हिंगोली (जिमाका), दि. 09 : जागतिक बँक अर्थसहायित मा. बाळासाहेब ठाकरे कृषि व्यवसाय व ग्रामीण परिवर्तन (स्मार्ट) प्रकल्प अंतर्गत टीएसए (प्लॅडियम) संस्थेमार्फत समुदाय आधारित संस्थेच्या संचालकांची जिल्हास्तरीय एक दिवसीय कार्यशाळा आज येथील जिल्हा अधीक्षक कृषी अधिकारी कार्यालयाच्या आत्मा सभागृहात आयोजित करण्यात आली होती.
यावेळी ॲक्सेस टू फायनान्स प्रोक्रूमेंट असोसिएट आरआययूचे हनुमंत आरदवाड, ॲग्री बिझनेस असोसिएट आरआययूचे मंगेश लांबाडे, फूड सेफ्टी ॲन्ड क्वालिटी असोसिएट आरआययूचे सचिन कच्छवे, जिल्हा समन्वयक वैभव तांबडे, यांच्या सर्व टीमने समुदाय आधारित संस्थेच्या संचालकांना विविध विषयांवर प्रात्यक्षिकपणे मार्गदर्शन केले. या कार्यशाळेचे प्रास्ताविक जी. बी. बंटेवाड यांनी केले.
या कार्यशाळेस जिल्हा अंमलबजावणी कक्षाचे नोडल अधिकारी जी.बी. बंटेवाड, पुरवठा व मूल्यसाखळी तज्ञ जी. एच. कच्छवे व कार्यालयातील अधिकारी, कर्मचारी, कंपनीचे संचालक उपस्थित होते. या कार्यशाळेचे सूत्रसंचालन वैभव तांबडे यांनी केले, तर आभार प्रदर्शन जी. एच. कच्छवे यांनी केले.
******
No comments:
Post a Comment