शैक्षणिक कर्ज व्याज परतावा योजनेचा लाभ घेण्याचे आवाहन

 

 

            हिंगोली (जिमाका), दि. 16 : महाराष्ट्र राज्य इतर मागासवर्गीय वित्त आणि विकास महामंडळामार्फत विद्यार्थ्यासाठी शैक्षणिक कर्ज व्याज परतावा योजना बँकेमार्फत राबविण्यात येत आहे. या कर्ज रकमेवरील व्याज परतावा देशांतर्गत व परदेशी उच्च व्यवसायिक शिक्षण घेणाऱ्या इतर मागास प्रवर्गातील विद्यार्थ्यासाठी राबविण्यात येत आहे.

            या योजनेमध्ये संपूर्ण कर्ज संबंधित बँकेमार्फत दिले जात असून विद्यार्थ्यांने बँकेच्या कर्जाची परतफेड नियमितपणे केल्यास 12 टक्के पर्यंतची व्याज परताव रक्कम दरमहा महामंडळ लाभार्थ्यांच्या बँक खात्यावर जमा करणार आहे. ही योजना ऑनलाईन स्वरुपाची असून त्यासाठी महामंडळाच्या www.msobcfdc.org.in या संकेतस्थळावर मूळ कागदपत्रे अपलोड करुन ऑनलाईन प्रस्ताव दाखल करावा. अधिक माहितीसाठी महामंडळाचे जिल्हा कार्यालय डॉ.बाबासाहेब आंबेडकर सामाजिक न्याय भवन, रिसाला बाजार, हिंगोली-431513 दूरध्वनी क्रमांक 02456-224465 यांच्याशी संपर्क साधावा. जास्तीत जास्त विद्यार्थ्यांनी शैक्षणिक कर्ज व्याज परतावा योजनेचा लाभ घ्यावा, असे आवाहन जिल्हा व्यवस्थापक एस. एन. झुंजारे यांनी केले आहे.

******