कॉपीमुक्त अभियानांतर्गत अपर जिल्हाधिकारी महेंद्रकुमार कांबळे यांची परीक्षा केंद्रांना भेट

हिंगोली (जिमाका), दि. 27 : कॉपीमुक्त अभियानाच्या पार्श्वभूमीवर अपर जिल्हाधिकारी महेंद्रकुमार कांबळे यांनी हिंगोली येथील जिल्हा परिषद हायस्कूल मल्टी पर्पज तसेच जिल्हा परिषद कन्या प्रशाला या परीक्षा केंद्रांना भेट देऊन पाहणी केली.

यावेळी त्यांनी परीक्षा केंद्रांवरील व्यवस्था, विद्यार्थ्यांसाठी करण्यात आलेल्या सोयीसुविधा तसेच परीक्षेची पारदर्शक व शिस्तबद्ध अंमलबजावणी याबाबत समाधान व्यक्त केले. परीक्षा केंद्रांवर कोणत्याही प्रकारची गैरप्रकार घडू नयेत यासाठी आवश्यक खबरदारी घेण्याच्या सूचना संबंधित अधिकाऱ्यांना देण्यात आल्या.

कॉपीमुक्त वातावरणात परीक्षा पार पाडण्यासाठी प्रशासन कटिबद्ध असून, सर्व संबंधितांनी जबाबदारीने आपली कर्तव्ये पार पाडावीत, असेही त्यांनी यावेळी निर्देशित केले.

******