राखीव निकालाबाबत उमेदवारांनी 15 सप्टेंबरपर्यंत संकेतस्थळावर माहिती भरावी * शिक्षक अभियोग्यता व बुद्धिमत्ता चाचणी परीक्षा

हिंगोली (जिमाका), दि. 10 : शिक्षक अभियोग्यता व बुद्धिमत्ता चाचणी परीक्षा-2025 चे आयोजन ऑनलाईन पद्धतीने दिनांक 27 ते 30 मे आणि 2 ते 5 जून, 2025 या कालावधीत राज्यातील 26 जिल्ह्यांमध्ये 60 परीक्षा केंद्रांवर महाराष्ट्र राज्य परीक्षा परिषदेच्या वतीने 8 दिवसामध्ये प्रतिदिन तीन सत्रात करण्यात आले होते. या परीक्षेस 2 लाख 28 हजार 808 परीक्षार्थी उमेदवारांनी नोंदणी केली होती. त्यापैकी 2 लाख 11 हजार 308 उमेदवार परीक्षेस प्रविष्ठ झाले होते. या परीक्षेचा निकाल दि. 18 ऑगस्ट, 2025 रोजी गुणयादी व गुणपत्रक महाराष्ट्र राज्य परीक्षा परिषदेच्या www.mscepune.in या संकेतस्थळावर उपलब्ध करून देण्यात आले आहे. तसेच राखीव ठेवण्यात आलेल्या बी.एड. व डी.एल.एड. परीक्षेचे एकूण 6 हजार 320 प्रविष्ठ विद्यार्थी, उमेदवारांपैकी 2 हजार 789 विद्यार्थी उमेदवारांचा निकाल दि. 25 ऑगस्ट, 2025 रोजी प्रसिद्ध करण्यात आला आहे. तद्नंतर दि. 3 जून, 2025 रोजी 244 विद्यार्थी उमेदवारांचा निकाल प्रसिद्ध करण्यात आला आहे. राखीव ठेवण्यात आलेल्या बी.एड. व डी.एल.एड. परीक्षेचे 6 हजार 320 प्रविष्ठ विद्यार्थी, उमेदवारांपैकी 3 हजार 187 प्रविष्ठ विद्यार्थी उमेदवारांनी 2 मे 2025 अन्वये महाराष्ट्र राज्य परीक्षा परिषदेच्या दिलेल्या संकेतस्थळावरील लिंकद्वारे अद्यापही माहिती न भरल्याने अशा 3 हजार 187 विद्यार्थी उमेदवारांचा निकाल राखीव ठेवण्यात आलेला आहे. या उमेदवारांनी महाराष्ट्र राज्य परीक्षा परिषदेच्या www.mscepune.in या संकेतस्थळावर उपलब्ध करून दिलेल्या लिंकमध्ये माहिती व अंतिम वर्षास प्रविष्ट उत्तीर्ण असल्याबाबतचा निकाल दि. 15 सप्टेंबर, 2025 पर्यंत देण्यात यावा. यानंतर माहिती सादर करणाऱ्या विद्यार्थी उमेदवारांच्या राखीव निकालाबाबत विचार केला जाणार नाही. याची सर्व विद्यार्थी उमेदवारांनी गांभीर्याने नोंद घ्यावी, असे आवाहन महाराष्ट्र राज्य परीक्षा परिषदेच्या आयुक्तांनी केले आहे. *****