हिंगोली, दि. 30 (जिमाका) : ‘बेटी बचाव, बेटी पढाव’ योजनेंतर्गत सन 2026-27 या आर्थिक वर्षातील प्रस्तावित कृती आराखड्याबाबत जिल्हाधिकारी यांच्या अध्यक्षतेखाली आज आढावा बैठक घेण्यात आली.
या बैठकीत वन स्टॉप सेंटर, जिल्हा महिला सक्षमीकरण केंद्र, हिंगोली तसेच महिला हेल्पलाइनच्या कामकाजाचा आढावा घेण्यात आला. तसेच आगामी आर्थिक वर्षात योजनेंतर्गत राबविण्यात येणारे विविध उपक्रम आणि त्यासाठीच्या कृती आराखड्याबाबत चर्चा करण्यात आली.
यावेळी जिल्हाधिकाऱ्यांनी उपस्थित संबंधित विभागांच्या अधिकाऱ्यांना सन 2026-27 या वर्षासाठीचा ‘बेटी बचाव, बेटी पढाव’ योजनेचा कृती आराखडा सादर करण्याचे निर्देश दिले. बैठकीस जिल्हा महिला व बालविकास अधिकारी तसेच जिल्हा परिषद हिंगोलीचे जिल्हा कार्यक्रम अधिकारी आणि विविध विभागांचे अधिकारी व कर्मचारी उपस्थित होते.
बैठकीच्या शेवटी जिल्हा महिला व बालविकास अधिकारी संतोष दरपलवार यांनी उपस्थितांचे आभार मानले.
No comments:
Post a Comment