हिंगोली जिल्ह्यात मागील 24 तासात सरासरी 56 मिमी पाऊस

• जिल्ह्यातील 11 मंडळात अतिवृष्टी हिंगोली (जिमाका), दि. 28 : जिल्ह्यात गेल्या 24 तासात सरासरी 55.5 मिलीमीटर पावसाची नोंद झाली असून, वसमत तालुक्यात सर्वात जास्त 89.2 मि.मी. पाऊस झाला आहे. तर सेनगाव तालुक्यात सर्वात कमी 30 मि.मी. पाऊस पडला आहे. जिल्ह्यात आज सकाळपर्यंत नोंदला गेलेला तालुकानिहाय सरासरी पाऊस पुढीलप्रमाणे असून कंसातील आकडेवारी 1 जूनपासून आजपर्यंत झालेल्या पावसाची आहे. हिंगोली 30.1(989.7), कळमनुरी 82.8 (1244.4), वसमत 89.2 (1293.7), औंढा नागनाथ 38.5 (1191.2) आणि सेनगाव तालुक्यात 30 (896.3) मि. मी. पाऊस पडला आहे. सर्व आकडेवारी मिलीमीटर परिमाणात आहे. हिंगोली जिल्ह्यात दिनांक 1 जून 2025 ते 28 सप्टेंबर, 2025 पर्यंत सरासरी 1118.9 मिलीमीटर पाऊस पडला आहे. त्याची टक्केवारी 142.5 अशी आहे. कळमनुरी तालुक्यातील पाच व वसमत तालुक्यातील सहा अशा एकूण 11 मंडळात अतिवृष्टी झाली आहे. यामध्ये कळमनुरी तालुक्यातील कळमनुरी व वाकोडी प्रत्येकी 70.3 मिमी, आखाडा बाळापूर व वारंगा मंडळात प्रत्येकी 103.3 मिमी, डोंगरकडा मंडळात 108.8 मिमी पावसाची नोंद झाली आहे. वसमत तालुक्यातील वसमत व हयातनगर मंडळात 128.8, आंबा 96.5, गिरगाव 65.3, टेंभुर्णी 76.8 व कुरुंदा मंडळात 88.8 मिमी पावसाची नोंद झाली आहे. ******