नैसर्गिक शेतीची आवड असणाऱ्या गावातील सरपंचांनी कृषि विज्ञान केंद्राशी संपर्क साधावा

हिंगोली, (जिमाका) दि. 19 : तोंडापूर कृषि विज्ञान केंद्रांतर्गत डॉ. पंजाबराव देशमुख नैसर्गिक कृषि अभियानांतर्गत 50 हेक्टर क्षेत्रावर एक कार्यक्रम आयोजित केला जाणार आहे. कळमनुरी तालुक्यातील नैसर्गिक शेतीची आवड असणाऱ्या गावातील सरपंचांनी कृषि विज्ञान केंद्राशी 9765390976 आणि 7588153193 या क्रमांकावर संपर्क साधावा. या उपक्रमात सहभागी होऊ शकणाऱ्या 50 शेतकऱ्यांची (मोबाईल क्रमांकासह) ग्रामपंचायतीचा ठराव व यादी सादर करावी. नैसर्गिक शेतीची क्षमता पाहून त्यांच्या गावाची निवड केली जाईल. तसेच यादीत प्रथम येणाऱ्या गावांना प्राधान्य दिले जाईल. मार्गदर्शक तत्त्वांच्या आधारे यादी निश्चित करून प्रसिद्ध केली जाईल, असे तोंडापूर कृषि विज्ञान केंद्राकडून कळविण्यात आले आहे. *****