भारतरत्न डॉ. बाबासाहेब आंबेडकर सामाजिक
समता सप्ताहनिमित्त रक्तदान शिबीर संपन्न
हिंगोली,दि.10: भारतरत्न डॉ. बाबासाहेब आंबेडकर यांच्या 127 व्या
जयंती निमित्त जिल्ह्यात सामाजिक समता सप्ताह राबविण्यात येत असून सप्ताहनिमित्त जिल्हा
सामान्य रुग्णालय, हिंगोली यांच्या सहकार्याने आज येथील डॉ. बाबासाहेब आंबेडकर सामाजिक
न्याय भवन येथे रक्तदान शिबीराचे आयोजन करण्यात आले होते.
सामाजिक
समता सप्ताह निमित्त आयोजित रक्तदान शिबीराचे उद्घाटनप्रसंगी सर्वप्रथम मान्यवरांच्या
हस्ते महात्मा ज्योतिबा फुले, राजश्री शाहु महाराज, भारतरत्न डॉ. बाबासाहेब आंबेडकर
यांच्या प्रतिमेचे पुष्पपुजन करुन मान्यवरांचा सत्कार करण्यात आला. यावेळी अप्पर जिल्हाधिकारी
जगदिश मिणीयार, जिल्हा जात प्रमाणपत्र पडताळणी समितीचे उपायुक्त तथा सदस्य बी. एस.
केंद्रे, सदस्य सचिव तथा संशोधन अधिकारी डॉ. सी. के. कुलाल, समाज कल्याण सहाय्यक आयुक्त
भाऊराव चव्हाण आणि जिल्हा समाज कल्याण अधिकारी गिता ज्ञानदेव गुठ्ठे यांची उपस्थिती होती.
यावेळी
समाज कल्याण सहाय्यक आयुक्त भाऊराव चव्हाण यांनी त्यांच्या सुविद्य पत्नी श्रीमती मोनिका
भाऊराव चव्हाण यांच्यासह स्वत: रक्तदान केले.
तसेच यावेळी रवि खंदारे, व्हि. एन. खरडकर, बी. के. वाकळे, रणजीत भराडे, लक्ष्मण रणखांबे,
सिध्दार्थ ढगे, भिमराव काशिदे, श्रीराम ठोंबरे, सदाशिव काशिदे, विश्वनाथ बिहाडे, नितिन
कदम, सिध्दार्थ गोंवदे, सखाराम चव्हाण, संतोष होडबे, गजानन बिहाडे, राहुल कांबळे, प्रविण
टोपरे, रावजी बलखंडे, सचिन सोळंके, धम्मदिप वानखेडे, हरिशंकर भुसारे, भागवत घोडेकर,
लक्ष्मण भंडगे, गजानन सोनुळे, क्षितिज आठवले, नितिन राठोड, सचिन व्यास, किसन शिंदे
आणि दत्तात्रय गिराम आदी ३१ रक्तदांत्यानी रक्तदान केले.
सामाजिक
समता सप्ताहनिमित्त रक्तदान कार्यक्रमाचे सुत्रसंचालन अशोक इंगोले-समाता दुत यांनी
केले तसेच आभार प्रदर्शन नागनाथ नकाते यांनी केले. जिल्हा जात प्रमाणपत्र पडताळणी समितीचे
पोलीस निरीक्षक जगन गणपती पवार, बार्टीचे जिल्हा प्रकल्प अधिकारी सिध्दार्थ गोवंदे, विशाल इंगोले तसेच शासकीय वसतिगृहातील
गृहपाल व कर्मचारी आणि मागासवर्गीय आर्थिक विकास महामंडळातील सर्व कर्मचारी आणि सामाजिक
न्याय विभागातील कर्मचारी यांची उपस्थिती होती.
00000
