राष्ट्रीय लोकअदालतीचे 13 डिसेंबर रोजी आयोजन

हिंगोली (जिमाका), दि. 04 : येथील जिल्हा व सत्र न्यायालयात व त्या अंतर्गत येणाऱ्या हिंगोली जिल्ह्यातील तालुक्यातील विविध न्यायालयात महाराष्ट्र विधी सेवा प्राधिकरण, उच्च न्यायालय मुंबई यांच्या आदेशानुसार तालुका विधी सेवा समिती व वकील संघाच्या संयुक्त विद्यमाने शनिवार, दिनांक 13 डिसेंबर, 2025 रोजी सकाळी 10.30 वाजता जिल्हा न्यायालय परिसरात व जिल्ह्यातील तालुक्यातील विविध न्यायालयात राष्ट्रीय लोकअदालतीचे आयोजन करण्यात आले आहे. या लोकअदालतीमध्ये भूसंपादन व मोटार अपघात नुकसान भरपाई प्रकरणे, तडजोडयुक्त फौजदारी प्रकरणे, दिवाणी प्रकरणे, वैवाहिक/ कौटुंबिक वाद प्रकरणे, पराक्रम्य अभिलेख अधिनियमचे कलम 138 खालील प्रकरणे, वाद पूर्व प्रकरणे इत्यादी खटले तडजोडीसाठी ठेवण्यात आली आहेत. ही सर्व प्रकरणे आपआपसातील तडजोडीद्वारे निकाली काढता यावीत. यासाठी राष्ट्रीय लोकअदालतीचे आयोजन करण्यात आले आहे. या राष्ट्रीय लोकअदालतीचा जास्तीत जास्त पक्षकार मंडळींनी उपस्थित राहून फायदा घ्यावा, असे आवाहन प्रमुख जिल्हा न्यायाधीश तथा तालुका विधी सेवा समितीचे अध्यक्ष टी. एस. अकाली, वकील संघाचे अध्यक्ष ॲड. एस. आर. भुक्तर यांनी केले आहे. **