हिंगोली (जिमाका), दि. 27 : गुरु गोविंद सिंग यांच्या दोन लहान मुलांनी दिलेल्या बलिदानाचे प्रतिक म्हणून 26 डिसेंबर हा वीर बाल दिवस म्हणून दरवर्षी साजरा केला जाईल, अशी घोषणा पंतप्रधान यांनी केली आहे. त्या अनुषंगाने हिंगोली जिल्ह्यात जिल्हा महिला व बाल विकास अधिकारी कार्यालयाअंतर्गत जिल्हा महिला व बाल विकास अधिकारी यांच्या मार्गदर्शनाखाली सरस्वती मुलींचे निरीक्षणगृह व बालगृह, सावरकर नगर, हिंगोली व श्री स्वामी समर्थ बालगृह, खानापूर (चित्ता) ता. हिंगोली येथे वीर बाल दिवसानिमित्त विविध कार्यक्रम घेण्यात आले. यात चित्रकला तसेच माझे स्वप्न भारतासाठी आणि मला कशामुळे आनंद होतो, या विषयावर निबंध स्पर्धा घेण्यात आली. तसेच प्रवेशित बालकांना वीर गाथा दाखविण्यात आली. कार्यक्रमामध्ये बालकांनी आपले मत व्यक्त केले.
यावेळी जिल्हा बाल संरक्षण अधिकारी सरस्वती कोरडे, बाल संरक्षण अधिकारी (संस्थात्मक) गणेश मोरे, बाल संरक्षण अधिकारी (संस्थाबाह्य) जरीबखान पठाण, सामाजिक कार्यकर्ता रामप्रसाद मुडे, समुपदेशक सचिन पठाडे, निरीक्षण गृहाचे प्र.अधीक्षक शंकर घ्यार, काळजीवाहक सिंधू भिसे, बालगृह अधीक्षक रमेश पवार, चाईल्ड हेल्प लाईनचे राजरत्न पाईकराव, तथागत इंगळे, बालगृहातील प्रवेशित बालकांची उपस्थिती होती.
*******
No comments:
Post a Comment