पीयुसी चाचणी प्रमाणपत्राच्या दरामध्ये वाढ

 

हिंगोली, (जिमाका) दि. 28 : मोटार वाहनाच्या पीयुसी चाचणी प्रमाणपत्राच्या दरामध्ये महाराष्ट्र शासनाच्या 25 एप्रिल, 2022 निर्देशानुसार वाढ करण्यात आली आहे. त्याचा तपशील पुढीलप्रमाणे आहे.

दुचाकी वाहनासाठी 50 रुपये, पेट्रोलवरील तीन चाकी वाहनासाठी 100 रुपये, पेट्रोल, सीएनजी, एलपीजीवर चालणारे चार चाकी वाहनासाठी 125 रुपये, डिझेलवर चालणाऱ्या वाहनासाठी 150 रुपये याप्रमाणे सुधारित दर आहेत. याची सर्व वाहन धारकांनी नोंद घ्यावी, असे आवाहन अनंता जोशी, उप प्रादेशिक परिवहन अधिकारी, हिंगोली यांनी प्रसिध्दीपत्रकाद्वारे केले आहे.

****