हिंगोली नगर परिषदेसाठी 66.25 तर कळमनुरीसाठी 72.81 टक्के सरासरी मतदान

हिंगोली, (जिमाका) दि.02: हिंगोली जिल्ह्यातील हिंगोली व कळमनुरी नगर परिषदेसाठी आज दोन्ही नगर परिषद क्षेत्रात मतदान प्रक्रिया शांततेत पार पडली. जिल्ह्यात आज सायंकाळी 5.30 वाजेपर्यंत हिंगोली नगर परिषद सार्वत्रिक निवडणुकीत 78 मतदान केंद्रावर 71 हजार 880 मतदारांपैकी 47 हजार 618 मतदारांनी मतदानाचा हक्क बजावला असून त्याची टक्केवारी 66.25 टक्के इतकी आहे. तर कळमनुरी नगर परिषद सार्वत्रिक निवडणुकीत 27 मतदान केंद्रांवर 23 हजार 34 मतदारांपैकी 16 हजार 772 मतदारांनी मतदानाचा हक्क बजावला असून त्याची सरासरी 72.81 टक्के आहे. हिंगोली जिल्ह्यातील हिंगोली नगर परिषद सार्वत्रिक निवडणुकीत सकाळी 9.30 वाजेपर्यंत 8.63 टक्के, 11.30 वाजेपर्यंत 22.41 टक्के, दुपारी 1.30 वाजेपर्यंत 36.68, दुपारी 3.30 वाजेपर्यंत 50.88 टक्के आणि सायंकाळी 5.30 वाजेपर्यंत सरासरी 66.25 टक्के मतदान झाले आहे. कळमनुरी नगर परिषद सार्वत्रिक निवडणुकीत सकाळी 9.30 वाजेपर्यंत 8.1 टक्के, 11.30 वाजेपर्यंत 24.4 टक्के, दुपारी 1.30 वाजेपर्यंत 39.72 टक्के, दुपारी 3.30 वाजेपर्यंत 55.56 टक्के आणि सायंकाळी 5.30 वाजेपर्यंत सरासरी 72.81 टक्के मतदान झाले असल्याची माहिती संबंधित नगर परिषदेचे निवडणूक निर्णय अधिकारी यांनी दिली आहे. ********