक 2024 मध्ये आज हिंगोली जिल्ह्यात 28 इच्छुकांनी 58 अर्जांची उचल केली आहे. यामध्ये 92-वसमत विधानसभा मतदार संघात 8 जणांनी 8 अर्ज, 94-कळमनुरी विधानसभा मतदार संघात 10 जणांनी 23 अर्ज व 94-हिंगोली विधानसभा मतदारसंघात 10 जणांकडून 27 अर्ज असे जिल्ह्यात एकूण 28 इच्छुकांकडून 58 अर्जांची उचल केली आहे. तर 92-वसमत विधानसभा मतदारसंघात गुरु पारदेश्वर शिवाचार्य महाराज (जनसुराज्य शक्ती पक्ष) यांनी 1, 93-कळमनुरी विधानसभा मतदार संघात संतोष लक्ष्मणराव बांगर (शिवसेना) यांनी 1 अर्ज व 94-हिंगोली विधानसभा मतदार संघात तानाजी सखाराम मुटकुळे (भाजपा) यांनी 2, भाऊ पाटील गोरेगावकर (भारतीय राष्ट्रीय काँग्रेस) यांनी 1 असे एकूण 3 नामनिर्देशनपत्र दाखल केले आहेत. मंगळवार (दि.22) पासून राज्यात निवडणुकीची अधिसूचना प्रसिद्ध झाली असून, नामनिर्देशन पत्र विक्री व दाखल करण्याची प्रक्रियाही सुरू झाली आहे. मंगळवारी पहिल्या दिवशी 153 अर्जांची विक्री झाली. दुसऱ्या दिवशी बुधवारी 123 तर आज तिसऱ्या दिवशी 28 इच्छुकांकडून 58 अर्जांची विक्री झाली आहे. अशा तीन दिवसात जिल्ह्यात 334 अर्जांची विक्री झाली आहे. मंगळवार, दि. 29 ऑक्टोबर 2024 पर्यंत उमेदवारांना नामनिर्देशनपत्र दाखल करता येणार असल्याचे जिल्हा निवडणूक अधिकारी तथा जिल्हाधिकारी अभिनव गोयल यांनी सांगितले आहे. यावेळी 92-वसमत विधानसभा मतदार संघाचे निवडणूक निर्णय अधिकारी तथा उपविभागीय अधिकारी विकास माने, 93-कळमनुरी विधानसभा मतदार संघाचे निवडणूक निर्णय आधिकारी तथा उपविभागीय आधिकारी प्रतिक्षा भुते, 94-हिंगोली विधानसभेचे निवडणूक निर्णय अधिकारी तथा उपविभागीय अधिकारी समाधान घुटुकडे तसेच संबंधित विधानसभा मतदार संघाचे सहायक निवडणूक निर्णय अधिकारी तथा तहसीलदार यांच्यासह निवडणूक कामी नियुक्त अधिकारी-कर्मचारी उपस्थित होते. एका उमेदवारास जास्तीत जास्त 4 अर्ज घेता येतात. नामनिर्देशनपत्रे 29 ऑक्टोबरपर्यंत कोणत्याही दिवशी सकाळी 11 ते 3 वाजेपर्यंत सादर करता येतील. बुधवार, दि. 30 ऑक्टोबर रोजी नामनिर्देशनपत्रांची छाननी करण्यात येणार आहे. तर 4 नोव्हेंबर 2024 रोजी उमेदवारी अर्ज मागे घेण्याचा शेवटचा दिवस आहे. *******

जिल्ह्यात 14 केंद्रांवर होणार शिक्षक पात्रता परीक्षा • जिल्हाधिकारी श्री. गोयल यांनी घेतला आढावा

हिंगोली, दि. 24(जिमाका) : महाराष्ट्र राज्य शिक्षण परिषदेमार्फत दि. 10 नोव्हेंबर 2024 रोजी हिंगोली जिल्ह्यात शिक्षक पात्रता परीक्षा ही 14 केंद्रावर दोन सत्रात होणार असून, 4 हजार 831 उमेदवार परीक्षा देणार आहेत. या परीक्षेच्या यशस्वी आयोजनाबाबत जिल्हाधिकारी अभिनव गोयल यांनी संबंधितांना सूचना दिल्या. या बैठकीस जिल्हा शिक्षण व प्रशिक्षण संस्थेचे प्राचार्य दीपक साबळे, शिक्षणाधिकारी (मा) प्रशांत डिग्रसकर, शिक्षणाधिकारी (प्रा) संदीपकुमार सोनटक्के, जिल्हा परीरक्षक नितीन नेटके, सहायक जिल्हा परीरक्षक सुरेश सोनुने हे उपस्थित होते. ही परीक्षा सकाळ आणि दुपार अशा दोन सत्रात आयोजित केली आहे. सकाळी 1865 विद्यार्थी असून, त्यांची परीक्षेची वेळ रविवार सकाळी 10.30 ते दुपारी 1 वाजेपर्यंत आहे. दुपारच्या सत्रात 2 हजार 966 विद्यार्थी परीक्षा देणार असून, त्यांची वेळ दुपारी 2 ते 4.30 पर्यंत राहील. या होणाऱ्या शिक्षक पात्रता परीक्षेसाठी शालेय शिक्षण व क्रीडा विभाग संकीर्ण-2013 दि. 14 नोव्हेंबर 2023 नुसार जिल्हास्तरीय आयोजन व संनियत्रण समितीची बैठक जिल्हाधिकारी श्री. गोयल यांच्या अध्यक्षतेखाली आज पार पडली. विद्यार्थ्यांसाठी त्यांचे प्रवेशपत्र ऑनलाईन उपलब्ध केले असून, परीक्षेवेळी विद्यार्थ्यांना प्रवेशपत्राशिवाय प्रवेश दिला जाणार नाही. तसेच विद्यार्थ्यांनी पुरावा म्हणून मूळ ओळखपत्र, आधार कार्ड, मतदान कार्ड, पॅन कार्ड, ड्रायव्हिंग लायसन्स यापैकी कोणतेही एक ओळखीचा पुरावा सोबत बाळगणे अनिवार्य आहे. तसेच दोन पेपरसाठी स्वतंत्र प्रवेशपत्र असणे आवश्यक आहे. दोन पेपरसाठी बैठक क्रमांक वेगळा असणार आहे. त्यामुळे स्वतंत्र प्रवेशपत्र आवश्यक आहे. त्याशिवाय प्रवेश दिला जाणार नाही. विद्यार्थ्यांनी परीक्षेपूर्वी परीक्षा केंद्राची खात्री करून घेण्याच्या सुचना विद्यार्थ्यांना देण्यात आल्या आहेत. परीक्षा सुरू होण्यापूर्वी परीक्षार्थींना परीक्षा गृहात 20 मिनिटे आधी प्रवेश देण्यात येईल. त्यानंतर कोणत्याही परिस्थितीत परीक्षार्थीस परीक्षागृहात प्रवेश असणार नाही. विद्यार्थ्यांना परीक्षाकेंद्रात मोबाईल किंवा इतर कोणतेही इलेक्ट्रॉनिक गॅझेट आणण्यास निर्बंध केला आहे. विद्यार्थ्यांनी प्रवेश पत्राच्या मागे दिलेल्या सूचनाचे वाचन करावे. या बैठकीत जिल्हाधिकारी यांनी 4 भरारी पथकाची नियुक्ती करण्याच्या सूचना केलेल्या आहेत. तसेच शिक्षणाधिकारी (योजना) व शिक्षणाधिकारी (माध्यमिक) यांची 2 पथके असणार आहेत. महाराष्ट्र शिक्षक पात्रता परीक्षा-2024 सुरळीत पार पाडावी, यासाठी परीक्षा परिषदेमार्फत प्रत्येक परीक्षा दालनात, केंद्राच्या प्रवेशव्दारावर केंद्र नियंत्रण कक्षात सीसीटीव्ही कॅमेरे बसवण्यात येणार आहेत. उमेदवाराची तपासणी करिता फिंगरप्रिंट व फेस स्कॅनिंग, फ्रिस्किंग इ. सुविधा प्रत्येक केंद्रात देण्यात येणार आहेत. तसेच सदर परीक्षेसाठी पुरेशा प्रमाणावर पोलीस बंदोबस्त पुरविण्यात येणार असून, परीक्षा केंद्राच्या बाहेर 100 मीटरच्या आत कोणतेही झेरॉक्स मशीन चालू राहणार नाही, याची दक्षता घेण्याच्या सूचना जिल्हाधिकारी अभिनव गोयल यांनी दिल्या आहेत. *****

हिंगोली जिल्ह्यात जनजागृती रथ करणार मतदारांमध्ये जागृती • मतदानाची टक्केवारी वाढविण्यासाठी जिल्हा प्रशासनाचे प्रयत्न

हिंगोली (जिमाका),दि. 23: जिल्ह्यात लोकसभा निवडणुकीच्या तुलनेत विधानसभा सार्वत्रिक निवडणुकीत मतदानाची टक्केवारी वाढावी, यासाठी स्वीप पथकाच्या माध्यमातून मतदान जनजागृती कार्यक्रम घेण्यात येत आहेत. त्याच अनुषंगाने ‘मतदान जनजागृती रथा’च्या माध्यमातून कमी मतदान झालेल्या मतदान केंद्रावर विविध प्रकारचे संदेश देत मतदान जनजागृती करण्यात येत आहे. या रथाला हिरवी झेंडी दाखवून जिल्हा नोडल अधिकारी तथा शिक्षणाधिकारी संदीप सोनटक्के आणि प्रशांत दिग्रसकर यांनी मोहिमेवर रवाना केले. सार्वत्रिक लोकसभा निवडणूक 2024 मध्ये हिंगोली लोकसभा मतदार संघात झालेल्या मतदानामध्ये वृद्धी करण्यासाठी हे जनजागृती अभियान राबविण्यात येत आहे. हिंगोली जिल्ह्यातील तीनही विधानसभा मतदारसंघात मतदानाची टक्केवारी वाढावी; या सार्वत्रिक निवडणुकीत किमान 75 टक्के मतदान व्हावे, असा जिल्हाधिकारी तथा जिल्हा निवडणूक निर्णय अधिकारी अभिनव गोयल यांचा प्रयत्न आहे. त्यामुळे या निवडणुकीत जिल्ह्यातील 5 लक्ष 9 हजार 17 पुरुष आणि महिला 4 लक्ष 72 हजार 403 मतदार असे एकूण 9 लक्ष 81 हजार 430 मतदारांनी मतदानाचा हक्क बजावावा, असे आवाहनही या जनजागृती रथाच्या माध्यमातून करण्यात येणार आहे. याप्रसंगी तालुका नोडल अधिकारी नितीन नेटके, जिल्हा स्वीपचे सदस्य विजय बांगर, बालाजी काळे, कोकरे तसेच 94-हिंगोली विधानसभा स्वीप सदस्य संजय मेथेकर, विनोद चव्हाण, सुदर्शन सोईतकर, माणिक ढोकळे, राजकुमार मोरगे आणि श्याम स्वामी तसेच पंचायत समिती हिंगोली आणि जिल्हा परिषद हिंगोली येथील कर्मचारी उपस्थित होते. ***

दुसऱ्या दिवशी हिंगोली जिल्ह्यात 123 अर्जांची उचल • वसमत येथे एक नामनिर्देशनपत्र दाखल

हिंगोली, दि. 23(जिमाका): महाराष्ट्र विधानसभा सार्वत्रिक निवडणूक 2024 मध्ये आज हिंगोली जिल्ह्यात 56 इच्छुकांनी 123 अर्जांची उचल केली आहे. तर 92-वसमत विधानसभा मतदारसंघात जगन्नाथ लिंबाजी अडकिने यांनी नामनिर्देशनपत्र दाखल केले आहे. मंगळवार (दि.22) पासून राज्यात निवडणुकीची अधिसूचना प्रसिद्ध झाली असून, नामनिर्देशन पत्र विक्री व दाखल करण्याची प्रक्रियाही सुरू झाली आहे. मंगळवारी पहिल्या दिवशी 153 अर्जांची विक्री झाली. तर आज दुसऱ्या दिवशी 56 इच्छुकांकडून 123 अशा दोन दिवसात जिल्ह्यात 276 अर्जांची विक्री झाली आहे. मंगळवार, दि. 29 ऑक्टोबर 2024 पर्यंत उमेदवारांना नामनिर्देशनपत्र दाखल करता येणार असल्याचे जिल्हा निवडणूक अधिकारी तथा जिल्हाधिकारी अभिनव गोयल यांनी सांगितले आहे. यावेळी 92-वसमत विधानसभा मतदार संघाचे निवडणूक निर्णय अधिकारी तथा उपविभागीय अधिकारी विकास माने, 93-कळमनुरी विधानसभा मतदार संघाचे निवडणूक निर्णय आधिकारी तथा उपविभागीय आधिकारी प्रतिक्षा भुते, 94-हिंगोली विधानसभेचे निवडणूक निर्णय अधिकारी तथा उपविभागीय अधिकारी समाधान घुटुकडे तसेच संबंधित विधानसभा मतदार संघाचे सहायक निवडणूक निर्णय अधिकारी तथा तहसीलदार यांच्यासह निवडणूक कामी नियुक्त अधिकारी-कर्मचारी उपस्थित होते. एका उमेदवारास जास्तीत जास्त 4 अर्ज घेता येतात. नामनिर्देशनपत्रे 29 ऑक्टोबरपर्यंत कोणत्याही दिवशी सकाळी 11 ते 3 वाजेपर्यंत सादर करता येतील. बुधवार, दि. 30 ऑक्टोबर रोजी नामनिर्देशनपत्रांची छाननी करण्यात येणार आहे. तर 4 नोव्हेंबर 2024 रोजी उमेदवारी अर्ज मागे घेण्याचा शेवटचा दिवस आहे. *******

आचारसंहिता भंगाच्या तक्रारी सी-व्हीजील ॲप, 1950 नि:शुल्क क्रमांकावर दाखल करण्याचे आवाहन

हिंगोली, दि. 23 (जिमाका): जिल्ह्यामध्ये विधानसभा सार्वत्रिक निवडणुकीची आचारसंहिता लागू झाली आहे. या काळात आदर्श आचारसंहितेचे भंग झाल्यास सी-व्हीजील अॅपवर तसेच 1950 या नि:शुल्क क्रमांकावर नागरिकांनी तक्रार करावी, असे आवाहन जिल्हाधिकारी अभिनव गोयल यांनी केले आहे. विधानसभा सार्वत्रिक निवडणूक-2024 निवडणुकीसाठी भारत निवडणूक आयोग यांच्याकडून 15 ऑक्टोंबरला घोषणा करण्याभत आल्यातमुळे संपूर्ण महाराष्ट्रप राज्या5त व जिल्ह्या त आदर्श आचासंहिता लागू झाली आहे. आचारसंहिता लागू झालेल्या दिनांकापासून जिल्ह्या त निवडणूक संदर्भात आदर्श आचारसं‍हितेचा भंग होत असल्यालस नागरीकांनी सी-व्हीजील ॲपद्वारे तसेच १९५० या टोल फ्रि क्रमांकावर फोन करून तक्रारी दाखल करु शकतात. सदरील तक्रारीचे फिल्डकस्त रावरील एफएसटी टिमद्वारे प्राप्त तक्रारींची शहानिशा करून तक्रार १०० मिनिटांत निकाली काढण्याात येते. त्या साठी जिल्हाास्तारावर जिल्हाए नियंत्रण कक्ष स्था पन करण्याात आले आहे. नागरीक सी-व्हीजील ॲपद्वारे जर कोणी बंदुक/पिस्तु्ल प्रदर्शन करणे, दारु वाटप, पैसे वाटप, सरकारी मालमत्ते.चे विद्रुपन, बनावट बातमी, मतदारांची वाहतूक, भेटवस्तू वाटप, पेड न्यूज, जातीत तेढ निर्माण करणारे भाषण, धमकी इत्याादी बाबत प्रकार होत असल्यागस अशा घटनांचे सी-व्हीजील अॅपद्वारे फोटो, व्हिडीओ तसेच ऑडिओ रेकॉर्ड करून ऑनलाईन तक्रारी दाखल करू शकतात. नागरिकांनी या सुविधांचा वापर करावा, असे आवाहन जिल्हाधिकारी श्री. गोयल यांनी केले आहे. ******

हिंगोली जिल्ह्यातील विद्यार्थी देणार पालकांना मतदानाचे भेटकार्ड • मतदान जनजागृतीसाठी हिंगोली जिल्हा स्वीप समितीचा अभिनव उपक्रम

हिंगोली, दि.23 (जिमाका): जिल्ह्यात महाराष्ट्र विधानसभा सार्वत्रिक निवडणुकीची आदर्श आचारसंहिता लागू झाली असून, 20 नोव्हेंबरला होणाऱ्या विधानसभा निवडणुकीच्या अनुषंगाने मतदानाची टक्केवारी वाढवण्यासाठी स्विप समिती वेगवेगळे उपक्रम राबवत आहे. दिवाळी सणाची आणि सुट्ट्यांची चाहूल विद्यार्थ्यांना लागली असताना दिवाळी भेट कार्ड मोठ्या प्रमाणात ते तयार करून भेट देत असतात. हाच धागा पकडून शालेय- महाविद्यालयीन विद्यार्थिनींनी पालकांना निवडणुकीवर विविध प्रकारचे भेट कार्ड तयार करून भेट देण्याचे आवाहन जिल्हा स्वीप नोडल अधिकारी प्रशांत दिग्रसकर आणि संदीप सोनटक्के यांनी यावेळी केले आहे. विद्यार्थ्यांनी स्वतः निवडणूक विषयाच्या अनुषंगाने बनवलेले भेट कार्ड पालकांना देतानाचे फोटो प्रसार माध्यम, समाज माध्यमावर प्रसारित करण्याचेही आवाहन यावेळी करण्यात आले आहे. #vidhansabha nivadnuk, #मी मतदान करणार #election 2024 इत्यादी हॅशटॅग वापरण्याचेही सांगण्यात आले आहे. बहुसंख्येने आणि नाविन्यपूर्ण भेट कार्ड बनवण्यासाठी प्रेरित करणाऱ्या केंद्रप्रमुखांना जिल्हाधिकारी यांच्या स्वाक्षरीच्या प्रमाणपत्राने गौरविण्यात येणार असल्याचेही जिल्हा स्विप नोडल अधिकारी प्रशांत डिग्रसकर व संदीप सोनटक्के यांनी सांगितले आहे. ******

वेतन, सण अग्रीमांची देयके आजच कोषागारात सादर करण्याचे आवाहन

हिंगोली (जिमाका), दि. 23 : राज्याच्या लेखा व कोषागारे संचालनालयाचे संचालक यांनी आभासी बैठकीत दिलेल्या निर्देशानुसार वेतन व उत्सव अग्रिम देयाकांबाबत सूचना दिल्या आहेत. त्यानुसार जिल्ह्यातील सर्व आहरण व संवितरण अधिकारी यांनी उद्या गुरुवारी 24 ऑक्टोबर 2024 रोजीच आपली वेतन व उत्सव अग्रिमांची देयके कोषागारात सादर करण्याची दक्षता घ्यावी. त्यानुसार वेतन वेळेवर करणे सोईचे होईल, असे जिल्हा कोषागार अधिकारी यांनी कळविले आहे. 26 ऑक्टोबर ते 29 ऑक्टोबर 2024 या कालावधीत कोषागाराची संगणकीय प्रणाली बंद रहाणार आहे. त्यामुळे या कालावधीत कोणतीही देयके स्वीकारली जाणार नसल्याने वेतन अथवा उत्सव अग्रिमांच्या देयकास विलंब झाल्यास त्याची सर्वस्वी जबाबदारी संबंधित आहरण व संवितरण अधिकारी यांची राहील, असे जिल्हा कोषागार कार्यालयाने प्रसिद्धीस दिलेल्या पत्रकात म्हटले आहे. ******

विधानसभा निवडणुकीत काळ्या पैशाचा वापर रोखण्यासाठी प्राप्तीकर विभागाला माहिती देण्याचे आवाहन

हिंगोली, दि.23 (जिमाका) : महाराष्ट्र विधानसभा निवडणूक-2024 दरम्यान काळ्या पैशाचा वापर रोखण्यासाठी सर्वसामान्य नागरिक तथा मतदारांनी प्राप्तिकर विभागाशी संपर्क साधावा. या निवडणुकती काळा पैसा वापरला जात असल्याची माहिती, रोख रकमेचे वाटप, रोख रकमेची हालचाल याबाबत विश्वसनीय माहिती देण्यास संकोच करू नये. माहिती देणाऱ्यांची ओळख गुप्त ठेवण्यात येईल. यासाठी सर्वसामान्य जनतेनी प्राप्तीकर विभागाच्या टोल फ्री क्रमांक 1800-233-0355 व 1800-233-0356 या क्रमांकावर तसेच व्हॉट्सअप क्रमांक 9403390980 (छायाचित्रे, व्हिडिओ इत्यादी पाठविण्यासाठी) व nagpur.addldit.inv@incometax.gov.in, nashikaddldit.inv@incometax.gov.in या ई-मेलवर माहिती द्यावी, असे आवाहन उप आयकर निदेशक (अन्वेषण) अनिल खडसे यांनी केले आहे. ******

निवडणूक निरीक्षक (खर्च) अर्जुन प्रधान यांची जिल्हा संपर्क केंद्र व तक्रार निवारण कक्षाला भेट

हिंगोली (जिमाका), दि. 23: निवडणूक निरीक्षक (खर्च) अर्जुन प्रधान यांनी विधानसभा निवडणुकीच्या अनुषंगाने स्थापन करण्यात आलेल्या जिल्हा संपर्क केंद्र व तक्रार निवारण कक्षाला भेट देऊन पाहणी केली. पथक प्रमुख ग. गो. चितळे यांनी निवडणूक कालावधीमध्ये या कक्षाचे कामकाज 24X7 सुरू असून, तक्रार निवारण कक्षातील कार्यान्वित 1950 या निशुल्क क्रमांकावर येणाऱ्या कॉल्सची तात्काळ दखल घेत कार्यवाही करण्यात येत असल्याची माहिती दिली. जिल्हा संपर्क केंद्र व तक्रार निवारण कक्षाकडे आतापर्यंत 1950 निशुल्क क्रमांकावर 14 तक्रारी प्राप्त झाल्या होत्या. त्या सर्व तक्रारींचे वेळेत निराकरण करण्यात आल्याचे पथकप्रमुख श्री. चितळे यांनी सांगितले. निवडणूक निरीक्षक अन्वर अली यांनी येथील कामकाजाबाबत समाधान व्यक्त करत निवडणूक कालावधीत या कक्षाने अधिक सक्रियपणे काम करण्याच्या सूचना दिल्या. निवडणूक निरीक्षकांनी जिल्हा सूचना केंद्रामध्ये स्थापन करण्यात आलेल्या तांत्रिक कक्षाला भेट देऊन ई-एसएमएस, सी-व्हिजील ॲपची माहिती घेतली. यावेळी पथकप्रमुख अब्दुल बारी यांनी याबाबत त्यांना माहिती दिली. यावेळी जिल्हा निवडणूक अधिकारी अभिनव गोयल, उप जिल्हा निवडणूक अधिकारी रामेश्वर रोडगे यांच्यासह अधिकारी कर्मचारी उपस्थित होते. *******

निवडणूक निरीक्षक (खर्च) अर्जुन प्रधान यांची माध्यम प्रमाणीकरण व संनियंत्रण समिती कक्षाला भेट

हिंगोली, दि.23 (जिमाका): विधानसभा सार्वत्रिक निवडणूक-2024 च्या अनुषंगाने 92-वसमत, 93-कळमनुरी व 94-हिंगोली विधानसभा मतदारसंघासाठी नियुक्त निवडणूक निरीक्षक (खर्च) अर्जुन प्रधान यांनी आज जिल्हा माहिती कार्यालयात स्थापन जिल्हा माध्यम प्रमाणीकरण आणि संनियंत्रण समिती कक्षाला भेट देत पाहणी केली. हिंगोली जिल्ह्यातील 92-वसमत, 93-कळमनुरी आणि 94-हिंगोली या तीन विधानसभा मतदारसंघाचे ते निवडणूक निरीक्षक (खर्च) म्हणून काम पाहणार आहेत. जिल्हा निवडणूक अधिकारी अभिनव गोयल, उपजिल्हा निवडणूक अधिकारी रामेश्वर रोडगे, श्री.प्रधान यांचे संपर्क अधिकारी तथा उप लेखा अधिकारी शशीकिरण उबाळे, सहायक माहिती अधिकारी चंद्रकांत कारभारी, माध्यम कक्षातील प्रा. सुरेश कोल्हे, मारोतराव पोले, श्रीमती आशा बंडगर, कैलास लांडगे, परमेश्वर सुडे आदी यावेळी उपस्थित होते. माध्यम प्रमाणीकरण आणि संनियंत्रण समितीकडे येणारे राजकीय जाहिरातींचे प्रमाणीकरण, वृत्तवाहिन्यांवरील जाहिरातींचे संनियंत्रण, पेड न्यूजवर लक्ष ठेवणे, निवडणूक आचारसंहिता कालावधीत माध्यमांमध्ये येणारे वृत्त वाचन करून जिल्हा निवडणूक निर्णय अधिकारी यांच्या ते निदर्शनास आणून देणे, पेड न्यूजचे अहवाल, माध्यमांना निवडणुकीसंदर्भातील माहिती वेळेत उपलब्ध करून देण्याचे निर्देश निवडणूक निरीक्षक (खर्च) अर्जुन प्रधान यांनी माध्यम प्रमाणीकरण आणि संनियंत्रण समितीला दिले. यावेळी प्रसारमाध्यमांना निवडणूकविषयक विविध आढावा बैठकांचे वृत्त, पत्रकार परिषदांचे आयोजन, वृत्तपत्रांतील वृत्ताचे संकलन करून त्यावर आवश्यक कार्यवाही करणे, निवडणूकविषयक बातम्यांबाबत अहवाल तयार करून तो भारत निवडणूक आयोग व राज्य निवडणूक आयोगाला सादर करणे याबाबतची माहिती पथकप्रमुख तथा जिल्हा माहिती अधिकारी प्रभाकर बारहाते यांनी निवडणूक निरीक्षक श्री. प्रधान यांना दिली. ******

विधानसभा सार्वत्रिक निवडणूक 2024 निवडणूक निरीक्षक (खर्च) यांच्याकडून पथक प्रमुखांचा आढावा, निवडणुका पारदर्शक, निर्भय वातावरणात पार पाडण्यासाठी बारकाईने लक्ष ठेवावे - निवडणूक निरीक्षक (खर्च) अर्जुन प्रधान

हिंगोली (जिमाका),दि.23 : विधानसभा सार्वत्रिक निवडणूक-2024 ची आदर्श आचार संहिता मतदारसंघात लागू झाली असून, नामनिर्देशन पत्रेही उमेदवारांकडून दाखल केली जात आहेत. त्यामुळे भारत निवडणूक आयोगाच्या निर्देशानुसार निवडणूक पारदर्शक व भयमुक्त वातावरणात पार पाडण्यासाठी निवडणूकविषयक सर्व बाबींवर बारकाईने लक्ष ठेवून कामकाज करावे, अशा सूचना निवडणूक निरीक्षक (खर्च) अर्जुन प्रधान यांनी पथक प्रमुखांच्या आयोजित आढावा बैठकीत दिल्या. हिंगोली जिल्ह्यातील 92-वसमत, 93-कळमनुरी व 94-हिंगोली विधानसभा सार्वत्रिक निवडणुकीच्या अनुषंगाने आज जिल्हाधिकारी कार्यालयाच्या नियोजन समिती सभागृहात आयोजित बैठकीत निवडणूक खर्च निरीक्षक अर्जुन प्रधान यांनी सर्व पथक प्रमुखांचा आढावा घेतला. निवडणूक कालावधीमध्ये तक्रार असल्यास निरीक्षक अर्जुन प्रधान यांच्याशी (9900845990) व त्यांचे संपर्क अधिकारी शशीकिरण उबाळे (9763726995) यांच्याशी संपर्क साधण्याचे आवाहन त्यांनी केले. यावेळी जिल्हाधिकारी तथा जिल्हा निवडणूक अधिकारी अभिनव गोयल, पोलीस अधीक्षक श्रीकृष्ण कोकाटे, अपर जिल्हाधिकारी खुशालसिंह परदेशी, निवासी उपजिल्हाधिकारी अभिमन्यू बोधवड, उपजिल्हा निवडणूक अधिकारी रामेश्वर रोडगे व्यासपीठावर उपस्थित होते. राजकीय पक्षाचे सनियंत्रण करण्यासाठी विविध समिती व भरारी पथकांची नेमणूक करण्यात आली आहे. यामध्ये व्हिडिओ सनियंत्रण समिती (व्हीएसटी), व्हिडीओ पाहणारा चमू (व्हीव्हीटी), स्थिर संनियंत्रण चमू (एसएसटी), लेखांकन करणारा चमू, भरारी पथक, माध्यम प्रमाणीकरण आणि संनियत्रण समितीच्या पथक प्रमुखांनी खर्चाच्या नोंदी अचूक ठेवाव्यात. उमेदवाराने घेतलेल्या खर्चाचा ताळमेळ नोंदी व पथकप्रमुखाच्या नोंदी अचूक असल्याची बाब जाणीवपूर्वक तपासून घ्यावी. अभिरुप नोंदवहीतील नोंदी अद्यावत ठेवाव्यात. तसेच एसएसटी आणि एफएसटी या पथकांनी आपली जबाबदारी दक्षतेने पार पाडावी. निवडणूक कालावधीमध्ये तपासणी नाक्यांवर तपासणी करताना कोणतीही दिरंगाई करू नये, कर्तव्यावर असलेल्या पथक प्रमुख आणि पथकातील अधिकारी व कर्मचाऱ्यांनी हलगर्जीपणा केल्यास योग्य ती दंडात्मक कारवाई करण्यात येईल, असे निर्देश अर्जुन प्रधान यांनी यावेळी सांगितले. विधानसभा मतदार संघनिहाय सहायक निवडणूक खर्च निरीक्षकांनी दैनंदिन नोंदी त्याच दिवशी अभिरुप ताळमेळ नोंदवहीत अचूकपणे नोंदवाव्यात. यामध्ये अजिबात दिरंगाई होणार नाही, याची दक्षता घ्यावी. तसेच उमेदवारांचे निवडणुकीशी संबंधित स्वतंत्र बँक खाते असणे आवश्यक आहे. उमेदवारांच्या बँक खात्यातून दैनंदिन काढण्यात येणाऱ्या रकमेवर तसेच युपीआयद्वारे वितरीत करण्यात येणाऱ्या रकमेवर बारकाईने लक्ष ठेवावेत. निवडणुकीत गैरव्यवहार प्रकरणी नागरिकांकडून तक्रार प्राप्त होताच त्याचे तात्काळ निवारण करून निकाली काढावेत. तसेच सर्व पथक प्रमुखांनी समन्वयाने काम करावेत. इतर विभागाशी संबंधित माहिती मिळाल्यास ती माहिती संबंधित विभागास कळवावी. जेणेकरुन त्याच्यावर कारवाई करणे सोयीचे होईल. तसेच मतदार संघात मद्य वाटप होणार नाही यावर लक्ष ठेवावे, अशा सूचना श्री. प्रधान यांनी दिल्या. बैठकीच्या सुरुवातीला जिल्हाधिकारी तथा जिल्हा निवडणूक अधिकारी अभिनव गोयल यांनी विधानसभा निवडणुकीच्या अनुषंगाने झालेल्या तयारीची सविस्तर माहिती सादरीकरणाद्वारे दिली. कायदा व सुव्यवस्थेच्या अनुषंगाने केलेल्या तयारीची माहिती पोलीस अधीक्षक श्रीकृष्ण कोकाटे यांनी दिली. तसेच यावेळी आदर्श आचारसंहितेच्या अंमलबजावणीची माहिती पथक प्रमुख नामदेव केंद्रे, खर्च नियंत्रण समितीचे पथक प्रमुख दिगंबर माडे, ईएसएमएसबाबत उत्पादन शुल्क विभागाचे अधीक्षक आदित्य पवार, जिल्हा सूचना व विज्ञान अधिकारी बारी सिध्दीकी, जिल्हा ॲग्रणी बँकेचे व्यवस्थापक पंकज बोरकर, जिल्हा माध्यम व प्रमाणन समितीचे पथक प्रमुख प्रभाकर बारहाते, आयकर अधिकारी जी. बी. आठवले, वस्तू व सेवा कर कार्यालयाचे सहायक आयुक्त दीपक खंदारे तसेच संबंधित विधानसभा मतदार संघाचे सहायक निवडणूक खर्च निरीक्षक शोभा मुंडे (वसमत), नामदेव राठोड (कळमनुरी) व राम दंडे (हिंगोली) यांनी विधानसभा निवडणुकीशी संबंधित कामकाजाच्या तयारीबाबतची माहिती दिली. जिल्हा तिन्ही विधानसभा मतदारसंघाचे खर्च समितीचे प्रमुख यांच्यासह विविध कामकाज करण्यासाठी नेमण्यात आलेले पथक प्रमुख, व्हीएसटी, व्हीव्हीटी, एसएसटी, लेखांकन करणारा पथक, भरारी आदी पथकाचे वसमत, कळमनुरी, हिंगोली विधानसभा मतदार संघातील प्रमुख यांची उपस्थिती होती. *****

वसमतचे निवडणूक निर्णय अधिकारी विकास माने यांच्याकडून विविध पथकांचा आढावा

हिंगोली (जिमाका), दि. 22 : वसमत विधानसभा मतदारसंघाचे निवडणूक निर्णय अधिकारी विकास माने यांनी आज विविध पथक प्रमुखांची 92-वसमत विधानसभा निवडणूक पूर्वतयारीबाबत आढावा बैठक घेत विविध सूचना दिल्या. सर्वप्रथम निवडणुकीसाठी तयार करण्यात आलेले व्हीएसटी आणि व्हीव्हीटी व व्हिडीओग्राफरची विधानसभा निवडणुकीच्या अनुषंगाने बैठक घेण्यात आली. या बैठकीला पथकातील अधिकारी व कर्मचारी तसेच व्हिडीओग्राफर हे उपस्थित होते. व्हीव्हीटी पथकाने नेमून दिलेल्या कार्यक्षेत्रात प्रत्यक दिवशी सभा, रॅली, इत्यादी बाबतचे चित्रीकरण करण्यात आलेल्या व्हीडीओची पाहणी करावी. व्हीएसटी पथकातील नोडल अधिकारी यांनी राजकीय पक्षाची सभा असलेल्या ठिकाणी वापरलेल्या साहित्याचे चित्रीकरण करताना नोडल अधिकाऱ्यांनी मंडप, खुर्ची, सतरंजी, स्टेज, लाउडस्पीकर याबाबत सविस्तर माहिती देण्याचे निवडणूक निर्णय अधिकारी श्री. माने यांनी सांगितले. आजपासून उमेदवारी अर्ज भरणे सुरू झाले असून, या सर्व प्रक्रियेचे छायाचित्रण करावे. सोबतच सर्वांनी निवडणूक विभागाकडून आपले ओळखपत्र तयार करून स्वत:कडे ठेवण्याच्या सूचना दिल्या. उमेदवाराने उमेदवारी अर्ज भरल्याची माहिती या पथकास देण्यात येईल. त्याप्रमाणे त्यांनी संबंधित उमेदवार एखादी प्रचार सभा किवा कॉर्नर सभा घेत असल्यास त्यांनी त्यासाठी अधिकृत परवानगी घेतल्याबाबत चौकशी अहवाल पथकप्रमुखांकडे सादर करण्याचे निर्देश दिले. मतदानाच्या दिवशी मतदान केंद्रावरील सर्व छायाचित्रण करावे. मतदान केंद्रांच्या 100 मीटर परिसरातील नियमांचे उल्लंघन केल्यास तसेच उमेदवारी अर्ज मागे घेण्यासाठी आल्यास त्याचे चित्रीकरण करावे तसेच मतदान यंत्र सील करतेवेळी चित्रिकरण करावे. खर्च नियंत्रण कक्षाने उमेदवाराने केलेल्या खर्चाच्या बाबी तपासून केलेल्या खर्चाची तपासणी करावी. तसेच संबंधित उमेदवारास योग्य सूचना देण्याबाबत त्यांनी सांगितले. *****