नेपाळमध्ये अडकलेल्यांसाठी हेल्पलाइन क्रमांक जारी

हिंगोली, दि.१० (जिमाका): नेपाळ येथील हिंसाचाराच्या पार्श्वभूमीवर हिंगोली जिल्ह्यातील नागरिक पर्यटन किंवा इतर कारणांमुळे तिथे अडचणीत सापडलेल्या त्यांच्या परिवाराने किंवा पालकांनी जिल्हा आपत्ती व्यवस्थापन कार्यालयातील 9405408939 या क्रमांकावर माहिती द्यावी, असे आवाहन जिल्हा प्रशासनाच्या वतीने करण्यात आले आहे. नेपाळ येथे स्थानिक कारणांमुळे हिंसाचार उफाळला आहे. भारतातून तसेच मुख्यतः महाराष्ट्रातून नेपाळमध्ये पर्यटन तसेच इतर कारणाने जे नागरीक गेले आहेत त्यांना देखील हिंसाचाराचा फटका बसला असल्याची शक्यता आहे. त्यामुळे जिल्हा प्रशासनाने सदरील क्रमांक जारी करण्यात आला असल्याचे प्रसिद्धीपत्रकाव्दारे कळविले आहे. ****