स्मार्टचे प्रकल्प संचालक डॉ.हेमंत वसेकर यांची फार्मर प्रोड्यूसर कंपनीस भेट

हिंगोली (जिमाका), दि . ०२ : बाळासाहेब ठाकरे कृषि व्यवसाय व ग्रामीण परिवर्तन (स्मार्ट) प्रकल्पाचे पुणे येथील प्रकल्प संचालक डॉ. हेमंत वसेकर हिंगोली जिल्ह्याच्या भेटीत वसमत तालुक्यातील हट्टा येथील हट्टावाला फार्मर प्रोड्यूसर कंपनी, तोंडापूर येथील कयाधु फार्मर प्रोड्यूसर कंपनीस भेट देऊन वेअर हाऊस व मशिनरी शेड बांधकामाची पाहणी करुन मार्गदर्शन केले. यावेळी स्मार्टचे नोडल अधिकारी उपसंचालक जी.बी.बंटेवाड, पुरवठा व मूल्यसाखळी तज्ञ जी.एच.कच्छवे, अर्थशास्त्र तज्ञ तथा वित्तीय सल्लागार जितेश नालट, शेख मोहीब उर-रहेमान उपस्थित होते. हट्टावाला फार्मर प्रोडयूसर कंपनी येथे संबंधित कंपनीचे संचालक झोहेब सिदिकी, उत्तम रिठे, मंचक काळे, फहिमोदिन सिद्दिकी आदी उपस्थित होते. प्रकल्प संचालक माजी खासदार शिवाजीराव माने यांनी संचालक डॉ. वसेकर यांना कंपनीची माहिती दिली. तर कंपनीचे संचालक महेंद्र माने यांनी कंपनीमार्फत उत्पादित होणाऱ्या पदार्थांबाबत माहिती दिली. यावेळी स्मार्टचे प्रकल्प संचालक डॉ. हेमंत वसेकर यांनी मार्गदर्शन केले. यावेळी कयाधू फार्मर प्रोड्यूसर कंपनीचे संचालक डॉ.माधुरी काटकर, महेंद्र माने आदि कंपनीचे संचालक उपस्थित होते. *****