जिल्हाधिकारी राहुल गुप्ता यांनी घेतला आरोग्य सेवांचा आढावा

• राष्ट्रीय गुणवत्ता आश्वासन मानांकन कार्यक्रम अंतर्गत निर्धारित केलेल्या निर्देशांकाची पूर्तता करून 11 आरोग्य संस्था एनकॉस प्रमाणित करावी हिंगोली (जिमाका), दि. 14 : जिल्हाधिकारी राहुल गुप्ता यांनी आज जिल्हाधिकारी कार्यालयातील जिल्हा नियोजन समितीच्या सभागृहात समुदाय आरोग्य अधिकारी, वैद्यकीय अधिकारी, तालुका आरोग्य अधिकारी यांची आढावा बैठक घेतली. या बैठकीत एनसीडी पोर्टलवरील उच्च रक्तदाब, मधुमेह व कॅन्सर स्क्रीनिंगचे कामकाज सुधारण्यासाठी सक्त सूचना देण्यात आल्या. राष्ट्रीय गुणवत्ता आश्वासन मानांकन कार्यक्रम अंतर्गत निर्धारित केलेल्या निर्देशांकाची पूर्तता करून 11 आरोग्य संस्था एनकॉस प्रमाणित कराव्यात. 11 प्राथमिक आरोग्य केंद्राचे एन-क्वॉस मूल्यांकनासाठी आवश्यक सुधारणा वेळेत पूर्ण करून एनकॉस प्रमाणित करण्याच्या सक्त सूचना जिल्हाधिकारी राहुल गुप्ता यांनी यावेळी दिल्या. यावेळी जिल्हा आरोग्य अधिकारी डॉ. कैलाश शेळके, प्रभारी जिल्हा शल्य चिकित्सक डॉ. विशाल पवार, जिल्हा माता व बालसंगोपन अधिकारी डॉ. सतीश रुणवाल, सहायक जिल्हा आरोग्य अधिकारी डॉ. पांडूरंग फोपसे, जिल्हा क्षयरोग अधिकारी डॉ. देवेंद्र जायभाये, जिल्हा कार्यक्रम व्यवस्थापक शंकर तावडे, जिल्हा साथरोग वैद्यकीय अधिकारी डॉ. प्रकाश जाधव, तालुका आरोग्य अधिकारी डॉ. गजानन चव्हाण, डॉ. गणेश जोगदंड, डॉ. संदीप काळे , डॉ. डी व्ही. सावंत, वैद्यकीय अधिकारी डॉ. नामदेव कोरडे, डॉ. राजेश्वर कत्रूवार, जिल्हा लेखा व्यवस्थापक श्रीपाद गारूडी, डॉ. प्रशांत पुठावर, डॉ. निशांत थोरात आदी अधिकारी, कर्मचारी उपस्थित होते. *******