जिल्ह्यातील स्मार्ट प्रकल्पामधील सहभागी यंत्रणांचा स्मार्टचे प्रकल्प संचालकांकडून आढावा

हिंगोली (जिमाका), दि.०२ : बाळासाहेब ठाकरे कृषि व्यवसाय व ग्रामीण परिवर्तन (स्मार्ट) प्रकल्पाचे पुणे येथील प्रकल्प संचालक डॉ. हेमंत वसेकर यांनी हिंगोली जिल्ह्याच्या भेटीत येथील जिल्हा अधीक्षक कृषि अधिकारी कार्यालयात जिल्ह्यातील स्मार्ट प्रकल्पामधील सहभागी यंत्रणा कृषि, महिला आर्थिक विकास महामंडळ, पशुसंवर्धन विभाग, व्हीएसटीएफ, एम.एस. आर.एल. एम. आदी यंत्रणाचा अंतिम मंजुरी प्राप्त असलेल्या समुदाय आधारीत संस्थेचा आढावा घेतला. जागतिक बँक अर्थसहाय्यित प्रकल्प असल्यामुळे स्मार्ट प्रकल्पामध्ये अनुसूचित जाती, अनुसूचित जमाती व महिलांचा सहभाग वाढविण्यासाठी जागतिक बँकेच्या मार्गदर्शक सूचनेप्रमाणे कार्यवाही करण्याचे निर्देश डॉ. वसेकर यांनी दिले. तसेच प्रकल्प विहित मुदतीत पूर्ण करण्याच्या सूचनाही दिल्या. यावेळी जिल्हा अधीक्षक कृषि अधिकारी राजेंद्र कदम, स्मार्टचे प्रमुख अंमलबजावणी कक्ष तथा आत्माचे प्रकल्प सचांलक बी.आर.वाघ, स्मार्टचे नोडल अधिकारी उपसंचालक जी.बी.बंटेवाड, पुरवठा व मूल्यसाखळी तज्ञ जी.एच.कच्छवे व स्मार्टच्या जिल्हा अंमलबजावणी कक्ष कार्यालयातील कर्मचारी व संबंधित यंत्रणेचे अधिकारी, कर्मचारी उपस्थित होते. पुरवठा व मूल्यसाखळी तज्ञ जी.एच.कच्छवे यांनी सर्वांचे आभार मानले. ******