वाचन संकल्प महाराष्ट्राचा उपक्रम

हिंगोली (जिमाका), दि. २५ : उच्च व तंत्रशिक्षण विभागाच्या अधिपत्याखालील विद्यापीठे, महाविद्यालये, सार्वजनिक ग्रंथालयांमध्ये वाचन संस्कृतीला चालना देण्यासाठी वाचन संकल्प महाराष्ट्राचा हा उपक्रम १ ते १५ जानेवारी दरम्यान राबविला जाणार आहे. या उपक्रमात सर्व ग्रंथसंपदेचे एकत्रीकरण, वाचनालय सुशोभीकरण, महाविद्यालयीन विद्यार्थ्यांचा सहभाग असणार आहे. यामध्ये जिल्हा शासकीय ग्रंथालय अधिकारी कार्यालय, नेहरू नगर, रिसाला नाका, हिंगोली येथे व जिल्ह्यातील २४५ सार्वजनिक ग्रंथालयामध्ये दररोज कार्यक्रम होणार आहेत. वाचन पंधरवड्यानिमित्त सामूहिक वाचन, वाचन कौशल्य कार्यशाळा, वाचन संवाद, पुस्तक परीक्षण व कथन स्पर्धा, ग्रंथ प्रदर्शनाचे आयोजन केले जाईल. यानिमित्त विद्यार्थ्यांची सभासद नोंदणी मोहीम राबविली जाईल. शहर व जिल्ह्यातील नागरिकांनी उपक्रमात सहभागी होण्याचे आवाहन जिल्हा ग्रंथालय अधिकारी आशिष ढोक यांनी केले आहे . ******