जिल्हाधिकारी कार्यालयात छत्रपती शिवाजी महाराज यांची जयंती साजरी

 

• ‘‘जय जय महाराष्ट्र माझा, गर्जा महाराष्ट्र माझा’’ या गीताचे सामुहिकरित्या गायन

 

 

        हिंगोली (जिमाका), दि. 19 :  येथील जिल्हाधिकारी कार्यालयाच्या सभागृहात छत्रपती शिवाजी महाराज यांच्या जयंतीनिमित्त त्यांच्या प्रतिमेस जिल्हाधिकारी जितेंद्र पापळकर यांनी पुष्पहार अर्पण व  अभिवादन करुन जयंती साजरी करण्यात आली .

            यावेळी निवासी उपजिल्हाधिकारी चंद्रकांत सुर्यवंशी, जिल्हाधिकारी यांचे स्वीय सहायक नागेश बोलके, नायब तहसीलदार डी. एस. जोशी, मधुकर खंडागळे, माहिती सहायक चंद्रकांत कारभारी यांच्यासह  विविध विभागाचे विभाग प्रमुख व कर्मचारी तसेच आराध्या राठोड या चिमुकलीनेही छत्रपती शिवाजी महाराज यांच्या प्रतिमेस पुष्प अर्पण करुन अभिवादन केले.

            स्वातंत्र्याच्या अमृत महोत्सवाचे औचित्य साधून राज्यातील तरुणाई तसेच समाजातील सर्वच नागरिकांना स्फूर्तीदायक असणारे तसेच महाराष्ट्राच्या शौर्याचे वर्णन करणारे अस्मितादर्शक असे ‘‘जय जय महाराष्ट्र माझा, गर्जा महाराष्ट्र माझा’’  या गितास नुकतेच राज्य शासनाने राज्यगीत म्हणून घोषित केले आहे. राज्यगीत म्हणून घोषित केलेल्या ‘‘जय जय महाराष्ट्र माझा, गर्जा महाराष्ट्र माझा’’ या गीताचे येथील जिल्हाधिकारी कार्यालयात सामुहिकरित्या मोठ्या उत्साहात गायन करण्यात आले.

*****