अंगणवाडी मदतनीस पदासाठी अर्ज करावेत

 

 

हिंगोली (जिमाका), दि. 22 :  राज्य शासनाच्या महिला  व बालविकास विभागाच्या  दि. 2 फेब्रुवारी, 2023 च्या शासन निर्णयानुसार बालविकास प्रकल्प अधिकारी, नागरी प्रकल्प हिंगोली या कार्यालयाअंतर्गत अंगणवाडी मदतनीस पदाच्या रिक्त असलेल्या नगरपालिका हिंगोली-12, नगरपालिका वसमत -02 व नगरपालिका कळमनुरी-05 याप्रमाणे मदतनीस पदाची मानधनी पदे भरण्याबाबत जाहिरात दिली आहे.

वरील नमूद पदासाठी दि. 26 जून, 2023 ते दि. 10 जुलै, 2023 या कालावधीमध्ये अर्ज स्वीकारण्यात येणार आहेत. अधिक माहितीसाठी बालविकास प्रकल्प अधिकारी, नागरी प्रकल्प, अंबिकानगर, हिंगोली येथे संपर्क साधावा, असे आवाहन बालविकास प्रकल्प अधिकारी, नागरी प्रकल्प कार्यालय, हिंगोली यांनी केले आहे.

*****