हिंगोली (जिमाका), दि. 01: जागतिक एड्स दिनानिमित्त आज जिल्हा एड्स प्रतिबंध व नियंत्रण विभाग, जिल्हा रुग्णालय हिंगोली आणि शिवाजी महाविद्यालय हिंगोली यांच्या संयुक्त विद्यमाने भव्य मोटारसायकल रॅलीचे आयोजन करण्यात आले. शिवाजी महाविद्यालय परिसरातून रॅलीला जिल्हा शल्य चिकित्सक डॉ. नितीन तडस यांच्या हस्ते हिरवा झेंडा दाखवून सुरुवात करण्यात आली.
रॅलीच्या प्रारंभावेळी शासकीय वैद्यकीय महाविद्यालयाचे वैद्यकीय अधीक्षक डॉ. दीपक मोरे, जिल्हा क्षयरोग अधिकारी डॉ. देवेंद्र जायभाये, प्राचार्य डॉ. रामदास मुकटे, उपप्राचार्य बाळासाहेब क्षीरसागर, एआरटी नोडल अधिकारी डॉ.मनीष मुपकलवार, डॉ. बालाजी भाकरे, जिल्हा कार्यक्रम अधिकारी ज्ञानेश्वर चौधरी, प्रा. डॉ. माणिक डोखळे, डॉ. श्रीराम कऱ्हाळे, प्रा. आशिष इंगळे, प्रा. संजय चव्हाण, पीएसआय श्री. घुमणर तसेच विविध महाविद्यालयांतील रेड रिबन क्लबचे समन्वयक व विद्यार्थी मोठ्या संख्येने उपस्थित होते.
कार्यक्रमाचे प्रास्ताविक करताना ज्ञानेश्वर चौधरी यांनी जागतिक एड्स दिनाचे महत्त्व, पुढील पंधरा दिवसांचे नियोजित उपक्रम तसेच जनजागृतीमध्ये रेड रिबन क्लबचे योगदान यावर माहिती दिली. त्यानंतर डॉ. नितीन तडस यांनी सर्व उपस्थितांना एड्स प्रतिबंधाबाबत शपथ दिली.
ही मोटारसायकल रॅली शिवाजी महाविद्यालयातून प्रस्थान करून कोथळज रोड, अग्रसेन चौक, इंदिरा गांधी चौक, महात्मा गांधी चौक, जवाहर रोड मार्गे पोस्ट ऑफिस व शिवाजी महाराज चौक अशा शहरातील प्रमुख मार्गांवरून जागरूकता संदेश देत पुढे जात सामान्य रुग्णालय हिंगोली येथे समारोप करण्यात आला.
कार्यक्रमाचे सूत्रसंचालन प्रा. किशोर इंगोले यांनी केले तर आभार प्रदर्शन ज्ञानेश्वर चौधरी यांनी केले. या कार्यक्रमाच्या यशस्वितेसाठी संजय पवार, टीना कुंदनानी, आशिष पाटील, बालाजी चाफाकानडे, अब्दुल मुजीब, नितीन राठोड, देवानंद रायबोले, महानंदा साबळे, स्वाती चोपडे, लक्ष्मी वाठोरे, नम्रता भगत, संदीप सोळुंके, सुभाष मुदिराज, राजू पुंडगे, प्रसाद कुलकर्णी, रवी घुगे, बालाजी उबाळे, शीला रणवीर, विनीत उबाळे, सेतू एनजीओ, विहान एनजीओचे कर्मचारी तसेच आरोग्य विभागातील कर्मचाऱ्यांनी परिश्रम घेतले.
**
No comments:
Post a Comment