सार्वजनिक सुट्टीच्या दिवशी जिल्हा निबंधक कार्यालय सुरु

हिंगोली (जिमाका), दि.28 : वार्षिक बाजारमूल्य दर तक्ते 1 एप्रिलपासून प्रसिद्ध होत आहेत. सन 2023-24 या वर्षाचा इष्टांक पूर्ण करण्याच्या दृष्टीने, महाराष्ट्र मुद्रांक शुल्क अभय योजना यासंबंधीचे कामकाज करण्यासाठी व दस्त नोंदणीसाठी जिल्ह्यातील सर्व दुय्यम निबंधक कार्यालये व सह जिल्हा निबंधक तथा मुद्रांक जिल्हाधिकारी कार्यालय 29 ते 31 मार्च रोजी कार्यालये सुरु राहणार आहेत. याची पक्षकारांनी नोंद घ्यावी, असे आवाहन सह जिल्हा निबंधक वर्ग-1 तथा मुद्रांक जिल्हाधिकारी हिंगोली यांनी केले आहे. *******