निवडणूक निरीक्षक (पोलीस) डॉ.राकेशकुमार बन्सल यांची नियुक्ती

हिंगोली (जिमाका), दि. 28 : भारत निवडणूक आयोगाने हिंगोली जिल्ह्यातील 92-वसमत, 93-कळमनुरी व 94-हिंगोली विधानसभा मतदार संघासाठी डॉ.राकेशकुमार बन्सल यांची निवडणूक निरीक्षक (पोलीस) म्हणून नियुक्ती केली आहे. डॉ. राकेशकुमार बन्सल हे दिल्ली केडरचे 2010 चे आयपीएस अधिकारी आहेत. त्यांचा संपर्क क्रमांक 9284434196 असा आहे. डॉ. राकेशकुमार बन्सल हे हिंगोली येथील शासकीय विश्रामगृह येथे राजकीय पक्षाचे प्रतिनिधी, नागरिकांना भेटण्यासाठी उपलब्ध असतील. निवडणूक कालावधीमध्ये सहायक पोलीस निरीक्षक गजानन बोराटे हे त्यांचे संपर्क अधिकारी आहेत. कोणत्याही राजकीय पक्ष, उमेदवार, नागरिक किंवा मतदाराची तक्रार असल्यास संपर्क साधता येईल, असे उपजिल्हा निवडणूक अधिकारी रामेश्वर रोडगे यांनी कळविले आहे. ******